Sant Ian 3:34 - Bibl Koad 21: Ar Bibl e Brezhoneg evit ar Vretoned

³⁴ rak an hini en deus Doue kaset a lavar komzoù Doue, rak Doue ne ro ket dezhañ ar Spered dre vuzul.

Testamant Nevez 1897 (Jenkins)

³⁴ Rag an hini a zo bet digasset gant Doue, a lavar komzou Doue, rag Doue na ro ket dezhan ar Spered dre vuzur.

Sant Ian 3:34 Referencias Cruzadas

2 Rouned 2:9

Pa voent tremenet, Elia a lavaras da Elizea: Goulenn ar pezh a fell dit a rafen evidout, a-raok ma vin lamet diganit. Elizea a lavaras: Ra vo warnon, mar plij, ur muzul daougement eus da spered.

Salmoù 45:7

Da dron, o Doue, a chom dalc'hmat ha da viken! Gwalenn da ren a zo ur walenn a reizhder.

Izaia 59:21

Hag evidon-me setu an emglev a rin ganto, eme an AOTROU, va Spered hag a zo warnout ha va c'homzoù am eus lakaet ez kenoù, ned aint ket kuit eus da c'henoù nag eus genoù da lignez, nag eus genoù lignez da lignez, eme an AOTROU, adalek bremañ ha da viken.

Leviegezh 7:35

Hennezh eo al lodenn a roio an oleviadur da Aaron hag an oleviadur d’e vibien diwar ar profoù graet dre an tan dirak an AOTROU, adalek an deiz ma vint gouestlet da’m servij evel aberzhourien.

Niveroù 11:25

An AOTROU a ziskennas er goabrenn hag a gomzas outañ; kemer a reas eus ar spered a oa warnañ da lakaat war an dek henaour a tri-ugent. Pa en em lakaas ar spered warno, e profedjont, met ne gendalc'hjont ket.

Mazhev 12:18

Setu va servijer am eus dibabet, va c’haret-mat, ennañ va ene en deus kemeret plijadur. Lakaat a rin va Spered warnañ hag ec’h embanno ar reizhder d’ar broadoù,

Sant Lucas 4:18

Spered an Aotrou a zo warnon, dre-se en deus va olevet da brezeg ar c’heloù mat d’ar beorien. Kaset en deus ac’hanon da yac’haat ar re o deus ar c’halon flastret, da embann an dieubidigezh d’ar re zalc’het ha distro ar gweled d’ar re dall, da gas diere ar re gwasket,

Sant Ian 1:16

Ni holl hon eus resevet eus e leunder, ha gras war c’hras.

Sant Ian 15:26

Met pa vo deuet ar Frealzer a zegasin deoc’h a-berzh an Tad, ar Spered a wirionez a zeu eus an Tad, eñ a roio testeni ac’hanon.

Sant Ian 16:7

Koulskoude e lavaran deoc’h ar wirionez, talvoudek eo deoc’h ez afen kuit, rak ma ne d-an ket kuit, ar Frealzer ne zeuio ket d’ho kavout. Met mar d-an kuit, e kasin anezhañ deoc’h.

Sant Ian 3:17

Rak Doue n’en deus ket kaset e Vab er bed evit barn ar bed, met evit ma vo salvet ar bed drezañ.

Sant Ian 5:26

Rak, evel m’en deus an Tad ar vuhez ennañ e-unan, roet en deus ivez d’ar Mab da gaout ar vuhez ennañ e-unan,

Sant Ian 7:16

Jezuz a respontas dezho: Va c’helennadurezh n’eo ket ac’hanon, met eus an hini en deus va c’haset.

Sant Ian 8:40

Met bremañ e glaskit va lakaat d’ar marv, me, un den en deus lavaret deoc’h ar wirionez am eus desket digant Doue. Abraham n’en deus ket graet kement-se.

Sant Ian 8:47

An hini a zo eus Doue a selaou gerioù Doue. Dre-se eo ne selaouit ket, abalamour n’oc’h ket eus Doue.

Actou an Ebestel 1:2

betek an deiz ma voe savet en neñv, goude bezañ roet e urzhioù, dre ar Spered-Santel, d’an ebestel en doa dibabet.

Actou an Ebestel 10:38

penaos Doue en deus olevet gant ar Spered-Santel ha gant galloud Jezuz a Nazared, a yae a lec’h da lec’h oc’h ober vat hag o yac’haat ar re holl a oa mac’het gant an diaoul, abalamour ma oa Doue gantañ.

Romaned 8:2

Rak lezenn ar Spered a vuhez a zo e Jezuz-Krist en deus va dieubet eus lezenn ar pec’hed hag ar marv.

Efeziz 3:8

Ar c’hras-se a zo bet roet din-me, an disterañ eus an holl sent, evit prezeg e-touez ar baganed pinvidigezhioù digomprenus Krist

Koloseiz 1:19

Rak plijet eo bet lakaat pep leunder da chom ennañ.

Koloseiz 2:9

Rak ennañ e chom holl leunder an Doueelezh en e gorf,

Apocalyps 21:6

Lavarout a reas din: Graet eo. Me eo an Alfa hag an Omega, ar penn-kentañ hag an diwezh. D’an hini en deus sec’hed, e roin evit netra eus mammenn an dour a vuhez.

Apocalyps 22:1

Eñ a ziskouezas din ur stêr c’hlan eus an dour a vuhez, sklaer evel strink, a zeue eus tron Doue hag an Oan.