Sant Ian 19:39 - Bibl Koad 21: Ar Bibl e Brezhoneg evit ar Vretoned

³⁹ Nikodem, an hini a oa aet er penn-kentañ, en noz, da gavout Jezuz, a zeuas ivez, o tegas war-dro kant lur eus ur veskadenn mir hag aloez.

Testamant Nevez 1897 (Jenkins)

³⁹ Nicodem, pehini a oa deuet da genta da gavout Jesus en noz, a zeuaz ive, ha ganthan var‐dro kant lur aloez ha mirrh mesket assambles.

Sant Ian 19:39 Referencias Cruzadas

Geneliezh 50:2

Jozef a c'hourc'hemennas d'e servijerien, ar vedisined, balzamañ e dad hag ar vedisined a valzamas Israel.

2 Danevelloù 16:14

hag e voe sebeliet er bez en doa kleuzet evitañ e kêr David. Gourvezet e voe war ur gwele leuniet a louzoù-frondus hag a c'hwezhioù-mat kempennet hervez arz ar frondour, hag e voe devet evitañ un niver bras-meurbet anezho.

Salmoù 45:8

Karout a rez ar reizhder hag e kasaez an drougiezh, setu perak, o Doue, da Zoue en deus da olevet gant un eoul a levenez dreist da genseurted!

Krennlavarioù 7:17

Frondet em eus va gwele gant mir, aloez ha kinamona.

Kanenn ar C’hanennoù 1:13

Va muiañ-karet a zo din evel ur vodenn mir a ziskuizh etre va divronn.

Kanenn ar C’hanennoù 4:14

nard ha safran, korz-frond ha sinamona gant pep seurt gwez a ro an ezañs, mir hag aloez gant louzoù-frondus e-touez ar re wellañ,

Kanenn ar C’hanennoù 4:6

A-raok ma c'hwezh avel an deiz ha ma tec'h kuit ar skeudennoù, ez in da venez ar mir ha da grec'hienn an ezañs.

Mazhev 12:20

ne frigaso ket ar raosklenn dorret, ne vougo ket al lutigenn a zivoged c’hoazh, ken en devo lakaet ar reizhder da drec’hiñ,

Mazhev 19:30

Met kalz eus ar re gentañ a vo ar re ziwezhañ, ha kalz eus ar re ziwezhañ a vo ar re gentañ.

Mazhev 2:11

O vezañ aet en ti, e kavjont ar bugel bihan gant Mari e vamm hag, oc’h en em stouiñ d’an douar, ec’h azeuljont anezhañ. Ha goude bezañ digoret o zeñzorioù, e kinnigjont dezhañ profoù: aour, ezañs ha mir.

Sant Marc 16:1

Goude ma voe ar sabad tremenet, Mari a Vagdala, Mari mamm Jakez ha Salome, a brenas louzoù-frondus evit dont d’e valzamañ.

Sant Ian 12:3

Neuze Mari, o vezañ kemeret ul lur c’hwezh-vat a nard pur eus ur priz bras, a olevas ganti treid Jezuz hag a dorchas e dreid gant he blev. An ti a voe leuniet gant c’hwezh an traet-se.

Sant Ian 12:7

Neuze Jezuz a lavaras: Lez anezhi, miret he deus ar c’hwezh-vat-se evit deiz va beziadur.