Sant Ian 16:22 - Bibl Koad 21: Ar Bibl e Brezhoneg evit ar Vretoned

²² Evel-se c’hwi a zo bremañ en dristidigezh, met me ho kwelo a-nevez hag ho kalon en em laouenaio, ha den ne lamo diganeoc’h ho levenez.

Testamant Nevez 1897 (Jenkins)

²² Evel‐se, c’houi a zo breman en dristidigez; mes ho kwelet a rin a‐nevez, hag ho calon a vezo karget a levenez, ha den ne hallo lemmel ho levenez diganeoc’h.

Sant Ian 16:22 Referencias Cruzadas

Levr Job 34:29

Ma ro ehan, piv a gondaono? Ma kuzh e zremm, piv a sello outañ? E-keñver ur bobl pe e-keñver un den, evel-se e ra,

Salmoù 146:2

Me a veulo an AOTROU e-keit ha ma vevin. Me a lido va Doue e-keit ha ma padin.

Salmoù 33:21

Rak hor c'halon a laouena ennañ, rak fiziañs hon eus en e anv santel.

Izaia 25:9

En deiz-se e vo lavaret: Setu, hon Doue eo, esperet hon eus ennañ, hag e saveteo ac'hanomp. An AOTROU eo, esperet hon eus ennañ, tridomp a levenez ha laouenaomp eus e silvidigezh.

Jeremiaz 31:12

Dont a raint, hag e kanint war uhelenn Sion, hag e teredint da vadoù an AOTROU, d'ar gwinizh, d'ar gwin, d'an eoul, da re vihan an deñved hag ar saout. O ene a vo evel ul liorzh douraet, ha ne vint ken er poanioù.

Mazhev 28:8

Mont a rejont raktal er-maez eus ar bez, gant spont ha levenez vras, hag e redjont da zisklêriañ kement-se d’e ziskibien.

Sant Lucas 10:42

Met un dra hepken a zo ret. Mari he deus dibabet al lodenn wellañ, ha ne vo ket lamet diganti.

Sant Lucas 16:25

Abraham a respontas: Bugel, az pez soñj penaos ec’h eus resevet da vadoù e-pad da vuhez ha Lazar en deus bet poanioù. Bremañ eñ a zo diboaniet ha te a zo er poanioù.

Sant Lucas 19:26

Me a lavar deoc’h, roet e vo d’an neb en deus, met an hini n’en deus ket, e vo lamet digantañ zoken ar pezh en deus.

Sant Lucas 24:41

Met en o levenez, ne gredent ket c’hoazh hag e oant souezhet; lavarout a reas dezho: Ha bez’ hoc’h eus amañ un dra bennak da zebriñ?

Sant Ian 14:1

Na lezit ket ho kalon da vezañ trubuilhet. Kredit e Doue, kredit ivez ennon.

Sant Ian 14:19

C’hoazh un nebeud amzer hag ar bed ne’m gwelo ken, met c’hwi am gwelo, abalamour ma vevan ha ma vevot ivez.

Sant Ian 14:27

Lezel a ran ganeoc’h ar peoc’h, reiñ a ran deoc’h va feoc’h. Ne roan ket deoc’h evel ma ro ar bed. Na lezit ket ho kalon da vezañ trubuilhet pe spontet.

Sant Ian 16:16

C’hoazh un nebeud amzer ha ne’m gwelot mui, ha c’hoazh un nebeud amzer goude hag em gwelot, abalamour ma’z an da gavout an Tad.

Sant Ian 16:20

E gwirionez, e gwirionez, me a lavar deoc’h, c’hwi a welo hag a hirvoudo, hag ar bed en em laouenaio. C’hwi a vo en dristidigezh, met ho tristidigezh a vo troet e levenez.

Sant Ian 16:6

Hag abalamour ma em eus lavaret deoc’h an traoù-mañ, an dristidigezh he deus leuniet ho kalon.

Sant Ian 21:7

Neuze an diskibl a oa karet gant Jezuz a lavaras da Bêr: An Aotrou eo! Pa glevas Simon-Pêr e oa an Aotrou, e lakaas e sae, rak en noazh e oa, hag en em daolas er mor.

Sant Ian 4:14

met an hini a evo eus an dour a roin dezhañ n’en devo biken mui sec’hed, hag an dour a roin dezhañ a zeuio ennañ ur vammenn-dour a strinko evit ar vuhez peurbadus.

Actou an Ebestel 13:52

An diskibien a oa leuniet gant levenez ha gant ar Spered-Santel.

Actou an Ebestel 16:25

War-dro hanternoz, Paol ha Silaz a oa o pediñ hag o kanañ meuleudioù da Zoue, hag ar brizonidi o c’hleve.

Actou an Ebestel 2:46

Bemdez e oant aketus a-unvan en templ. O terriñ ar bara eus an eil ti d’egile, e kemerent o boued gant levenez hag eeunded a galon,

Actou an Ebestel 5:41

Int eta en em dennas a-zirak ar sanedrin, leuniet a levenez da vezañ bet kavet dellezek da c’houzañv dismegañs evit e anv.

2 Korintiz 6:10

evel glac’haret ha ni bepred laouen koulskoude, evel peorien hag o pinvidikaat meur a hini koulskoude, evel o kaout netra ha ni o perc’hennañ an holl draoù koulskoude.

2 Tesalonikiz 2:16

Hon Aotrou Jezuz-Krist e-unan, ha Doue hon Tad en deus hor c’haret ha roet deomp dre e c’hras ur frealz peurbadus hag un esperañs vat,

Hebreed 10:34

Rak bet hoc’h eus truez ouzh va ereoù hag asantet hoc’h eus gant levenez e vije dilamet diganeoc’h ho madoù, o c’houzout penaos ez eus evidoc’h en neñvoù madoù gwelloc’h ha peurbadus.

Hebreed 6:18

evit ma hor bo ur frealz galloudek, dre an daou dra digemmus-se na c’hell ket Doue gaouiadiñ enno, ni hag a glask ur repu e perc’hennidigezh nerzhus an esperañs kinniget deomp.

1 Pêr 1:8

Karout a rit anezhañ hep bezañ e welet, krediñ a rit ennañ hep bezañ e welet c’hoazh, hag en em laouenait gant ul levenez dilavarus ha glorius,