Sant Ian 14:7 - Bibl Koad 21: Ar Bibl e Brezhoneg evit ar Vretoned

⁷ Mar ho pefe va anavezet, ho pefe anavezet ivez va Zad. Hag a-vremañ ec’h anavezit anezhañ hag hoc’h eus e welet.

Testamant Nevez 1897 (Jenkins)

⁷ Mar ho pije va anavezet, ho pije ive anavezet va Zad; hag A‐vreman ec’h anavezit anezhan, hag hoc’h euz hen gwelet.

Sant Ian 14:7 Referencias Cruzadas

Mazhev 11:27

Pep tra a zo bet roet din gant va Zad, ha den ne oar piv eo ar Mab nemet an Tad, na piv eo an Tad kennebeut nemet ar Mab, hag an hini e fell d’ar Mab e ziskuliañ dezhañ.

Sant Lucas 10:22

Pep tra a zo bet roet din gant va Zad, ha den ne oar piv eo ar Mab nemet an Tad, na piv eo an Tad nemet ar Mab hag an hini a fell d’ar Mab e zisklêriañ dezhañ.

Sant Ian 1:18

Den n’en deus biskoazh gwelet Doue. Ar Mab nemetañ a zo en askre an Tad, eo an hini en deus e roet da anavezout.

Sant Ian 15:24

Ma ne’m bije ket graet en o zouez an oberoù n’en deus graet hini all ebet, n’o dije ket a bec’hed. Met bremañ o deus o gwelet hag o deus kasaet ac’hanon ha va Zad ivez.

Sant Ian 16:3

Ober a raint kement-se deoc’h rak n’o deus anavezet na va Zad na me.

Sant Ian 17:21

evit ma vint holl unan, evel ma’z out ennon, Tad, hag evel ma’z on ennout, evit ma vint ivez unan ennomp, evit ma kredo ar bed ec’h eus va c’haset.

Sant Ian 17:23

me enno ha te ennon, evit ma vint unan en un doare klok, ha ma’c’h anavezo ar bed ec’h eus va c’haset hag ec’h eus o c’haret evel ma ec’h eus va c’haret.

Sant Ian 17:26

Roet em eus da anavezout dezho da anv hag e roin anezhañ da anavezout dezho, evit ma vo enno ar garantez ac’h eus bet evidon ha ma vin enno.

Sant Ian 17:3

Hag ar vuhez peurbadus eo ma’c’h anavezint ac’hanout, te ar gwir Doue nemetañ, ha Jezuz-Krist, an hini ac’h eus kaset.

Sant Ian 17:6

Disklêriet em eus da anv d’an dud ac’h eus roet din eus ar bed. Dit e oant, hag ec’h eus o roet din, hag o deus miret da c’her.

Sant Ian 17:8

rak roet em eus dezho ar gerioù ac’h eus roet din, hag o degemeret o deus, hag anavezet o deus e gwirionez ez on deuet ac’hanout, ha kredet o deus ec’h eus va c’haset.

Sant Ian 6:46

N’eo ket en defe un den gwelet an Tad, nemet an hini a zeu eus Doue en deus gwelet an Tad.

Sant Ian 8:19

Lavarout a rejont eta dezhañ: Pelec’h emañ da Dad? Jezuz a respontas: N’anavezit na me na va Zad. Mar anavezfec’h ac’hanon, ec’h anavezfec’h ivez va Zad.

2 Korintiz 4:6

Rak Doue, hag en deus lavaret: Ra sklêrijenno ar gouloù eus an deñvalijenn, a sklêrijenn hor c’halonoù evit lakaat anaoudegezh gloar Doue da lugerniñ war dremm Jezuz-Krist.

Hebreed 1:3

Hemañ a zo splannder skedus e c’hloar hag heñvelder e bersonelezh, derc’hel a ra an holl draoù dre e c’her galloudek. Eñ en deus graet e-unan ar c’hlanidigezh eus hor pec’hedoù hag a zo en em azezet a-zehou d’ar Veurdez doueel el lec’hioù uhel meurbet.

1 Yann 2:13

Tadoù, skrivañ a ran deoc’h dre ma hoc’h eus anavezet an hini a zo adalek ar penn-kentañ. Tud yaouank, skrivañ a ran deoc’h dre ma hoc’h eus trec’het an hini drouk. Bugale vihan, skrivañ a ran deoc’h dre ma hoc’h eus anavezet an Tad.