Sant Ian 13:21 - Bibl Koad 21: Ar Bibl e Brezhoneg evit ar Vretoned

²¹ P’en doe Jezuz lavaret kement-se, e voe trubuilhet en e spered hag e roas an testeni-mañ: E gwirionez, e gwirionez, me a lavar deoc’h, unan ac’hanoc’h am droukroio.

Testamant Nevez 1897 (Jenkins)

²¹ Pa hen doe Jesus lavaret kement‐se, e oe troublet en he spered, hag e roaz an desteni‐man: E gwirionez, e gwirionez hen lavaran deoc’h, unan ac’hanoc’h am zrahisso.

Sant Ian 13:21 Referencias Cruzadas

Mazhev 26:21

E-pad ma tebrent, e lavaras dezho: Me a lavar deoc’h e gwirionez, unan ac’hanoc’h am droukroio.

Mazhev 26:38

Neuze e lavaras dezho: Trist eo va ene betek ar marv, chomit amañ ha beilhit ganin.

Sant Marc 14:18

Evel ma oant ouzh taol ha ma tebrent, Jezuz a lavaras: Me a lavar deoc’h e gwirionez, unan ac’hanoc’h, unan a zebr ganin, am droukroio.

Sant Marc 3:5

Neuze, o sellout gant fae ouzh ar re a oa en-dro dezhañ hag o vezañ glac’haret eus kaleter o c’halon, e lavaras d’an den-se: Astenn da zorn. Astenn a reas anezhañ hag e teuas yac’h evel egile.

Sant Ian 11:33

Pa welas Jezuz anezhi o ouelañ, hi hag ar Yuzevien a oa deuet ganti, e huanadas en e spered hag e voe trubuilhet.

Sant Ian 11:35

Jezuz a ouelas.

Sant Ian 11:38

Neuze Jezuz, o huanadiñ a-nevez ennañ e-unan, a zeuas d’ar bez. Ur c’hev e oa hag ur maen a oa bet lakaet warnañ.

Sant Ian 12:27

Bremañ va ene a zo trubuilhet. Ha petra a lavarin? Tad, savete ac’hanon eus an eur-mañ? Met evit kement-se eo ez on deuet en eur-mañ.

Sant Ian 13:18

Ne gomzan ket ac’hanoc’h holl. Gouzout a ran ar re am eus dibabet. Met ret eo d’ar Skritur bezañ peurc’hraet: An hini a zebr bara ganin en deus savet e droad em enep.

Sant Ian 13:2

Da ziwezh ar goan, an diaoul o vezañ lakaet dija e kalon Judaz Iskariod mab Simon ar soñj d’e zroukreiñ,

Sant Ian 13:22

An diskibien a sellas an eil ouzh egile o vezañ ne ouient ket a biv eo e komze.

Actou an Ebestel 17:16

E-pad ma oa Paol ouzh o gortoz en Aten, e oa kounnaret e spered ennañ e-unan o welout ar gêr-se leuniet holl gant idoloù.

1 Yann 2:19

Aet int er-maez eus hon touez, met ne oant ket eus hor re, rak ma vijent bet eus hor re, e vijent chomet ganeomp. Met aet int er-maez evit ma vije diskouezet ne oant ket holl eus hor re.