Sant Ian 11:25 - Bibl Koad 21: Ar Bibl e Brezhoneg evit ar Vretoned

²⁵ Jezuz a lavaras dezhi: Me eo an adsavidigezh hag ar vuhez, an hini a gred ennon, ha pa vefe marv, a vevo.

Testamant Nevez 1897 (Jenkins)

²⁵ Jesus a lavaraz dezhi: Me eo ar resurrection hag ar vuez; an hini a gred enoun, ha pa ve maro, a vevo.

Sant Ian 11:25 Referencias Cruzadas

Salmoù 36:9

O gwalc'h a resevont eus fonnusted da di, hag e roez da evañ dezho e stêr da blijadurezh.

Izaia 26:19

Da re varv a vevo! Va c'horf marv a savo! Dihunit ha kanit gant levenez, tud ar boultrenn! Rak da c'hlizhenn a zo evel glizhenn ar sklêrijenn, hag an douar a roio en-dro ar re aet da get.

Izaia 38:16

AOTROU, dre eno eo ar vuhez, aze emañ buhez va spered. Yac'haat a rez ac'hanon, reiñ a rez din da vevañ.

Sant Lucas 23:43

Jezuz a lavaras dezhañ: Me a lavar dit e gwirionez, hiziv e vi ganin er baradoz.

Sant Ian 1:4

Ennañ e oa ar vuhez, hag ar vuhez a oa sklêrijenn an dud.

Sant Ian 14:19

C’hoazh un nebeud amzer hag ar bed ne’m gwelo ken, met c’hwi am gwelo, abalamour ma vevan ha ma vevot ivez.

Sant Ian 14:6

Jezuz a lavaras dezhañ: Me eo an hent, ar wirionez hag ar vuhez. Den ne zeu d’an Tad nemet drezon.

Sant Ian 3:16

Rak kement en deus Doue karet ar bed m’en deus roet e Vab nemetañ, evit na vo ket kollet piv bennak a gred ennañ, met m’en devo ar vuhez peurbadus.

Sant Ian 3:36

An hini a gred er Mab en deus ar vuhez peurbadus, met an hini na sent ket ouzh ar Mab ne welo ket ar vuhez, met fulor Doue a chom warnañ.

Sant Ian 5:21

Rak, evel ma adsav a varv an Tad hag e ro ar vuhez, evel-se ivez ar Mab a ro ar vuhez d’ar re a fell dezhañ.

Sant Ian 5:26

Rak, evel m’en deus an Tad ar vuhez ennañ e-unan, roet en deus ivez d’ar Mab da gaout ar vuhez ennañ e-unan,

Sant Ian 6:35

Jezuz a lavaras dezho: Me eo ar bara a vuhez. An hini a zeuio da’m c’havout n’en devo biken naon, hag an hini a gred ennon n’en devo biken sec’hed.

Sant Ian 6:44

Den ne c’hell dont da’m c’havout ma ne vefe sachet gant an Tad en deus va c’haset, ha en adsavin a varv d’an deiz diwezhañ.

Actou an Ebestel 3:15

Lakaet hoc’h eus d’ar marv Priñs ar vuhez, ha Doue en deus e adsavet a-douez ar re varv, ni a zo testoù a gement-se.

Romaned 4:17

hervez ma’z eo skrivet: Da lakaet em eus da vezañ tad da veur a vroad. Hon tad eo dirak Doue en deus kredet ennañ, eñ hag a ro buhez d’ar re varv hag a c’halv an traoù n’emaint ket evel ma vijent.

Romaned 8:2

Rak lezenn ar Spered a vuhez a zo e Jezuz-Krist en deus va dieubet eus lezenn ar pec’hed hag ar marv.

1 Korintiz 15:18

hag ar re a zo marv e Krist a zo ivez kollet.

1 Korintiz 15:29

Anez, petra a raio ar re a zo badezet evit ar re varv. Ma ne advevo ket ar re varv, perak neuze ez int badezet evit ar re varv?

2 Korintiz 4:14

oc’h anavezout penaos an hini en deus savet an Aotrou Jezuz a varv a savo ac’hanomp ivez a varv dre Jezuz, hag a lakaio ac’hanomp d’en em ziskouez ganeoc’h.

Filipiz 1:23

Gwasket on eus an daou du, o kaout ar c’hoant da zilojañ ha da vezañ gant Krist, ar pezh a vefe kalz gwelloc’h din,

Filipiz 3:10

Evel-se ec’h anavezin Krist, ha galloud e adsavidigezh a varv, ha kenlodenn e boanioù, o tont heñvel outañ en e varv,

1 Tesalonikiz 4:14

Rak mar kredomp ez eo Jezuz marvet hag adsavet a varv, kredomp ivez e tegaso Doue gantañ ar re a vo kousket e Jezuz.

Apocalyps 1:18

an hini a zo bev. Bet on marv, ha setu, ez on bev e kantvedoù ar c’hantvedoù. Amen. Me am eus alc’houezioù lec’h ar marv hag ar marv.

Apocalyps 20:5

Ar peurrest eus ar re varv n’advevjont ket ken na voe ar mil bloavezh tremenet. Hounnezh eo ar gentañ adsavidigezh.

Apocalyps 21:4

Doue a sec’ho pep daeraouenn diwar o daoulagad. Ar marv ne vo ken, nag ar c’hañv, na garm, na poan ebet, rak an traoù kentañ a zo tremenet.

Apocalyps 22:1

Eñ a ziskouezas din ur stêr c’hlan eus an dour a vuhez, sklaer evel strink, a zeue eus tron Doue hag an Oan.

Apocalyps 22:17

Ar Spered hag ar bried a lavar: Deus. Ra lavaro an hini a glev: Deus. Ra zeuio an hini en deus sec’hed. Ra gemero dour a vuhez evit netra an hini a fell dezhañ.