Hebreed 1:1 - Bibl Koad 21: Ar Bibl e Brezhoneg evit ar Vretoned

¹ Doue, goude bezañ gwechall komzet d’hon tadoù meur a wech hag e meur a zoare dre ar brofeded,

Testamant Nevez 1897 (Jenkins)

¹ Doue, goude beza gwechall komzet ouz hon tadou koz, alies hag e meur a zoare, dre ar brofeted,

Hebreed 1:1 Referencias Cruzadas

Geneliezh 3:15

Hag e lakain enebiezh etre te hag ar wreg, etre da lignez hag he lignez: houmañ a friko dit da benn, ha te he flemmo en he seul.

Geneliezh 6:3

An AOTROU a lavaras: Va Spered ne stourmo ket da viken gant an den rak n'eo nemet kig; e zeizioù a vo kant ugent vloaz.

Joel 2:28

Hag e c'hoarvezo goude an traoù-se ma skuilhin va Spered war bep kig, ho mibien hag ho merc'hed a brofedo, ho tud kozh o devo huñvreoù hag ho tud yaouank o devo gweledigezhioù.

Sant Lucas 1:55

evel m’en doa henn lavaret d’hon tadoù, e-keñver Abraham hag e lignez da viken.

Sant Lucas 1:72

evit ober trugarez e-keñver hon tadoù ha kaout soñj eus e emglev santel,

Sant Lucas 24:27

Hag e tisplegas dezho an holl Skriturioù a gomze diwar e benn adalek Moizez betek an holl brofeded.

Sant Lucas 24:44

Hag e lavaras dezho: Setu ar pezh am eus lavaret deoc’h pa oan c’hoazh ganeoc’h: ret eo ma vefe peurc’hraet kement a zo skrivet diwar va fenn e lezenn Moizez, er brofeded hag er Salmoù.

Sant Ian 16:13

Pa vo deuet hennezh, ar Spered a wirionez, e reno ac’hanoc’h en holl wirionez, rak ne gomzo ket anezhañ e-unan, met e lavaro kement en devo klevet hag e tisklêrio deoc’h an traoù da zont.

Sant Ian 7:22

Moizez en deus roet deoc’h an amdroc’h, n’eo ket e teufe eus Moizez met eus an Tadoù, ha c’hwi a amdroc’h un den d’an deiz sabad.

Sant Ian 9:29

Ni a oar en deus Doue komzet ouzh Moizez, met hemañ, n’ouzomp ket a-belec’h eo.

Actou an Ebestel 13:32

Ha ni a ro da anavezout deoc’h an Aviel, ar bromesa a oa bet graet d’hon tadoù.

Actou an Ebestel 2:30

Met, o vezañ profed hag o c’houzout en doa Doue prometet dezhañ gant le e lakaje Krist da c’henel eus e lignez hervez ar c’hig evit e lakaat da azezañ war e dron,

Actou an Ebestel 28:23

O vezañ merket un deiz dezhañ, e teujont en niver brasoc’h d’e lojeiz. Hag adalek ar beure betek an noz, e prezegas dezho rouantelezh Doue, o reiñ testeni hag o lakaat anezho da grediñ diwar-benn Jezuz, dre lezenn Moizez ha dre ar brofeded.

Actou an Ebestel 3:21

a dle an neñv degemer betek amzer adsavidigezh an holl draoù, en deus Doue komzet diwar he fenn dre c’henoù e holl brofeded santel abaoe pell amzer.

Hebreed 11:18

a oa bet lavaret diwar e benn: En Izaak eo e vo galvet da lignez.

Hebreed 11:2

Drezi o deus an henaourien kavet un testeni mat.

Hebreed 12:25

Lakait evezh na zisprizfec’h an hini a gomz ouzhoc’h, rak ma ne dec’has ket ar re a zisprizas an hini a alie anezho war an douar, pegen diaesoc’h c’hoazh e vo deomp tec’hout mar troomp kein d’an hini a gomz deomp eus an neñvoù,

Hebreed 2:2

Rak mar d-eo bet galloudus ar gomz prezeget gant an aeled, ha mar he deus pep torridigezh ha pep disentidigezh resevet ur paeamant reizh,

Hebreed 2:3

penaos e c’hellimp tec’hout kuit mar dilezomp ur silvidigezh ken bras, a zo bet prezeget da gentañ gant an Aotrou, a zo bet roet deomp evel gwirion gant ar re o deus e glevet,

Hebreed 3:5

Moizez e gwirionez a zo bet feal en e holl di evel ur servijer, evit reiñ testeni d’ar pezh a dlee bezañ lavaret,

Hebreed 4:8

Rak m’en dije Jozue o c’haset en diskuizh, ne gomzje ket goude-se eus un devezh all.

Hebreed 5:5

Evel-se ivez Krist n’en deus ket kemeret evitañ e-unan ar gloar da vezañ beleg-meur, met resevet en deus digant an hini en deus lavaret: Te eo va Mab, da c’hanet em eus hiziv.

Hebreed 9:19

Goude m’en doe Moizez disklêriet d’an holl bobl ar gourc’hemennoù eus al lezenn en o fezh, e kemeras gwad al leueoù hag ar bouc’hed, gant dour, gloan ruz ha sikadez, hag e sparfas war al levr e-unan ha war an holl bobl,