Galated 5:1 - Bibl Koad 21: Ar Bibl e Brezhoneg evit ar Vretoned

¹ Chomit eta start er frankiz en deus Krist ho lakaet dieub enni, ha n’en em lakait ken a-nevez dindan yev ar sklavelezh.

Testamant Nevez 1897 (Jenkins)

¹ Rag‐se choumit stard el liberte gant pehini hen deuz ar C’hrist rentet ac’hanoc’h libr, ha n’en em likit ket a‐nevez dindan yeo an esclavach.

Galated 5:1 Referencias Cruzadas

Salmoù 51:12

O Doue! Krou ennon ur galon c'hlan, nevesa em diabarzh ur spered eeun,

Krennlavarioù 23:23

Pren ar wirionez ha na werzh ket anezhi, pren ar furnez, an deskadurezh hag ar poell.

Izaia 61:1

Spered an Aotrou AOTROU a zo warnon, setu perak en deus va olevet an AOTROU evit prezeg ar c'heloù mat d'ar beorien. Kaset en deus ac'hanon evit yac'haat ar re o deus ar galon flastret, evit embann an dieubidigezh d'ar re zalc'het hag ar frankiz d'ar re doullbac'het,

Mazhev 23:4

Eren a reont bec’hioù pounner ha diaes da zougen, ha o lakaont war divskoaz an dud, met ne fell ket dezho stekiñ outo gant o biz.

Sant Lucas 5:38

Met ar gwin nevez a dle bezañ lakaet e seier nevez, hag an daou en em vir a-unan.

Actou an Ebestel 15:10

Bremañ eta, perak e temptit Doue en ur lakaat war an diskibien ur yev n’hon eus ket bet an nerzh da zougen, nag hon tadoù na ni hon-unan?

Romaned 6:14

Rak ar pec’hed n’en devo ken galloud warnoc’h, dre ma n’emaoc’h ket dindan al lezenn met dindan ar c’hras.

Romaned 6:18

O vezañ bet dieubet eus ar pec’hed, oc’h deuet sklavourien d’ar reizhder.

Romaned 7:3

Evel-se eta, mar deu da zimeziñ da ur gwaz all e-pad buhez hec’h ozhac’h, e vo galvet avoultrerez. Met mar deu hec’h ozhac’h da vervel, dieubet eo diouzh al lezenn en hevelep doare ma n’eo ket avoultrerez mar deu da zimeziñ da ur gwaz all.

Romaned 7:6

Met bremañ dizereet omp bet diouzh al lezenn, o vezañ marv d’ar pezh a oamp dalc’het dindanañ, en hevelep doare ma servijomp e nevezded ar spered ha nann hervez al lizherenn a zo deuet da vezañ kozh.

Romaned 8:15

Ha n’hoc’h eus ket resevet ur spered a sklavelezh evit bezañ c’hoazh en aon, met resevet hoc’h eus ur Spered advugelañ a laka ac’hanomp da grial: Abba! Tad!

Romaned 8:2

Rak lezenn ar Spered a vuhez a zo e Jezuz-Krist en deus va dieubet eus lezenn ar pec’hed hag ar marv.

1 Korintiz 15:58

Evel-se, va breudeur karet-mat, bezit start, divrall, o labourat muioc’h-muiañ en oberenn an Aotrou, oc’h anavezout penaos n’eo ket didalvoud ho labour en Aotrou.

1 Korintiz 16:13

Beilhit, chomit start er feiz, en em renit evel tud, en em greñvait.

1 Korintiz 7:22

Rak an hini a oa bet galvet en Aotrou pa oa sklav a zo frankiziad an Aotrou. En hevelep doare an hini a oa bet galvet pa oa frank a zo sklavour Krist.

2 Korintiz 11:20

Mar deu unan bennak d’ho mestroniañ, d’ho lonkañ, da gregiñ ennoc’h, mar en em uhela, pe mar sko ac’hanoc’h war ho tremm, e c’houzañvit anezhañ.

2 Korintiz 3:17

Rak an Aotrou eo ar Spered, hag e-lec’h ma’z emañ Spered an Aotrou, eno emañ al librentez.

Galated 2:4

Ha kement-se a c’hoarvezas abalamour d’ar fals-vreudeur antreet e kuzh en hon touez, deuet e-barzh evit spiañ al librentez hon eus e Jezuz-Krist, hag evit hol lakaat e sklaverezh.

Galated 3:25

Met ar feiz o vezañ deuet, n’emaomp ken dindan ar rener-se.

Galated 4:26

Met ar Jeruzalem d’an nec’h a zo frank, hi eo a zo mamm deomp holl,

Galated 4:31

Breudeur, n’omp ket bugale ar sklavourez, met bugale ar wreg frank.

Galated 4:9

met bremañ pa hoc’h eus anavezet Doue, pe kentoc’h pa’z oc’h bet anavezet gant Doue, penaos e tistroit c’hoazh d’ar c’hentañ kentelioù dinerzh ha paour-se a fell deoc’h en em lakaat dindano a-nevez?

Galated 5:13

Breudeur, galvet oc’h bet d’ar frankiz, koulskoude na gemerit ket digarez eus ar frankiz-se evit bevañ hervez ar c’hig, met bezit dre garantez servijer an eil d’egile.

Efeziz 6:14

Dalc’hit start eta, ho tivgroazell gourizet gant ar wirionez, gwiskit sae-houarn ar reizhder,

Filipiz 1:27

Lakait evezh hepken d’en em ren en un doare dellezek eus Aviel Krist, evit, pe e teuin d’ho kwelout pe e vin ezvezant, ma klevin lavarout ac’hanoc’h e talc’hit start en un hevelep spered da stourm gant un hevelep ene evit feiz an Aviel,

1 Tesalonikiz 3:8

Rak bevañ a reomp bremañ, peogwir e chomit start en Aotrou.

2 Tesalonikiz 2:15

Dre-se, breudeur, chomit start ha dalc’hit ar gelennadurezh hoc’h eus resevet dre gomz pe dre hol lizher.

Hebreed 10:23

Dalc’homp start anzavadenn hon esperañs, rak an hini en deus graet ar bromesa a zo feal.

Hebreed 3:14

Rak deuet omp da vezañ lodennek e Krist, gant ma virimp start betek an diwezh hor fiziañs kentañ,

Hebreed 3:6

met Krist a zo bet lakaet evel Mab da vestr war e di, ha ni eo e di, gant ma virimp betek an diwezh ar fiziañs start hag an esperañs a dennomp gloar diouti.

Hebreed 4:14

Peogwir eta hon eus ur beleg meur en deus treuzet an neñv, Jezuz Mab Doue, dalc’homp start hon anzavadenn a feiz.

1 Pêr 2:16

evel o vezañ frank, nann evel tud a ra eus al librentez ur ouel da c’holeiñ o fallentez, met evel servijerien Doue.

2 Pêr 2:19

o prometiñ dezho al librentez, petra bennak ma’z int o-unan sklavourien eus ar vreinadurezh, rak dont a ra pep hini da vezañ sklavour eus ar pezh a zo trec’h warnañ.

S. Jud 1:3

Re garet-mat, c’hoant bras am boa da skrivañ diwar-benn hor silvidigezh kumun, hag em eus soñjet e oa ret din henn ober evit hoc’h aspediñ da stourm evit ar feiz a zo bet roet d’ar sent ur wech evit mat.

Apocalyps 2:25

met da vihanañ, dalc’hit start ar pezh hoc’h eus betek ma teuin.

Apocalyps 3:3

Az pez soñj eta eus ar pezh ac’h eus resevet ha klevet, mir anezhañ hag az pez keuz. Ma ne veilhez ket, dont a rin da’z kavout evel ul laer, ha ne ouezi ket da bet eur e teuin da’z kavout.