Galated 2:8 - Bibl Koad 21: Ar Bibl e Brezhoneg evit ar Vretoned

⁸ rak an hini en deus labouret e Pêr evit e lakaat da abostol an amdroc’hidi en deus ivez labouret ennon evit ar baganed,

Testamant Nevez 1897 (Jenkins)

⁸ (rag an hini hen deuz labouret da vad en Per, evit hen lakaad da abostol ar Judevien, hen deuz ive labouret da vad enoun‐me, evit ar Jentiled),

Galated 2:8 Referencias Cruzadas

Actou an Ebestel 1:25

da gaout lod er ministrerezh hag en abostolerezh-mañ en deus dilezet Judaz evit mont en e lec’h.

Actou an Ebestel 1:8

Met resev a reot un nerzh pa zeuio ar Spered-Santel warnoc’h, hag e viot va zestoù e Jeruzalem, en holl Judea, e Samaria ha betek pennoù pellañ an douar.

Actou an Ebestel 15:12

An holl vodadenn a davas hag e selaouent Barnabaz ha Paol o kontañ pebezh mirakloù ha pebezh burzhudoù en doa Doue graet drezo e-touez ar baganed.

Actou an Ebestel 19:26

hag e welit hag e klevit penaos, n’eo ket en Efez hepken met kazi en Azia a-bezh, en deus ar Paol-se gounezet ha distroet kalz a dud, o lavarout n’int ket doueoù ar re a zo graet gant daouarn an dud.

Actou an Ebestel 21:19

Goude bezañ o saludet, e kontas dezho dre ar munud kement en doa graet Doue e-touez ar baganed dre e vinistrerezh.

Actou an Ebestel 22:21

Hag e lavaras din: Kae, rak da gas a rin pell bras etrezek ar broadoù.

Actou an Ebestel 4:4

Met kalz eus ar re o doa klevet ar ger a gredas, ha niver ar wersed a oa war-dro pemp mil.

Actou an Ebestel 8:17

Neuze e lakajont o daouarn warno, hag e resevjont ar Spered-Santel.

Actou an Ebestel 9:15

Met an Aotrou a lavaras dezhañ: Kae, rak hennezh a zo ul lestr am eus dibabet evit kas va anv dirak ar broadoù, dirak ar rouaned ha dirak mibien Israel,

1 Korintiz 15:10

Met dre c’hras Doue ez on ar pezh ma’z on, hag e c’hras em c’heñver n’eo ket bet difrouezh. Met labouret em eus kalz muioc’h egeto holl, n’eo ket me koulskoude, met gras Doue a zo ganin.

1 Korintiz 9:2

Ma n’on ket abostol evit ar re all, ez on da nebeutañ evidoc’h, rak c’hwi eo siell va abostoliezh en Aotrou.

Galated 3:5

An hini eta a ro deoc’h ar Spered hag a ra mirakloù en ho touez, hag ober a ra kement-se dre oberoù al lezenn pe dre brezegerezh ar feiz?

Koloseiz 1:29

Evit-se ivez eo e labouran, o stourm gant skoazell e vertuz a labour ennon gant nerzh.

1 Tesalonikiz 2:13

Setu perak ne baouezomp ket da drugarekaat Doue evidoc’h rak, pa hoc’h eus resevet ger Doue disklêriet deoc’h ganeomp, hoc’h eus e zegemeret nann evel ger an dud, met evel ma’z eo e gwirionez, evel ger Doue. Hag e labour gant nerzh ennoc’h-c’hwi ar re a gred.