Filipiz 4:8 - Bibl Koad 21: Ar Bibl e Brezhoneg evit ar Vretoned

⁸ A-hend-all, breudeur, kement a zo gwirion, kement a zo onest, kement a zo reizh, kement a zo glan, kement a zo karantezus, kement a zo a vrud vat, hag a zo ennañ ur vertuz bennak hag a zo dellezek a veuleudi, ra zalc’ho an holl draoù-se en ho soñjoù.

Testamant Nevez 1897 (Jenkins)

⁸ A‐hend‐all, breudeur, ravezo occupet ho sperejou gant kement a zo gwir, kement a zo honest, kement a zo just, kement a zo pur, kement a zo dign a garantez, kement a zo a vrud vad, hag a zo enhan eur vertuz‐benag, hag a zo dign a veuleudi; ra vezo occupet ho sperejou gant an holl draou‐ze.

Filipiz 4:8 Referencias Cruzadas

Geneliezh 18:19

E anavezet em eus evit ma c'hourc'hemenno d'e vibien ha d'e diegezh war e lerc'h mirout hent an AOTROU, en ur ober kement a zo reizh hag eeun, evit ma lakaio an AOTROU da zont war Abraham ar pezh en deus lavaret anezhañ.

2 Samuel 1:23

Saül ha Jonatan, hegarat ha plijus en o buhez, n'int ket bet disrannet en o marv. Skañvoc'h e oant eget an erered, ha nerzhusoc'h eget al leoned.

2 Samuel 23:3

Doue Israel en deus lavaret, Roc'h Israel en deus komzet drezon: An hini a ren e-touez an dud gant reizhder, an hini a ren gant doujañs-Doue,

Salmoù 82:2

Betek pegoulz e viot barnerien disleal, hag e reot van ouzh diavaez ar re zrouk?

Krennlavarioù 11:1

Ar valañs faos a zo un euzhusted evit an AOTROU, met ar pouez reizh a zo plijus dezhañ.

Krennlavarioù 12:4

Ur vaouez vertuzius a zo kurunenn hec'h ozhac'h, met an hini a ra vezh a zo evel breinadur en e eskern.

Krennlavarioù 16:11

Ar valañs hag ar skeuliad leal a zeu eus an AOTROU, hag holl bouezioù ar sac'hig a zo e oberenn.

Krennlavarioù 20:7

An den reizh a gerzh en e eeunder, e vibien a zo benniget war e lerc'h.

Krennlavarioù 31:10

Piv a gavo ur wreg vertuzius? He friz a zo pell dreist hini ar perlez.

Krennlavarioù 31:29

Kalz merc'hed o deus labouret nerzhus, met te a zo a-us dezho holl.

Krennlavarioù 31:31

Roit dezhi eus frouezh he daouarn, ha ra veulo anezhi hec'h oberoù ouzh dorojoù kêr.

Kanenn ar C’hanennoù 5:16

E staon a zo leun a zouster, ha kement a zo ennañ a zo karantezus. Evel-se eo va muiañ-karet, evel-se eo va mignon, merc'hed Jeruzalem!

Izaia 26:7

Hent an hini reizh a zo eeun, hag e plaenaez e hent d'an den reizh.

Mazhev 22:16

Kas a rejont d’e gavout o diskibien gant an herodianed, da lavarout dezhañ: Mestr, gouzout a reomp penaos out gwirion ha penaos e kelennez hent Doue hervez ar wirionez, hep ober van eus den ebet, rak ne sellez ket ouzh diavaez an dud.

Sant Marc 6:20

rak Herodez a zouje Yann, oc’h anavezout penaos e oa un den reizh ha santel. Prederius e oa en e geñver, ober a rae zoken kalz a draoù eus e alioù hag en selaoue gant plijadur.

Sant Lucas 16:15

Hag e lavaras dezho: Evidoc’h-c’hwi, a fell deoc’h tremen evit reizh dirak an dud, met Doue a anavez ho kalonoù. Rak ar pezh a zo uhel dirak an dud a zo fall bras dirak Doue.

Sant Lucas 2:25

Setu, e oa e Jeruzalem un den anvet Simeon. An den-se a oa reizh hag a zouje Doue; gortoz a rae frealz Israel hag ar Spered-Santel a oa warnañ.

Sant Lucas 23:50

Bez’ e oa ur c’huzuliad anvet Jozef, un den mat ha reizh,

Sant Ian 7:18

An hini a gomz anezhañ e-unan a glask e c’hloar e-unan, met an hini a glask gloar an hini en deus e gaset, a zo gwirion, ha n’eus ket a zireizhder ennañ.

Actou an Ebestel 10:22

Lavarout a rejont dezhañ: Korneli, kantener, den reizh hag a zoujañs Doue, a vez roet testeni mat dezhañ gant holl vroad ar Yuzevien, a zo bet kemennet a-berzh Doue gant un ael santel da’z kerc’hat d’e di ha da glevout ar pezh a lavari dezhañ.

Actou an Ebestel 22:12

Un den anvet Ananiaz, un den a zoujañs Doue hervez al lezenn, a voe roet dezhañ un testeni mat gant an holl Yuzevien a chome eno,

Actou an Ebestel 6:3

Dibabit eta, breudeur, seizh den en ho touez a zo roet testeni mat anezho, tud leun eus ar Spered-Santel hag a furnez, evit ma roimp dezho ar garg-se.

Romaned 13:13

Kerzhomp gant onestiz evel ma reer en deiz, ha nann en diroll hag er vezventi, en hudurniezh hag er c’hadaliezh, en tabutoù hag er gwarizioù.

Romaned 13:3

Rak ar pennoù n’emaint ket da vezañ doujet pa reer oberoù mat, met hepken pa reer reoù fall. Ha te a fell dit bezañ hep aon dirak ar galloud? Gra ar mad hag e vi meulet gantañ.

Romaned 14:18

An hini a servij Krist en doare-se a blij da Zoue hag a vez kavet mat gant an dud.

Romaned 2:29

met eus an diabarzh eo e vezer Yuzev, hag an amdroc’h a zo hini ar galon, hervez ar spered ha nann hervez al lizherenn. E veuleudi ne zeu ket eus an dud, met eus Doue.

1 Korintiz 4:5

Dre-se na varnit netra a-raok an amzer, betek ma teuio an Aotrou, a lakaio da vezañ sklaer an traoù kuzhet en deñvalijenn hag a ziskulio soñjoù ar c’halonoù. Neuze Doue a roio da bep hini e veuleudi.

2 Korintiz 13:7

Met e pedan Doue na reot droug ebet, nann evit ma seblantfemp bezañ kavet mat, met evit ma reot ar pezh a zo dereat d’ober, ha pa dlefemp bezañ evel diveulet hon-unan.

2 Korintiz 6:8

e-kreiz ar gloar hag an dismegañs, e-kreiz ar vrud fall hag ar vrud vat, o vezañ kemeret evel tromplerien ha ni gwirion koulskoude,

2 Korintiz 8:18

Kaset hon eus gantañ ar breur a zo skuilhet e veuleudi en holl Ilizoù er pezh a sell ouzh an Aviel,

2 Korintiz 8:21

o klask ober ar pezh a zo mat, nann hepken dirak an Aotrou, met ivez dirak an dud.

Galated 5:22

Met frouezh ar Spered a zo karantez, levenez, peoc’h, pasianted, madelezh, hegarated, feiz,

Efeziz 4:25

Dre-se, o vezañ kaset kuit ar gaou, ra gomzo pep hini ac’hanoc’h hervez ar wirionez d’e nesañ, rak izili omp an eil d’egile.

Efeziz 5:9

rak frouezh ar Spered en em zalc’h e pep seurt madelezh, reizhder ha gwirionez.

Efeziz 6:14

Dalc’hit start eta, ho tivgroazell gourizet gant ar wirionez, gwiskit sae-houarn ar reizhder,

Adlezenn 16:20

Heuliañ a ri gant evezh ar reizhder, evit ma vevi ha ma perc'henni ar vro a ro dit an AOTROU da Zoue.

Filipiz 3:1

A-hend-all, va breudeur, en em laouenait en Aotrou. Ne skuizhan ket o skrivañ deoc’h an hevelep traoù, hag evidoc’h kement-se eo ho surentez.

Koloseiz 4:5

En em renit gant furnez e-keñver ar re a-ziavaez, o tasprenañ an amzer.

1 Tesalonikiz 4:12

evit ma en em renot gant onestiz e-keñver ar re a-ziavaez ha ma n’ho po ezhomm eus tra ebet.

1 Timote 2:2

evit ar rouaned hag evit ar re holl a zo e kargoù uhel, evit ma c’hellimp ren ur vuhez peoc’hius ha sioul e pep doujañs-Doue hag e pep onestiz.

1 Timote 3:11

En hevelep doare, ra vo o gwragez poellek, hep droukkomz, habask, feal en holl draoù.

1 Timote 3:4

o c’houarn mat e di e-unan, o terc’hel e vugale er sentidigezh hag e pep onestiz,

1 Timote 4:12

Ra ne zisprizo den da yaouankiz, met bez ur skouer d’ar gredourien, dre ar ger, dre ar gundu, dre ar garantez, dre ar spered, dre ar feiz, dre ar c’hlanded.

1 Timote 5:10

he defe an testeni eus hec’h oberoù mat, an hini da vezañ savet he bugale, da vezañ degemeret an estrenien, gwalc’het o zreid d’ar sent, sikouret ar re c’hlac’haret, en em roet da beb seurt oberennoù mat.

1 Timote 5:2

ar gwragez oadet evel mammoù, ar re yaouank evel c’hoarezed, e pep purentez.

Titus 1:8

met er c’hontrol, degemerus, o karout an dud vat, diazez, reizh, santel, habask,

Titus 2:14

a zo en em roet e-unan evit hon dasprenañ a bep direizhder hag evit hor glanaat, evel ur bobl a zo dezhañ e-unan, gredus evit an oberoù mat.

Titus 2:2

ra vo ar re oadet poellek, dereat, diazez, yac’h er feiz, er garantez, er basianted,

Titus 2:7

ro da-unan en holl draoù skouer an oberoù mat, er gelennadurezh, er burentez, er siriusted, en onestiz,

Titus 3:14

Ra zesko hor re ivez d’ober traoù mat en ezhommoù ret, evit na chomint ket difrouezh.

Hebreed 11:2

Drezi o deus an henaourien kavet un testeni mat.

Hebreed 13:18

Pedit evidomp, rak e kredomp kaout ur goustiañs vat, o c’hoantaat en em gunduiñ mat en holl draoù.

S. Jakes 1:27

Ar relijion glan ha dinamm dirak Doue hon Tad, eo gweladenniñ an emzivaded hag an intañvezed en o glac’har, hag en em virout diouzh saotroù ar bed.

S. Jakes 3:17

Ar furnez eus an nec’h a zo da gentañ glan, goude peoc’hiek, habask, poellek, leun a drugarez hag a frouezh mat, hep ober van eus diaveazioù hag hep pilpouzerezh.

1 Pêr 1:22

O vezañ sentet ouzh ar wirionez dre ar Spered, hoc’h eus glanaet hoc’h eneoù evit kaout ur garantez a vreur didroidell. En em garit gant dalc’h an eil egile gant ur galon c’hlan,

1 Pêr 2:12

oc’h en em ren en un doare onest e-touez ar baganed, evit ma teuint da reiñ gloar da Zoue e deiz ar weladenn, o welout hoc’h oberoù mat e-lec’h droukkomz diwar ho penn evel pa vefec’h torfedourien.

1 Pêr 4:8

Dreist-holl, ho pet an eil evit egile ur garantez birvidik, rak ar garantez a c’holoio un niver bras a bec’hedoù.

2 Pêr 3:1

Re garet-mat, setu dija an eilvet lizher a skrivan deoc’h. En eil hag en egile e talc’han ho skiant yac’hus dihun dre alioù,

1 Yann 3:18

Va bugale vihan, na garomp ket gant komzoù ha gant an teod, met en oberoù hag e gwirionez.

1 Yann 3:3

Piv bennak en deus an esperañs-se ennañ en em c’hlana e-unan, evel ma’z eo glan e-unan.

1 Yann 4:1

Re garet-mat, na gredit ket da bep spered, met amprouit ar speredoù evit gouzout hag int a zo a-berzh Doue, rak meur a fals-profed a zo deuet er bed.

Levr Rud 3:11

Ha bremañ va merc'h, na'z pez ket aon, ober a rin evidout kement a lavari din, rak holl zorojoù va fobl a oar ez out ur vaouez vertuzius.