Filipiz 3:12 - Bibl Koad 21: Ar Bibl e Brezhoneg evit ar Vretoned

¹² N’eo ket em befe erruet betek ar pal, pe e vefen en em gavet er parfeted, met redek a ran evit tapout ar priz, evel ma’z on bet tapet ivez gant Jezuz-Krist.

Testamant Nevez 1897 (Jenkins)

¹² N’e ket ma ven dija erruet beteg ar pal, na ma ven deuet d’ar stad a berfection, mes redec a ran gant va holl nerz, evit gallout cregi er priz; hag abalamour da ze eo hen deuz ar C’hrist tapet crog enoun.

Filipiz 3:12 Referencias Cruzadas

Levr Job 17:9

Met an den reizh a gendalc'ho gant e hent, hag an hini glan e zaouarn a greñvaio muioc'h-muiañ.

Salmoù 119:5

O! Ra vo reizhet mat va hentoù, evit ma virin da reolennoù.

Salmoù 138:8

An AOTROU a gaso da benn ar pezh a sell ouzhin. AOTROU, da vadelezh a bad da viken, na zilez ket oberenn da zaouarn!

Salmoù 42:1

D'ar mestr-kaner; "Maskil" mibien Kora.

Salmoù 63:8

Rak te eo va sikour. Setu perak e laouenain dindan skeud da eskell.

Salmoù 84:2

AOTROU an armeoù, pegen karantezus eo da dabernakloù!

Salmoù 94:15

Rak ar varnedigezh a vo hervez ar reizhder, hag an holl re a zo eeun a galon hec'h heulio.

Krennlavarioù 4:18

met gwenodenn ar re reizh a zo evel ar sklêrijenn lugernus, a gresk he sked betek an deiz peurvat.

Izaia 51:1

Selaouit ouzhin, c'hwi hag a red war-lerc'h ar reizhder, c'hwi hag a glask an AOTROU. Sellit ouzh ar roc'h ez oc'h bet kizellet diouti, ouzh ar vengleuz ez oc'h bet tennet anezhi.

Ozea 6:3

Hag ec'h anavezimp an AOTROU, hag e kendalc'himp d'e anavezout. E zonedigezh en em gempenn evel gouloù-deiz, dont a raio d'hor c'havout evel glav an diwezhañ amzer a zoura an douar.

Mazhev 5:48

Bezit eta peurvat evel ma’z eo peurvat ho Tad a zo en neñvoù.

Actou an Ebestel 9:15

Met an Aotrou a lavaras dezhañ: Kae, rak hennezh a zo ul lestr am eus dibabet evit kas va anv dirak ar broadoù, dirak ar rouaned ha dirak mibien Israel,

Romaned 8:39

nag an uhelder, nag an donder, na krouadur all ebet, ne c’hello hon dispartiañ diouzh karantez Doue a zo e Jezuz-Krist hon Aotrou.

1 Korintiz 13:10

met pa zeuio ar pezh a zo peurvat, neuze ar pezh a zo diglok a echuo.

1 Korintiz 13:12

Bremañ e welomp dre ur melezour, en un doare teñval, neuze e welimp dremm ouzh dremm. Bremañ ec’h anavezan en un doare diglok, met neuze ec’h anavezin-tre, evel ma’z on bet anavezet-tre.

1 Korintiz 9:24

Ha n’ouzoc’h ket penaos pa gemerer perzh en ur redadeg an holl a red, met unan hepken a resevo ar priz? Redit en un doare d’e c’hounit.

2 Korintiz 13:9

Levenez hon eus pa vezomp dinerzh gant ma viot kreñv. Hag ar pezh a c’houlennomp en hor pedennoù, eo ma teuot da vezañ peurvat.

2 Korintiz 7:1

O kaout eta hevelep promesaoù, re garet-mat, en em c’hlanaomp eus pep hudurniezh eus ar c’hig hag eus ar spered o kas da benn hor santeladur e doujañs Doue.

Galated 5:17

Rak ar c’hig en deus c’hoantoù a-enep ar Spered, hag ar Spered en deus re a-enep ar c’hig, an daou a zo kontrol an eil d’egile en hevelep doare ma ne rit ket an traoù a fellfe deoc’h.

Efeziz 1:4

Evel-se en deus hon dibabet ennañ, a-raok krouidigezh ar bed, evit ma vimp santel ha didamall dirazañ er garantez,

Efeziz 4:12

evit parfetidigezh ar sent, evit labour ar servij hag evit savidigezh korf Krist,

Filipiz 1:1

Paol ha Timote, servijerien Jezuz-Krist, d’an holl sent e Jezuz-Krist a zo e Filipi, d’an eskibien ha d’an diagoned:

Filipiz 3:16

Koulskoude, el lec’h ma’z omp erruet, kerzhomp hervez an hevelep reolenn ha dalc’homp an hevelep soñjoù.

Filipiz 3:3

Rak ni a zo an amdroc’hidi, ni hag a azeul Doue er Spered, ni hag a gavomp gloar e Jezuz-Krist, ni ha ne lakaomp ket hor fiziañs er c’hig,

Filipiz 3:8

Ya, sellout a ran pep tra evel ur c’holl, abalamour da zreistelezh anaoudegezh Jezuz-Krist va Aotrou. Kollet em eus an holl draoù evitañ, hag e sellan outo evel loustoni, evit ma c’hounezin Krist

1 Tesalonikiz 5:15

Diwallit na rentfe hini ebet droug evit droug, met grit bepred hervez ar mad, hag etrezoc’h hag e-keñver an holl.

2 Tesalonikiz 2:13

Met e tleomp trugarekaat Doue dalc’hmat abalamour deoc’h, breudeur karet-mat gant an Aotrou, dre ma en deus Doue ho tibabet abaoe ar penn-kentañ evit ar silvidigezh dre santeladur ar Spered ha dre ar feiz er wirionez.

1 Timote 5:10

he defe an testeni eus hec’h oberoù mat, an hini da vezañ savet he bugale, da vezañ degemeret an estrenien, gwalc’het o zreid d’ar sent, sikouret ar re c’hlac’haret, en em roet da beb seurt oberennoù mat.

1 Timote 6:19

ha ma tastumint evel-se evit an amzer da zont un teñzor lec’hiet war un diazez start evit kaout ar vuhez peurbadus.

Hebreed 12:14

Klaskit ar peoc’h gant an holl hag ar santelezh na welo den hepti an Aotrou,

Hebreed 12:23

ouzh bodadeg hag ouzh iliz ar re gentañ-ganet a zo skrivet o anvioù en neñvoù, ouzh ar barner a zo Doue an holl, ouzh speredoù ar re reizh deuet d’ar barfeted,

Hebreed 13:21

a rento ac’hanoc’h peurc’hraet e pep ober mat, evit ma reot e volontez, oc’h ober e-unan ennoc’h ar pezh a gav mat, dre Jezuz-Krist, ra vo ar gloar dezhañ e kantvedoù ar c’hantvedoù! Amen.

S. Jakes 3:2

Strebotiñ a reomp holl e meur a dra. Ma ez eus unan bennak ha ne strebot ket pa gomz, un den peurvat eo, un den a c’hell mestroniañ ivez e gorf a-bezh.

1 Pêr 5:10

Hag an Doue a bep gras, en deus hor galvet d’e c’hloar peurbadus e Jezuz-Krist, goude ma ho po gouzañvet un nebeudig, ho klokaio, ho kreñvaio, ho nerzho, ho lakaio da vezañ divrall.

2 Pêr 3:18

Met kreskit e gras hag en anaoudegezh hon Aotrou ha Salver Jezuz-Krist. Dezhañ ra vo ar gloar, bremañ hag evit ar beurbadelezh! Amen.