Daniel 2:40 - Bibl Koad 21: Ar Bibl e Brezhoneg evit ar Vretoned

⁴⁰ Hag e vo ur bedervet rouantelezh, kreñv evel houarn. An houarn a laka a-dammoù hag a vruzun pep tra, hag evel ma freuz pep tra, hi a lakaio a-dammoù hag a freuzo.

Daniel 2:40 Referencias Cruzadas

Levr Job 9:17

eñ hag a gouezh warnon en ur barrad-amzer, hag a gresk va goulioù hep abeg,

Jeremiaz 15:12

An houarn, hag e vruzuno houarn pe arem an hanternoz?

Daniel 2:33

he divhar en houarn, he zreid lod en houarn ha lod e pri.

Daniel 2:39

War da lerc'h e savo ur rouantelezh all bihanoc'h egedout, ha goude un deirvet rouantelezh a vo en arem hag a reno war an douar holl.

Daniel 2:41

Hag evel ma ec'h eus gwelet an treid hag ar bizied lod e pri ha lod en houarn, honnezh a vo ur rouantelezh lodennet. Met bez' e vo enni nerzh an houarn, rak ec'h eus gwelet houarn mesket gant pri.

Daniel 7:7

Goude-se e sellis em gweledigezhioù noz, ha setu ur pevare loen, euzhus, spontus ha kreñv-meurbet. Dent bras en houarn en doa, debriñ a rae, hag e vruzune hag e vac'he gant e dreid ar pezh a vane. Disheñvel e oa diouzh an holl loened a oa bet diagent, ha dek korn en doa.

Daniel 8:24

E c'halloud a gresko, met ne vo ket dre e c'halloud dezhañ e-unan. Hag e tistrujo dreistmuzul, hag e raio berzh, hag e kaso da benn, hag e tistrujo ar c'halloudeien ha pobl ar sent.

Daniel 9:26

Goude an div sizhun ha tri-ugent, ar Mesiaz a vo lamet, met ne vo ket evitañ e-unan. Distrujet e vo kêr hag ar santual gant pobl ur mestr a zeuio, hag he diwezh a c'hoarvezo gant ul liñvadenn; ar glac'haroù a zo merket betek dibenn ar brezel.

Amoz 1:3

Evel-henn e komz an AOTROU: En abeg da deir disentidigezh a-berzh Damask, ha peder zoken, ne zistroin ket diouto, dre m'o deus gwasket Galaad gant ogedoù houarn.

Sant Ian 11:48

Mar en lezomp d’ober, an holl a gredo ennañ, hag ar Romaned a zeuio hag a zistrujo hol lec’h hag hor broad.