Daniel 10:16 - Bibl Koad 21: Ar Bibl e Brezhoneg evit ar Vretoned

¹⁶ Ha setu, unan bennak heñvel ouzh mibien an den a stokas ouzh va muzelloù. Neuze e tigoris va genoù hag e komzis, o lavarout d'an hini en em zalc'he dirazon: Va aotrou, gant ar weledigezh, an enkrez a zo kroget ennon, ne'm eus ken a nerzh.

Daniel 10:16 Referencias Cruzadas

Ermaeziadeg 4:10

Moizez a lavaras d'an AOTROU: O, Aotrou, n'on ket un den en defe ar gomz aezet, nag eus dec'h nag eus derc'hent-dec'h, nag abaoe ma komzez da'z servijer; rak va genoù ha va zeod a zo pounner.

Ermaeziadeg 4:13

Moizez a lavaras: O, Aotrou, kas an hini a fell dit kas.

Ar Prezeger 1:18

Rak gant kalz a furnez ez eus kalz a c'hlac'har, hag an hini a gresk en anaoudegezh a gresk e boan.

Izaia 6:7

Hag he stokas ouzh va genoù, hag e lavaras: Bremañ houmañ he deus stoket ouzh da vuzelloù, da zireizhder a zo lamet kuit, da bec'hed a zo dic'haouet.

Jeremiaz 1:9

Hag an AOTROU a astennas e zorn hag a stokas ouzh va genoù. Hag an AOTROU a lavaras din: Setu, lakaet em eus va c'homzoù ez kenoù.

Ezekiel 1:26

A-us d'an astennidigezh a oa dreist o fennoù, e oa ur stumm evel un tron, heñvel ouzh ur maen safir, ha war stumm an tron e oa ur stumm evel doare un den, ouzh krec'h.

Ezekiel 3:27

Met pa gomzin ouzhit, e tigerin da c'henoù, evit ma lavari dezho: Evel-henn e komz an Aotrou AOTROU. Ra selaouo an hini a fello dezhañ selaou, ra ne selaouo ket an hini na fello ket dezhañ henn ober, rak un ti disent ez int.

Ezekiel 33:22

Dorn an AOTROU a zo bet warnon d'an abardaez a-raok ma teuas an tec'had, ha pa zeuas davedon diouzh ar mintin, an AOTROU a zigoras va genoù din. Va genoù a oa digor, ha ne oan ken mud.

Daniel 12:8

Hag e klevis met ne gomprenis ket. Neuze e lavaris: Va aotrou, petra a vo diwezh an traoù-se?

Daniel 4:19

Neuze Daniel, hag a oa anvet Beltshazar, a chomas sabatuet e-pad un eur, hag e soñjoù a drubuilhe anezhañ. Ar roue a gomzas o lavarout: Beltshazar, ra ne drubuilho ket an huñvre ac'hanout, nag e zisklêriadenn. Beltshazar a respontas o lavarout: Va aotrou, ra vo an huñvre evit ar re a gasa ac'hanout, hag e zisklêriadenn evit da enebourien!

Daniel 7:15

Va spered din-me, Daniel, a voe trubuilhet em diabarzh, ha gweledigezhioù va fenn a spontas ac'hanon.

Daniel 7:28

Amañ ec'h echu an dra-se. Evidon-me, Daniel, va soñjoù a spontas ac'hanon kalz, va dremm a gemmas, met em eus miret an dra-se em c'halon.

Daniel 8:15

E-pad ma sellen me, Daniel, ar weledigezh, ha ma klasken he disklêriadenn, setu en em zalc'has dirazon evel neuz un den.

Daniel 8:17

Neuze e teuas tost d'al lec'h ma oan, ha pa voe deuet e voen spontet hag e kouezhis war va dremm. Hag e lavaras din: Kompren, mab an den, rak ar weledigezh a zo evit amzer an diwezh.

Daniel 8:18

Evel ma komze ouzhin e chomis sabatuet war va dremm d'an douar. Hag e stokas ouzhin hag e reas din en em zerc'hel em sav el lec'h ma oan.

Daniel 8:27

Ha me, Daniel, a voe dinerzh ha klañv deizioù-pad, ha goude e savis hag e ris war-dro aferioù ar roue. Souezhet e oan gant ar weledigezh, met den n'anavezas anezhi.

Daniel 9:21

evel ma komzen c'hoazh eta em fedenn, e teuas an den-se, Gabriel, am boa gwelet en ur weledigezh diagent, hag e tostaas en un nijadenn buan da'm c'havout, da goulz donezon an abardaez.

Sant Lucas 1:64

Kerkent e c’henoù a zigoras hag e deod en em zistagellas, hag e komze hag e vennige Doue.

Sant Lucas 21:15

rak me a roio deoc’h ur genoù hag ur furnez na c’hello hoc’h holl enebourien respont netra dezho na stourm outo.

Sant Ian 20:28

Tomaz a respontas dezhañ: Va Aotrou ha va Doue!

Jozue 5:14

Hag e lavaras: Nann, me eo penn lu an AOTROU , erruout a ran bremañ. Jozue a gouezhas war e zremm d'an douar, a stouas hag a lavaras: Petra a lavar va aotrou d'e servijer?

Apocalyps 1:13

hag e-kreiz ar seizh kantolor, unan bennak heñvel ouzh mab an den, gwisket gant ur sae hir ha gourizet war boull e galon gant ur gouriz aour.

Ar Varnerien 13:8

Manoak a bedas an AOTROU hag a lavaras: AOTROU, ra zeuio c'hoazh d'hor c'havout an den a Zoue ac'h eus degaset, me az ped, ha ra gelenno ac'hanomp war ar pezh hon devo d'ober evit ar bugel pa vo ganet.

Ar Varnerien 6:13

Gedeon a lavaras dezhañ: Siwazh, va aotrou! Mar emañ an AOTROU ganeomp, perak eta eo c'hoarvezet an holl draoù-se ganeomp? Pelec'h emañ an holl vurzhudoù o deus komzet hon tadoù diwar o fenn evel-henn: An AOTROU, ha n'en deus ket hol lakaet da bignat eus an Ejipt? Rak bremañ an AOTROU en deus hon dilezet hag hol lakaet etre daouarn ar Vadianiz.

Ar Varnerien 6:15

Hag e lavaras dezhañ: Siwazh, va aotrou! Gant petra e tieubin Israel? Setu, va milier ha va ziegezh a zo ar re baourañ e Manase, ha me eo ar bihanañ e ti va zad.