Ar Prezeger 7:4 - Bibl Koad 21: Ar Bibl e Brezhoneg evit ar Vretoned

⁴ Kalon ar re fur a zo en ti a c'hañv, met kalon ar re ziskiant a zo en ti a levenez.

Ar Prezeger 7:4 Referencias Cruzadas

2 Samuel 13:28

Hag Absalom a roas un urzh d'e servijerien o lavarout: Lakait evezh pa vo seder kalon Amnon gant ar gwin, ha pa lavarin deoc'h, skoit war Amnon, lazhit-eñ. N'ho pet ket aon, ha n'eo ket me en gourc'hemenn deoc'h? Bezit kreñv ha kalonek.

1 Rouaned 20:16

Hag ez ejont er-maez da greisteiz, pa'c'h eve hag en em vezve Ben-Hadad en teltennoù, eñ hag an daou roue ha tregont a skoazelle anezhañ.

Ar Prezeger 2:1

Lavaret em eus em c'halon: Deomp ma amprouin ac'hanout bremañ dre al levenez, hag e tañvai an eurvad. Met setu kement-se ivez a zo avel.

Ar Prezeger 7:3

Gwelloc'h eo an anken eget ar c'hoarzh, rak dre c'hlac'har an dremm e teu laouen ar galon.

Ar Prezeger 7:5

Gwelloc'h eo klevout kroz an den fur eget klevout kanaouenn ar re ziskiant.

Izaia 21:4

va c'halon a zo trubuilhet, ar spont a grog ennon, noz va flijadurioù a zo troet e noz a spouron.

Jeremiaz 51:39

Pa vint tommaet, e kinnigin da evañ dezho, o mezviñ a rin, evit ma laouenaint ha ma kouskint eus ur c'housk peurbadus, ha ne zihunint ken, eme an AOTROU.

Jeremiaz 51:57

Mezviñ a rin he friñsed, he furien, he gouarnerien, he fennoù, he c’hadarnidi; kousket a raint eus ur c'housk peurbadus, ha ne zihunint ken, eme ar Roue a zo e anv AOTROU an armeoù.

Daniel 5:30

D'an noz-se, Belshazar roue ar Galdeiz a voe lazhet.

Ozea 7:5

Da zeiz hor roue, ar pennoù a zeuas da vezañ klañv oc'h evañ re win; astenn a reas e zorn d'ar c’hoapaerien.

Nahum 1:10

Rak, pa vefent kenweet evel spern, ha mezv en o gwin, peurlonket e vint evel plouz sec'h.

1 Samuel 25:36

Abigail a zistroas da gavout Nabal, ha setu e rae ur fest en e di, evel fest ur roue. Kalon Nabal a oa laouen ennañ, hag e oa mezv-kenañ. Hi ne lavaras dezhañ an disterañ tra betek an deiz warlerc'h.

1 Samuel 30:16

Hag e renas anezhañ, ha setu, e oant a-stlabez war an holl vro, o tebriñ, oc'h evañ hag o tañsal, en abeg d'ar preizh bras o doa kemeret eus bro ar Filistined hag eus bro Juda.