Ar Prezeger 6:3 - Bibl Koad 21: Ar Bibl e Brezhoneg evit ar Vretoned

³ P'en defe bet un den kant bugel, hag en defe bevet niver a vloavezhioù, ha ma vefe liesaet deizioù e vloavezhioù, ma n'en deus ket bet e ene e walc'h a vadoù, ma n'en deus ket bet ur bez evitañ, me a lavar eo gwelloc'h ur sioc'han egetañ.

Ar Prezeger 6:3 Referencias Cruzadas

Geneliezh 33:5

Neuze e savas e zaoulagad hag e welas ar gwragez hag ar vugale, hag e lavaras: Piv ac'h eus aze? Respont a reas: Ar vugale en deus roet Doue da'z servijer.

Geneliezh 47:9

Jakob a respontas da Faraon: Deizioù bloavezhioù va firc'hirinadenn a zo kant ha tregont vloaz. Deizioù bloavezhioù va buhez a zo bet berr ha fall, n'o deus ket tizhet deizioù bloavezhioù buhez va zadoù en amzer o firc'hirinadennoù.

2 Rouned 10:1

Akab en doa dek mab ha tri-ugent e Samaria. Jehu a skrivas lizhiri, hag o c'hasas da Samaria da bennoù Jizreel, d'an henaourien, da c'houarnerien mibien Akab, da lavarout dezho:

2 Rouned 9:35

Mont a rejont eta evit he sebeliañ, met ne gavjont diouti nemet ar c'hlopenn, an treid ha palvoù an daouarn.

1 Danevelloù 28:5

Hag a-douez va holl vibien, rak an AOTROU en deus roet din kalz mibien, dibabet en deus va mab Salomon, evit e lakaat da azezañ war dron rouantelezh an AOTROU war Israel.

2 Danevelloù 11:21

Roboam a garas Maaka merc'h Absalom muioc'h eget e holl wragez ha serc'hed. Kemeret en doa triwec'h gwreg ha tri-ugent serc'h, hag e voe tad da eizh mab warn-ugent ha da dri-ugent merc'h.

Ester 5:11

Neuze Haman a gomzas dezho diwar-benn gloar e binvidigezhioù, niver e vibien, kement en doa graet ar roue evit e uhelaat, ha penaos en doa e savet dreist priñsed ha servijerien ar roue.

Ester 7:10

Hag e krougjont Haman ouzh ar post en doa prientet evit Mardoke. Hag e voe sioulaet kounnar ar roue.

Levr Job 3:11

Perak n'on ket marvet adal kof va mamm? O tont eus e ziabarzh, perak ne'm eus ket tennet va huanad diwezhañ?

Levr Job 3:16

Pe evel un diforc'het kuzhet, ne vije ket ac'hanon, evel poupiged n'o deus ket gwelet ar gouloù.

Salmoù 58:8

Ra redint evel an dour ha ra en em gollint. Pa stegnint o gwareg, ra vo torret o biroù.

Krennlavarioù 17:6

Mibien ar vibien a zo kurunenn ar re gozh, hag an tadoù a zo gloar o mibien.

Ar Prezeger 4:3

hag e kavan eürusoc'h eget an eil re hag ar re all, an hini n'eo ket bet c'hoazh, ha n'en deus ket gwelet an oberoù fall a vez graet dindan an heol.

Ar Prezeger 6:4

Rak deuet eo en aner, hag eo aet en deñvalijenn, hag e anv a zo goloet a deñvalijenn,

Jeremiaz 22:19

Sebeliet e vo e bez un azen, stlejet ha taolet e vo er-maez eus dorojoù Jeruzalem.

Jeremiaz 36:30

Setu perak evel-henn e komz an AOTROU diwar-benn Jojakim roue Juda: Hini ebet eus e re ne azezo war dron David, hag e gorf marv a vo taolet kuit da dommder an deiz ha da rev an noz.

Jeremiaz 8:2

Astennet e vint dirak an heol, dirak al loar ha dirak holl arme an neñvoù, o deus karet, o deus servijet, o deus kerzhet war o lerc'h, o deus klasket, hag o deus stouet dirazo. Ne vint ket dastumet na sebeliet, hag e vint evel teil war-c'horre an douar.

Mazhev 26:24

Mab an den evit gwir a ya hervez ar pezh a zo skrivet anezhañ, met gwalleur d’an den ma’z eo droukroet gantañ! Gwelloc’h e vije d’an den-se na vije biken bet ganet.