Ar Prezeger 6:2 - Bibl Koad 21: Ar Bibl e Brezhoneg evit ar Vretoned

² Doue a ro d'un den pinvidigezhioù, madoù hag enorioù, e doare na vank netra d'e ene eus ar pezh a c'hellfe c'hoantaat, met Doue ne lez ket anezhañ da zebriñ diouto, hag un diavaeziad o debro. Kement-se a zo avel ha gwall-zroug.

Ar Prezeger 6:2 Referencias Cruzadas

1 Rouaned 3:13

Reiñ a rin dit zoken ar pezh na'c'h eus ket goulennet, pinvidigezhioù ha gloar, e doare ma ne vo ket unan heñvel ouzhit e-touez ar rouaned e-pad da holl zeizioù.

1 Danevelloù 29:25

Hag an AOTROU a savas Salomon uhel-tre dirak holl Israel, hag a roas dezhañ ur splannder roueel, evel n'o doa bet a-raok dezhañ roue ebet en Israel.

1 Danevelloù 29:28

Mervel a reas en ur gozhni vras, gwalc’het a zeizioù, a binvidigezhioù hag a c'hloar. Ha Salomon e vab a renas en e lec'h.

2 Danevelloù 1:11

Ha Doue a lavaras da Salomon: Peogwir emañ kement-se ez kalon, ha ne'c'h eus ket goulennet diganin pinvidigezh, na madoù, na gloar, na marv ar re a gasa ac'hanout, na zoken deizioù niverus, met goulennet ec'h eus evidout furnez ha skiant, evit barn va fobl am eus da lakaet roue warni,

Salmoù 17:14

Dre da zorn, AOTROU, dieub diouzh an dud, diouzh tud ar bed-mañ; o lodenn a zo er vuhez-mañ, leuniañ a rez o c'hof gant da vadoù, o mibien a zo leuniet hag e lezont an nemorant d'o bugale-vihan.

Salmoù 39:6

Setu ec'h eus lakaet va deizioù e muzul ar palvad, ha va oadvezh a zo dirazout evel un netra. Ya, pep den en e sav war an douar n'eo nemet c'hwez!  Ehan

Salmoù 73:7

O daoulagad a zo c'hwezet gant al lard. Gwelout a reer c'hoantoù o c'halon.

Ar Prezeger 4:4

Gwelet em eus ivez pep labour ha pep ijin el labour, n'int nemet gwarizi eus an eil e-keñver egile. Kement-se ivez a zo avel ha poan spered.

Ar Prezeger 4:8

Un den a zo e-unan, hep eiler, n'en deus na mab na breur, ha koulskoude n'eus ket a diwezh d'e holl labour; e zaoulagad zoken n'o deus biken o gwalc'h a binvidigezh. Ne lavar ket: Evit piv e labouran hag e laman eurvad digant va ene? Kement-se ivez a zo avel ha labour poanius.

Ar Prezeger 5:13

Ur gwall-zroug am eus gwelet dindan an heol: pinvidigezhioù miret gant an hini o ferc'henn evit e walleur.

Ar Prezeger 5:16

Setu amañ c'hoazh ur gwall-zroug, evel m'eo deuet ez a kuit, ha peseurt gounid en deus da vezañ labouret evit avel?

Ar Prezeger 5:18

Setu ar pezh am eus gwelet: un dra vat ha dudius eo evit an den debriñ, evañ ha bezañ laouen, e-kreiz e holl labour en deus graet dindan an heol, e-pad deizioù e vuhez a ro Doue dezhañ, ar pezh a zo e lodenn.

Ar Prezeger 5:19

Hag ar pinvidigezhioù hag ar madoù a ro Doue da bep den, an traoù a laka anezhañ da vestr warno, evit debriñ ha kemer e lodenn diouto, hag evit bezañ laouen e-kreiz e labour, kement-se a zo un donezon digant Doue.

Izaia 55:2

Perak e pouezit arc'hant evit ar pezh n'eo ket bara? Perak e labourit evit ar pezh na leugn ket? Selaouit ouzhin hag e tebrot ar pezh a zo mat, hag hoc'h ene a vo plijet gant ar pezh a zo gwellañ.

Klemmganoù 5:2

Hon hêrezh a zo tremenet da ziavaezidi, hag hon tiez da dud estren.

Daniel 5:18

O roue, roet en doa an Doue Uhel-Meurbet da Nebukadnezar da dad ar rouantelezh, ar veurdez, ar c'hloar hag an enor.

Ozea 7:9

An diavaezidi o deus lonket e nerzh, met ne oar ket. E benn a zo hadet a vlev gwenn, met ne oar ket.

Adlezenn 28:33

Ur bobl na'z po ket anavezet a zebro frouezh da zouar, da holl labour, ha ne vi bepred nemet heskinet ha mac'het.

Adlezenn 28:43

An diavaeziad a vo ez touez a savo a-us dit en nec'h-tre, hag e tiskenni en traoñ-tre,

Ar Varnerien 18:10

Pa'z eot, ec'h erruot e-tal ur bobl a zo o chom e surentez, hag ur vro a zo frank. Doue en deus e lakaet etre ho taouarn. Ul lec'h eo na vank netra eus an traoù a zo war an douar.