Ar Prezeger 4:4 - Bibl Koad 21: Ar Bibl e Brezhoneg evit ar Vretoned

⁴ Gwelet em eus ivez pep labour ha pep ijin el labour, n'int nemet gwarizi eus an eil e-keñver egile. Kement-se ivez a zo avel ha poan spered.

Ar Prezeger 4:4 Referencias Cruzadas

Geneliezh 26:14

Bez' en doe tropelloù deñved ha tropelloù ejened, hag un niver bras a servijerien. Ar Filistined o doe gwarizi outañ,

Geneliezh 31:1

Jakob a glevas komzoù mibien Laban, a lavare: Jakob en deus kemeret kement a oa d'hon tad, hag eus ar pezh a oa d'hon tad eo en deus dastumet an holl binvidigezh-se.

Krennlavarioù 27:4

Ar gounnar a zo kriz hag ar fulor evel ul liñvadenn, met piv a c'hello derc'hel dirak ar warizi?

Ar Prezeger 1:14

Sellet em eus ouzh kement a vez graet dindan an heol, ha setu, pep tra a zo avel ha poan spered.

Ar Prezeger 1:17

Lakaet em eus va c'halon da anavezout ar furnez, ha da anavezout ar sotoni hag ar follentez; met intentet em eus eo kement-se ivez ur boan spered.

Ar Prezeger 2:21

Rak un den en deus labouret gant furnez, anaoudegezh ha berzh, hag e lez holl da hêrezh d'un den all n'en deus ket labouret d'e gas da benn. Kement-se ivez a zo avel hag un dra fall.

Ar Prezeger 2:26

Reiñ a ra furnez, anaoudegezh ha levenez d'an den a blij dezhañ. Met d'ar pec'her e ro ar garg da dapout ha da zastum evit reiñ d'an hini a zo kavet mat gant Doue. Kement-se ivez a zo avel ha poan spered.

Ar Prezeger 4:16

Ne oa ket a ziwezh d'an holl bobl, d'an holl re ma oa e penn anezho. Koulskoude ar re a zeuio da c'houde ne vint ket laouen diwar e benn. A-dra-sur kement-se ivez a zo avel ha poan spered.

Ar Prezeger 6:11

Pa vez kalz a draoù, e vez kalz a avel, ha peseurt gounid en deus an den?

Ar Prezeger 6:9

Gwelloc'h eo ar pezh a zo gwelet gant an daoulagad eget ar c'hoantoù goullo. Kement-se ivez a zo avel ha poan spered.

Mazhev 27:18

Rak anavezout a rae e oa dre avi o doa e lakaet etre e zaouarn.

Actou an Ebestel 7:9

An uheldadoù, dre warizi, a werzhas Jozef evit an Ejipt, met Doue a voe gantañ.

S. Jakes 4:5

Ha soñjal a rit e lavar ar Skritur en aner penaos: ar Spered a chom ennomp en deus c’hoantoù a zoug d’ar warizi?

1 Yann 3:12

ha ma ne vefemp ket heñvel ouzh Kain a oa eus an droug hag a lazhas e vreur. Ha perak e lazhas anezhañ? Abalamour ma oa fall e oberoù ha ma oa reizh re e vreur.