Ar Prezeger 4:16 - Bibl Koad 21: Ar Bibl e Brezhoneg evit ar Vretoned

¹⁶ Ne oa ket a ziwezh d'an holl bobl, d'an holl re ma oa e penn anezho. Koulskoude ar re a zeuio da c'houde ne vint ket laouen diwar e benn. A-dra-sur kement-se ivez a zo avel ha poan spered.

Ar Prezeger 4:16 Referencias Cruzadas

2 Samuel 19:9

Hag an holl bobl a dabute en holl veuriadoù Israel o lavarout: Ar roue en deus hon dieubet eus dorn hon enebourien hag hon saveteet eus dorn ar Filistined, ha bremañ ez eo tec'het kuit eus ar vro en abeg da Absalom.

1 Rouaned 1:40

An holl bobl a bignas war e lerc'h, hag ar bobl a c'hoarie gant fleütoù hag en em roe d'ul levenez vras, ken e frailhe an douar gant o c'hriadennoù.

Ar Prezeger 1:14

Sellet em eus ouzh kement a vez graet dindan an heol, ha setu, pep tra a zo avel ha poan spered.

Ar Prezeger 2:11

Ha prederiet em eus war an holl oberennoù o deus graet va daouarn, hag al labour e oan en em roet dezhañ evit o c'has da benn; ha setu pep tra a zo avel ha poan spered, ha n'eus gounid ebet dindan an heol.

Ar Prezeger 2:17

Ha kasaet em eus ar vuhez-mañ, rak kement a vez graet dindan an heol ne blij ket din, ha pep tra a zo avel ha poan spered.

Ar Prezeger 2:26

Reiñ a ra furnez, anaoudegezh ha levenez d'an den a blij dezhañ. Met d'ar pec'her e ro ar garg da dapout ha da zastum evit reiñ d'an hini a zo kavet mat gant Doue. Kement-se ivez a zo avel ha poan spered.

Ar Prezeger 4:15

Gwelet em eus an holl re vev a gerzh dindan an heol o vont war-lerc'h ar mab, an eil goude ar roue hag a yelo en e lec'h.