Apocalyps 8:9 - Bibl Koad 21: Ar Bibl e Brezhoneg evit ar Vretoned

⁹ an deirvet lodenn eus ar grouadurien a oa er mor hag o doa buhez a varvas, hag an deirvet lodenn eus al listri a voe kollet.

Testamant Nevez 1897 (Jenkins)

⁹ Hag an drederen euz ar grouadurien a oa er mor, hag ho doa buez, a varvaz; hag an drederen euz ar batimanchou a oe distrujet.

Apocalyps 8:9 Referencias Cruzadas

Salmoù 48:7

Eno ur grenadenn a zo kroget enno, un enkrez evel hini ur wreg a wilioud,

Ermaeziadeg 7:21

Ar pesked a oa er stêr a varvas, ar stêr a vreinas, hag an Ejipsianed ne c'helljont ket evañ dour eus ar stêr; hag edo ar gwad dre an Ejipt holl.

Izaia 2:16

a-enep holl listri Tarsiz, hag a-enep kement a blij d'ar gweled.

Izaia 23:1

Diougan diwar-benn Tir. Huanadit, listri Tarsiz, rak distrujet eo! Ken a diez! Den ne zeuio ken enni! Deuet eo ar c'heloù eus bro Gitim.

Zakaria 13:8

Hag e c'hoarvezo er vro holl, eme an AOTROU, ma vo lamet kuit div lodenn anezhi, hag a yelo da goll, ha ma chomo an drederenn.

Zakaria 13:9

An drederenn-se a lakain da dremen en tan, o furaat a rin evel ma vez puraet an arc'hant, o amprouiñ evel ma vez amprouet an aour. Ar re-se a c'halvo va anv, ha me a selaouo outo, hag e lavarin: Va fobl! Hag e lavarint: An AOTROU eo va Doue.

Apocalyps 12:4

E lost a stleje an deirvet lodenn eus stered an neñv hag a daolas anezho war an douar. An aerouant a chomas en e sav dirak ar wreg a oa prest da wilioudiñ evit lonkañ he bugel pa vije ganet ganti.

Apocalyps 16:3

An eilvet ael a skuilhas e hanaf er mor. Dont a reas evel gwad un den marv. Kement en doa buhez er mor a varvas.

Apocalyps 8:10

An trede ael a sonas, hag e kouezhas eus an neñv ur steredenn vras leskidik evel ur c’houlaouenn-dan, hag e kouezhas war an deirvet lodenn eus ar stêrioù ha war ar mammennoù-dour.

Apocalyps 8:12

Ar pevare ael a sonas, hag an deirvet lodenn eus an heol a voe skoet, an deirvet lodenn eus al loar hag an deirvet lodenn eus ar stered, en hevelep doare ma voe an deirvet lodenn teñvalaet, ma kollas an deiz an deirvet lodenn eus e sklêrijenn kenkoulz hag an noz.

Apocalyps 8:7

An hini kentañ a sonas, hag e voe ur grizilh hag un tan mesket gant gwad o kouezhañ war an douar. An deirvet lodenn eus ar gwez a voe devet hag an holl c’heot glas a voe devet.

Apocalyps 9:15

Hag e voe diereet ar pevar ael a oa prest evit an eur, an deiz, ar miz hag ar bloaz, da lazhañ an deirvet lodenn eus an dud.

Apocalyps 9:18

An deirvet lodenn eus an dud a voe lazhet gant an tri dra-se, gant an tan, gant ar moged ha gant ar soufr a zeue eus o genoù.