Apocalyps 6:4 - Bibl Koad 21: Ar Bibl e Brezhoneg evit ar Vretoned

⁴ Dont a reas er-maez ur marc’h all liv tan. An hini a oa pignet warnañ en doa ar galloud da gas ar peoc’h kuit a-ziwar an douar ha d’ober ma en em lazhfe an dud an eil egile. Ur c’hleze bras a voe roet dezhañ.

Testamant Nevez 1897 (Jenkins)

⁴ Hag e teuaz er meaz eur marc’h all a liou an tan; ha d’an hini a oa var he gein e oe roet ar galloud da gas kuit ar peoc’h divar an douar, evit ma teuje an dud d’en em laza an eil egile; hag e oe roet dezhan eur c’hleze braz.

Apocalyps 6:4 Referencias Cruzadas

Salmoù 17:13

Sav, AOTROU, a-ziarbenn dezhañ, diskar anezhañ, dieub va ene diouzh an hini drouk dre da gleze!

Daniel 5:19

En abeg d'ar veurdez en doa roet dezhañ, an holl bobloù, broadoù ha yezhoù a grene dirazañ hag a zouje anezhañ. Lakaat a rae d'ar marv ar re a felle dezhañ, hag e leze ar vuhez gant ar re a felle dezhañ. Uhelaat a rae ar re a felle dezhañ, hag ec'h izelae ar re a felle dezhañ.

Zakaria 1:8

E-pad an noz em boe ur weledigezh. Ha setu, e oa un den pignet war ur marc'h rous, hag en em zalc'he e-touez ar gwez-meurta a oa er foñs; war e lerc'h e oa kezeg rous, brizhek ha gwenn.

Zakaria 6:2

Ouzh ar c'harr kentañ e oa kezeg rous, ouzh an eil karr kezeg du,

Mazhev 10:34

Na soñjit ket e vefen deuet da zegas ar peoc’h war an douar. N’on ket deuet da zegas ar peoc’h, met ar c’hleze.

Mazhev 24:6

Klevout a reot komz eus brezelioù ha brud eus brezelioù, lakait evezh na vefec’h spontet rak ret eo e teufe an holl draoù-se. Met kement-se ne vo ket c’hoazh ar fin.

Sant Ian 19:11

Jezuz a respontas dezhañ: Ne’z pefe galloud ebet warnon, ma ne vefe ket bet roet dit eus an nec’h. Setu perak an hini en deus va droukroet dit en deus graet ur pec’hed brasoc’h.

Apocalyps 12:3

Ur sin all a voe gwelet c’hoazh en neñv. Setu, un aerouant bras a liv tan o kaout seizh penn ha dek korn, ha war e bennoù seizh talgen.

Apocalyps 13:10

Mar kas unan bennak e sklaverezh, e yelo e sklaverezh. Mar lazh unan bennak gant ar c’hleze, eo ret e vo lazhet gant ar c’hleze. Amañ emañ pasianted ha feiz ar sent.

Apocalyps 17:3

Eñ a gasas ac’hanon er spered en ul lec’h distro. Hag e welis ur wreg azezet war ul loen a liv tane, leun a anvioù a vallozh, o kaout seizh penn ha dek korn.

Apocalyps 17:6

Gwelout a ris ar wreg mezvet gant gwad ar sent ha gant gwad merzherien Jezuz, hag e krogas ur souezh vras ennon o welout anezhi.