Apocalyps 5:5 - Bibl Koad 21: Ar Bibl e Brezhoneg evit ar Vretoned

⁵ Unan eus an henaourien a lavaras din: Na ouel ket. Setu, al leon a zo eus meuriad Juda, gwrizienn David, en deus trec’het evit digeriñ al levr ha dieren ar seizh siell anezhañ.

Testamant Nevez 1897 (Jenkins)

⁵ Hag unan euz ar re Ancien a lavaraz d’in: Na ouel ket; setu, al leon, pehini a zo euz a dribu Juda, euz a c’hrizien David, hen deuz trec’het evit digeri al levr ha distaga ar seiz siel anezhan.

Apocalyps 5:5 Referencias Cruzadas

1 Rouaned 10:20

Bez' e oa ivez eno daouzek leon war ar c'hwec'h derez, a bep tu. Netra heñvel ne oa bet graet e rouantelezh ebet.

2 Danevelloù 9:18

An tron en doa c'hwec'h derez, ur skabell aour staget ouzh an tron, brenkoù a bep tu d'ar gador, ha daou leon en em zalc'he e-kichen ar brenkoù.

Levr Job 41:15

E skoedoù galloudus a zo e lorc'h, kloz int ha siellet mat,

Izaia 11:1

Dont a raio eus kef Jese ur bount, ur vroustenn a gresko diwar e wrizioù.

Izaia 11:10

En deiz-se gwrizienn Jese a vo evel ur banniel savet evit ar pobloù; ar broadoù a glasko anezhi, hag he chomlec'h a vo glorius.

Jeremiaz 31:16

Evel-henn e komz an AOTROU: Harz ouzh da vouezh a ouelañ, hag ouzh da zaoulagad a skuilhañ daeroù, rak ur gopr a vo evit da labour, eme an AOTROU. Distreiñ a raint eus bro an enebour.

Daniel 7:16

Tostaat a ris ouzh unan eus ar re a oa eno, hag e c'houlennis digantañ ar wirionez war an holl draoù-se. Hag e komzas ouzhin, hag e roas din an disklêriadenn anezho.

Niveroù 24:9

En em ledañ, gourvez a ra evel ul leon, evel ul leonez, ha piv a raio dezhañ sevel? Ar re az pennigo a vo benniget, hag ar re az milligo a vo milliget!

Sant Lucas 23:28

Jezuz, o tistreiñ etrezek enno, a lavaras: Merc’hed Jeruzalem, na ouelit ket diwar va fenn, met gouelit warnoc’h hoc’h-unan ha war ho pugale,

Sant Lucas 7:13

An Aotrou o vezañ he gwelet, en doe truez outi hag a lavaras dezhi: Na ouel ket!

Sant Lucas 8:52

An holl a ouele hag a hirvoude abalamour dezhi. Met eñ a lavaras: Na ouelit ket, n’eo ket marv, met kousket a ra.

Sant Ian 20:13

Lavarout a rejont dezhi: Gwreg, perak e ouelez? Hi a lavaras dezho: Abalamour ma o deus douget kuit va Aotrou ha n’ouzon ket pelec’h o deus e lakaet.

Romaned 1:3

hag a gomz diwar-benn e Vab, ganet eus lignez David hervez ar c’hig,

Romaned 15:12

Izaia a lavar ivez: Dont a raio eus Jese ur wrizienn hag a savo da ren war ar broadoù, hag ar broadoù a espero enni.

Hebreed 7:14

Sklaer eo penaos hon Aotrou a zo deuet eus Juda, meuriad n’en deus lavaret Moizez netra diwar e benn e-keñver ar velegiezh.

Apocalyps 1:1

Diskuliadur Jezuz-Krist, roet dezhañ gant Doue evit diskouez d’e servijerien an traoù a dle c’hoarvezout prest, hag en deus kaset ha roet da anavezout dre e ael d’e servijer Yann,

Apocalyps 22:16

Me Jezuz, am eus kaset va ael evit rentañ deoc’h testeni eus an traoù-mañ en Ilizoù. Me eo gwrizienn ha lignez David, steredenn lugernus ar beure.

Apocalyps 3:21

An hini a drec’ho, me a lakaio anezhañ da azezañ ganin war va zron, evel ma em eus trec’het ha ma’z on azezet gant va Zad war e dron.

Apocalyps 4:10

ar pevar henaour warn-ugent a zaouline dirak an hini a oa azezet war an tron, hag a azeule an hini a vev e kantvedoù ar c’hantvedoù, hag a daole o c’hurunennoù dirak an tron en ur lavarout:

Apocalyps 4:4

En-dro d’an tron e oa pevar dron warn-ugent, hag e welis war an tronioù-se pevar henaour warn-ugent azezet, gwisket gant dilhad gwenn, gant kurunennoù aour war o fennoù.

Apocalyps 5:4

Hag e ouelis kalz, abalamour na voe kavet den ebet dellezek da zigeriñ al levr, na d’e lenn, na da sellout outañ.

Apocalyps 6:1

Me a sellas pa zigoras an Oan unan eus ar seizh siell hag e klevis unan eus ar pevar bev o lavarout gant ur vouezh kurun: Deus ha gwel.

Apocalyps 7:13

Unan eus an henaourien a gemeras ar gomz hag a lavaras din: Ar re a zo gwisket gant saeoù gwenn, piv int hag a-belec’h ez int deuet?