Apocalyps 4:6 - Bibl Koad 21: Ar Bibl e Brezhoneg evit ar Vretoned

⁶ Bez’ e oa ivez dirak an tron ur mor gwer heñvel ouzh strink. E-kreiz an tron hag en-dro d’an tron, e oa pevar bev leun a lagadoù a-dreñv hag a-raok.

Testamant Nevez 1897 (Jenkins)

⁶ Bez’ e oa ive dirag an tron eur mor gwer henvel ouz cristal, hag e‐kreiz an tron hag en‐dro d’an tron, pevar aneval leun a zaou‐lagadou araog hag adren.

Apocalyps 4:6 Referencias Cruzadas

1 Rouaned 7:23

Ober a reas ur mor e metal teuzet, en doa dek ilinad eus ur riblenn d'eben. Kelc'hiek e oa e dro, hag en doa pemp ilinad uhelder. Ha tro-dro dezhañ e oa ur gordenn a dregont ilinad.

Levr Job 28:17

Ne vez ket heñvelaet gant an aour nag ar gwer. Ne vez ket troket evit ul lestr aour glan.

Ermaeziadeg 38:8

Ober a reas al laouer arem gant he foñs arem, gant melezourioù ar merc'hed a servije, a rae ar servij ouzh digor teltenn an engalv.

Ezekiel 10:12

Holl gorf ar cherubined, o c'hein, o daouarn, o eskell, evel ar rodoù, a oa goloet a lagadoù tro-dro, rodoù pep hini ar pevar.

Ezekiel 10:14

Pep hini en doa peder dremm: an dremm kentañ, dremm ur cherubin; an eil dremm, dremm un den; an deirvet, dremm ul leon; ar bedervet, dremm un erer.

Apocalyps 14:3

Int a gane evel ur c’hantik nevez dirak an tron ha dirak ar pevar bev hag an henaourien. Ha den ne c’helle deskiñ ar c’hantik nemet ar c’hant pevar mil ha daou-ugent a zo bet dasprenet eus an douar.

Apocalyps 15:2

Gwelout a ris ivez evel ur mor gwer mesket gant tan, hag ar re o doa trec’het al loen, e skeudenn, e verk ha niver e anv, en em zalc’he war ar mor gwer hag o doa telennoù Doue ganto.

Apocalyps 15:7

Unan eus ar pevar bev a roas d’ar seizh ael seizh hanaf aour, leuniet gant kounnar an Doue a vev e kantvedoù ar c’hantvedoù.

Apocalyps 19:4

Ar pevar henaour warn-ugent hag ar pevar bev en em stouas hag a azeulas Doue azezet war an tron, o lavarout: Amen! Allelouia!

Apocalyps 21:11

ha gloar Doue ganti. He sked a oa heñvel ouzh hini ur maen prizius-meurbet, ouzh ur maen-yalp treuzwelus evel strink.

Apocalyps 21:18

Ar voger a oa mañsonet gant maen-yalp, hag ar gêr gant aour glan, heñvel ouzh strink glan.

Apocalyps 21:21

An daouzek dor a oa daouzek perlezenn. Pep dor a oa eus ur berlezenn hepken, hag al leurgêr a oa en aour glan, heñvel ouzh gwer treuzwelus.

Apocalyps 22:1

Eñ a ziskouezas din ur stêr c’hlan eus an dour a vuhez, sklaer evel strink, a zeue eus tron Doue hag an Oan.

Apocalyps 4:4

En-dro d’an tron e oa pevar dron warn-ugent, hag e welis war an tronioù-se pevar henaour warn-ugent azezet, gwisket gant dilhad gwenn, gant kurunennoù aour war o fennoù.

Apocalyps 5:11

Me a sellas hag a glevas mouezh kalz a aeled en-dro d’an tron, ar bevien hag an henaourien, hag an niver anezho a oa eus dekviliadoù a zekviliadoù ha miliadoù a viliadoù.

Apocalyps 5:14

Ar pevar bev a lavare: Amen! Hag ar pevar henaour warn-ugent a zaoulinas hag a azeulas an hini a vev e kantvedoù ar c’hantvedoù.

Apocalyps 5:6

Me a sellas ha setu, e-kreiz an tron hag ar pevar bev hag e-kreiz an henaourien, un Oan a oa eno evel aberzhet. Bez’ en doa seizh korn ha seizh lagad, a zo ar seizh spered Doue kaset dre an douar a-bezh.

Apocalyps 5:8

P’en doe kemeret al levr, ar pevar bev hag ar pevar henaour warn-ugent a zaoulinas dirak an Oan, o kaout pep hini anezho telennoù hag hanafoù aour leun a c’hwezhioù-mat, a zo pedennoù ar sent.

Apocalyps 6:1

Me a sellas pa zigoras an Oan unan eus ar seizh siell hag e klevis unan eus ar pevar bev o lavarout gant ur vouezh kurun: Deus ha gwel.

Apocalyps 6:6

Hag e klevis ur vouezh e-kreiz ar pevar bev a lavare: Ur c’hoiniks gwinizh evit un diner ha tri c’hoiniks heiz evit un diner, met na washa ket an eoul nag ar gwin.

Apocalyps 7:11

An holl aeled en em zalc’he en-dro d’an tron, d’an henaourien ha d’ar pevar bev, hag en em stoujont war o dremm dirak an tron hag ec’h azeuljont Doue

Apocalyps 7:17

rak an Oan a zo e-kreiz an tron o mesaio hag o degaso da vammennoù dour ar vuhez, ha Doue a sec’ho pep daeraouenn eus o daoulagad.