Apocalyps 21:25 - Bibl Koad 21: Ar Bibl e Brezhoneg evit ar Vretoned

²⁵ He dorojoù ne vint ket serret bemdez, rak ne vo ket a noz eno.

Testamant Nevez 1897 (Jenkins)

²⁵ He dorojou na vezint ket serret bemdez, rag eno ne vezo noz e‐bed.

Apocalyps 21:25 Referencias Cruzadas

Izaia 60:11

Da zorojoù a vo dalc'hmat digor, ne vint serret na deiz na noz, evit lakaat da vont ennout pinvidigezhioù ar broadoù hag o rouaned a vo degaset di.

Izaia 60:20

Da heol ne guzho ken, da loar ne steuzio ken, rak an AOTROU a vo evidout ur sklêrijenn beurbadus, ha deizioù da gañv a vo echu.

Zakaria 14:7

Hennezh a vo un deiz dibar, anavezet gant an AOTROU. Ne vo na deiz na noz, met d'abardaez e vo sklêrijenn.

Apocalyps 21:12

Bez’ e oa ur voger vras hag uhel. Bez’ e oa daouzek dor, e-tal an daouzek dor daouzek ael, hag anvioù skrivet warno, bez’ e oant anvioù daouzek meuriad mibien Israel.

Apocalyps 21:15

An hini a gomze ouzhin en doa ur walenn aour evit muzuliañ ar gêr, he dorojoù hag he moger.

Apocalyps 21:23

Ar gêr n’he deus ezhomm nag eus an heol nag eus al loar evit he sklêrijennañ, rak gloar Doue a sklêrijenn anezhi hag an Oan eo he goulaouenn.

Apocalyps 22:5

Ne vo ken a noz, n’o devo ken ezhomm eus lamp nag eus sklêrijenn an heol, rak an Aotrou Doue o sklêrijenno. Int a reno e kantvedoù ar c’hantvedoù.