Apocalyps 20:9 - Bibl Koad 21: Ar Bibl e Brezhoneg evit ar Vretoned

⁹ Pignat a rejont war c’horre an douar, en em lakajont en-dro da gamp ar sent ha d’ar gêr garet-mat. Met un tan a ziskennas digant Doue eus an neñv hag a lonkas anezho.

Testamant Nevez 1897 (Jenkins)

⁹ Hag e savjont var c’horre an douar, hag en em lakejont tro‐var‐dro da dachen ar zent, ha d’ar gear muia‐karet; mes eun tan a ziskennaz euz an env a‐berz Doue hag ho devaz.

Apocalyps 20:9 Referencias Cruzadas

Geneliezh 19:24

Neuze an AOTROU a lakaas da gouezhañ war Sodom ha Gomora glav soufr ha tan a-berzh an AOTROU eus krec'h an neñvoù.

2 Rouned 6:15

Servijer den Doue a savas mintin mat hag e yeas er-maez. Ha setu, soudarded gant kezeg ha kirri a gelc'hie kêr. E servijer a lavaras dezhañ: Siwazh, va aotrou! Penaos e raimp?

Levr Job 38:18

Ha komprenet ec'h eus ledennad an douar? Mar anavezez kement-se, disklêr!

Salmoù 106:18

An tan a grogas en o bodadeg, ar flamm a guzumas ar re zrouk.

Salmoù 87:2

An AOTROU a gar dorioù Sion, muioc’h eget holl chomlec’hioù Jakob.

Salmoù 97:3

An tan a gerzh dirazañ, hag a bulluc'h a bep tu e enebourien.

Izaia 30:33

Abaoe pell amzer ez eo lakaet a-du ha kempennet Tofed evit ar roue. Graet eo don ha ledan e geuneudeg, gant tan ha koad e-leizh; alan an AOTROU, evel ur red soufr, a ya da entanañ anezhañ.

Izaia 37:36

Ael an AOTROU a zeuas hag a skoas e kamp an Asiriz, war gant pemp ha pevar-ugent mil den. Pa voed savet abred diouzh ar beure, setu, e oa korfoù marv a bep tu.

Ezekiel 38:16

Pignat a ri a-enep va fobl Israel, evel ur c'hoabrenn o c'holeiñ ar vro. Bez' e vo en deizioù diwezhañ, ma rin dit kerzhout a-enep va bro, evit ma vin anavezet gant ar broadoù, pa vin santelaet drezout dirak o daoulagad.

Ezekiel 38:22

Hag e varnin anezhañ dre ar vosenn ha dre ar gwad, hag e rin d'ar glav kouezhañ warnañ, war e vagadoù ha war ar pobloù niverus a vo gantañ, glav-bil, mein-grizilh, tan ha soufr.

Ezekiel 38:9

Pignat a ri hag e teui evel un arnev, evel ur c'hoabrenn o c'holeiñ ar vro, te ha da holl vagadoù ha meur a bobl ganit.

Ezekiel 39:6

Kas a rin tan e Magog hag e-touez ar re a zo o chom e surentez en inizi, hag e ouezint ez on me an AOTROU.

Mika 2:13

An hini a ra an toull-freuz a bigno dirazo. Lammat a raint, tremen a raint dre an nor, hag ez aint er-maez. O roue a gerzho dirazo, hag an AOTROU a vo en o fenn.

Habakuk 1:6

Rak setu, emaon o vont da sevel a-enep deoc'h ar Galdeiz, ar bobl kriz ha taer-se, a red a-dreuz plaenennoù bras an douar evit perc’hennañ chomadurioù n'int ket dezhi.

Niveroù 11:1

Ar bobl a c'hrozmolas da zivskouarn an AOTROU; an AOTROU o c'hlevas, e fulor en em danas, tan an AOTROU a c'hwezhas en o zouez hag a guzumas penn ar c'hamp.

Niveroù 16:35

Un tan a zeuas a-berzh an AOTROU hag a guzumas an daou c'hant hag hanter-kant den a ginnige ar c'hwezh-vat.

Sant Lucas 17:29

met en deiz ma’z eas Lot kuit eus Sodom, e kouezhas ur glav tan ha soufr eus an neñv hag o distrujas holl.

Sant Lucas 19:43

Rak deizioù a zeuio warnout ma raio da enebourien fozioù en-dro dit, hag e kelc’hint ac’hanout, hag e waskint ac’hanout a bep tu,

Sant Lucas 21:20

Pa welot Jeruzalem kelc’hiet gant armeoù, gouezit neuze ez eo tost he glac’har.

Sant Lucas 9:54

E ziskibien Jakez ha Yann, o welout-se, a lavaras: Aotrou, fellout a ra dit e lavarfemp ma tiskennfe an tan eus an neñv evit o deviñ, evel ma reas Elia?

Adlezenn 23:14

Rak an AOTROU da Zoue a gerzh e-kreiz da gamp evit da zieubiñ hag evit reiñ da enebourien dit; ra vo da gamp eta santel, gant aon na welfe ennout un dra bennak dic'hlan ha na zistroio diouzhit.

2 Tesalonikiz 1:8

evit tennañ veñjañs eus ar re n’anavezont ket Doue ha na sentont ket ouzh Aviel hon Aotrou Jezuz-Krist.

Hebreed 13:13

Deomp eta d’e gavout er-maez eus ar c’hamp, o tougen e zismegañs.

Apocalyps 11:5

Mar fell da unan bennak ober droug dezho, e teuio eus o genoù un tan a lonko o enebourien, rak mar fell da unan bennak ober droug dezho, e ranko bezañ lazhet en doare-se.

Apocalyps 13:13

Ober a reas burzhudoù bras, zoken betek lakaat an tan da ziskenn eus an neñv war an douar dirak an dud.