Apocalyps 20:8 - Bibl Koad 21: Ar Bibl e Brezhoneg evit ar Vretoned

⁸ Dont a raio er-maez da douellañ ar broadoù a zo e pevar c’horn an douar, Gog ha Magog, hag e tastumo anezho evit ar brezel. O niver a zo evel traezh ar mor.

Testamant Nevez 1897 (Jenkins)

⁸ Hag e teui er meaz evit trompla an nationou a zo e pevar c’horn an douar, Gog ha Magog, hag ho dastumo assambles evit ar gombat; hag an niver anezhe a zo evel an treaz euz ar mor.

Apocalyps 20:8 Referencias Cruzadas

1 Rouaned 4:20

Juda hag Israel a oa niverus evel an traezh a zo war aod ar mor, ken niverus e oant. Debriñ, evañ ha laouenaat a raent.

2 Danevelloù 18:21

Hag e respontas: Mont a rin hag e vin ur spered a c'haou e genoù e holl brofeded. An AOTROU a lavaras: E douellañ a ri, hag e teui a-benn outañ. Kae er-maez ha gra evel-se.

Izaia 10:22

Rak, o Israel, ha pa vefe da bobl evel traezh ar mor, un nemorant hepken a zistroio. Ar peurober a zo divizet, lakaat a raio ar reizhder da zic'hlannañ.

Jeremiaz 33:22

Evel na c'heller ket niveriñ arme an neñvoù, na muzuliañ traezh ar mor, evel-se e kreskin lignez David va servijer hag al Levited a servij ac'hanon.

Ezekiel 38:1

Ha komz an AOTROU a voe disklêriet din o lavarout:

Ezekiel 38:2

Mab an den, tro da zremm ouzh Gog e bro Vagog, priñs Rosh, Meshek ha Tubal, hag e profedi a-enep dezhañ.

Ezekiel 39:1

Te eta, mab an den, ro da brofediezh ouzh Gog ha lavar: Evel-henn e komz an Aotrou AOTROU: Setu em eus droug ouzhit, Gog, priñs Rosh, Meshek ha Tubal.

Ezekiel 39:6

Kas a rin tan e Magog hag e-touez ar re a zo o chom e surentez en inizi, hag e ouezint ez on me an AOTROU.

Ezekiel 7:2

Ha te, mab an den, evel-henn e komz an Aotrou AOTROU ouzh bro Israel: An diwezh! An diwezh a zeu war bevar c'horn ar vro!

Hebreed 11:12

Dre-se eus un den hepken hag a oa dija dinerzhet, eo bet ganet ur vandenn a dud ken niverus evel stered an neñv, evel traezh aod ar mor ha na c’hell ket bezañ kontet.

Apocalyps 12:9

An aerouant bras a voe taolet kuit, an naer gozh anvet an diaoul ha Satan, an hini a douell ar bed holl, taolet e voe war an douar hag e aeled a voe taolet gantañ.

Apocalyps 16:14

Rak speredoù diaouled eo, a ra burzhudoù hag a ya etrezek rouaned an douar hag ar bed holl, d’o dastum evit emgann deiz bras an Doue holl-c’halloudek.

Apocalyps 20:10

An diaoul a douelle anezho a voe taolet er stank a dan hag a soufr, e-lec’h ma edo al loen hag ar fals-profed. Deiz ha noz ec’h estrenvanint evit kantvedoù ar c’hantvedoù.

Apocalyps 20:3

Teurel a reas anezhañ en donder hag e serras o lakaat ur siell warnañ, evit na douellje ken ar broadoù betek ma vije tremenet ar mil bloavezh. Goude-se, e tle bezañ diereet evit un nebeud amzer.

Apocalyps 7:1

Goude-se, e welis pevar ael en em zalc’he e pevar c’horn an douar, o terc’hel ar pevar avel evit na c’hwezhfe avel ebet na war an douar, na war ar mor, na war wezenn ebet.

Ar Varnerien 7:12

Madian, Amalek ha mibien ar reter a oa strewet en traonienn niverus evel kilheien-raden, hag o c'hañvaled a oa diniver evel an traezh a zo war aod ar mor, kement e oa anezho.

1 Samuel 13:5

Hag ar Filistined en em zastumas evit ober brezel da Israel, gant tregont mil karr ha c'hwec'h mil marc'heger, hag ur bobl niverus evel an traezh a zo war vord ar mor. Pignat a rejont hag e kampjont e Mikmash, ouzh sav-heol Bet-Aven.