Apocalyps 2:7 - Bibl Koad 21: Ar Bibl e Brezhoneg evit ar Vretoned

⁷ An neb en deus divskouarn, ra glevo ar pezh a lavar ar Spered d’an Ilizoù. D’an hini a drec’ho me a roio da zebriñ eus ar wezenn a vuhez a zo e-kreiz baradoz Doue.

Testamant Nevez 1897 (Jenkins)

⁷ Ra zeui an hini hen deuz diou‐skouarn, de zelaou ar pez a lavar ar Spered d’an Ilizou: D’an hini a vezo treac’h, me a roio dezhan da zebri euz ar vezen a vuez, pehini a zo e‐kreiz barados Doue.

Apocalyps 2:7 Referencias Cruzadas

Geneliezh 2:9

An AOTROU Doue a lakaas da ziwanañ eus an douar pep seurt gwez dudius d'ar gweled ha mat da zebriñ, hag ar wezenn a vuhez e-kreiz al liorzh, ha gwezenn anaoudegezh ar mad hag an droug.

Krennlavarioù 11:30

Frouezh an den reizh a zo ur wezenn a vuhez, hag an den a c'hounez eneoù a zo fur.

Krennlavarioù 13:12

An esperañs daleet a laka ar galon da langisañ, met ar c'hoant sevenet a zo evel ur wezenn a vuhez.

Krennlavarioù 15:4

Un teod yac'h a zo evel ur wezenn a vuhez, met unan gwallsiek a zo evel ur boulc'h er spered.

Krennlavarioù 3:18

Ar wezenn a vuhez ez eo evit ar re a stag outi, hag an holl re a vir anezhi a zo eürus.

Ezekiel 28:13

en em gavet out bet en Eden, e liorzh Doue, goloet gant mein prizius a bep seurt, kornalin, topaz, diamant, krizolit, oniks, yalp, safir, skarboukl, emrodez hag aour. Oberidigezh an taboulinoù hag ar fleütoù a zo bet du-se, kempennet evit an deiz ma voes krouet.

Ezekiel 31:8

Sedrez liorzh Doue ne lame digantañ netra eus he kaerder, ar siprez ne hañvalent ket ouzh he skourroù, hag ar plataned ne oant ket heñvel ouzh he barroù. Gwezenn ebet eus liorzh Doue ne oa heñvel outi en he c'haerder.

Mazhev 11:15

Ra selaouo, an neb en deus divskouarn da glevout.

Mazhev 13:43

Neuze an dud reizh a lugerno evel an heol e rouantelezh o Zad. Ra selaouo, an neb en deus divskouarn da glevout.

Mazhev 13:9

Ra selaouo, an neb en deus divskouarn da glevout.

Sant Marc 4:9

Hag e lavaras dezho: Ra selaouo, an neb en deus divskouarn da glevout.

Sant Marc 7:15

Netra eus ar pezh a zo er-maez eus an den hag a antre ennañ ne c’hell e huduraat, met ar pezh a zeu er-maez anezhañ, kement-se eo a hudura an den.

Sant Marc 7:16

Mar en deus unan bennak divskouarn da glevout, ra selaouo.

Sant Lucas 23:43

Jezuz a lavaras dezhañ: Me a lavar dit e gwirionez, hiziv e vi ganin er baradoz.

Sant Lucas 8:8

Ul lodenn all a gouezhas en douar mat hag, o vezañ savet, e roas frouezh, kant evit unan. O lavarout an traoù-mañ, e krias: Ra selaouo, an neb en deus divskouarn da glevout.

Sant Ian 16:33

Lavaret em eus deoc’h an traoù-mañ evit ma ho po ar peoc’h ennon. Trubuilhoù ho po er bed, met bezit kalonek, me am eus trec’het ar bed.

1 Korintiz 2:10

Doue en deus o diskuliet deomp dre e Spered. Rak ar Spered a furch an holl draoù, zoken donderioù Doue.

2 Korintiz 12:4

a voe savet er baradoz, hag e klevas komzoù dilavarus ha ne c’hell ket an den o distagañ.

1 Yann 2:13

Tadoù, skrivañ a ran deoc’h dre ma hoc’h eus anavezet an hini a zo adalek ar penn-kentañ. Tud yaouank, skrivañ a ran deoc’h dre ma hoc’h eus trec’het an hini drouk. Bugale vihan, skrivañ a ran deoc’h dre ma hoc’h eus anavezet an Tad.

Apocalyps 13:9

Mar en deus unan bennak divskouarn, ra selaouo.

Apocalyps 14:13

Klevout a ris ur vouezh o tont eus an neñv a lavare din: Skriv: Eürus diwar vremañ ar re varv hag a varv en Aotrou. Ya, eme ar Spered, evit ma tiskuizhint eus o labourioù, rak o oberoù a heuilh anezho.

Apocalyps 15:2

Gwelout a ris ivez evel ur mor gwer mesket gant tan, hag ar re o doa trec’het al loen, e skeudenn, e verk ha niver e anv, en em zalc’he war ar mor gwer hag o doa telennoù Doue ganto.

Apocalyps 2:11

An neb en deus divskouarn, ra glevo ar pezh a lavar ar Spered d’an Ilizoù. An hini a drec’ho ne vo ket gloazet gant an eil marv.

Apocalyps 2:17

An neb en deus divskouarn, ra glevo ar pezh a lavar ar Spered d’an Ilizoù. D’an hini a drec’ho e roin da zebriñ eus ar mann kuzhet hag e roin dezhañ ur maen gwenn, ha war ar maen-se e vo skrivet un anv nevez n’eo anavezet gant den, nemet gant an hini a resev anezhañ.

Apocalyps 21:7

An hini a drec’ho en devo an holl draoù da hêrezh. E Zoue e vin hag eñ a vo va mab.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.

Apocalyps 22:17

Ar Spered hag ar bried a lavar: Deus. Ra lavaro an hini a glev: Deus. Ra zeuio an hini en deus sec’hed. Ra gemero dour a vuhez evit netra an hini a fell dezhañ.

Apocalyps 22:2

E-kreiz al leurgêr ha war daou gostez ar stêr edo ar wezenn a vuhez a zouge daouzek frouezhenn hag a roe he frouezh bep miz. Delioù ar wezenn a oa evit yac’haat ar broadoù.