Apocalyps 18:21 - Bibl Koad 21: Ar Bibl e Brezhoneg evit ar Vretoned

²¹ Un ael galloudek a gemeras ur maen evel ur maen-milin hag a daolas anezhañ er mor, o lavarout: Evel-se e vo taolet d’an traoñ gant buander Babilon, ar gêr vras, ha ne vo kavet ken.

Testamant Nevez 1897 (Jenkins)

²¹ Neuze eun eal galloudus a gemeraz eur mean henvel ouz eur mean milin braz, hag a sklapaz anezhan er mor, en eur lavaret: Evel‐se e vezo taolet d’an traon Babylon, ar gear vraz, ha den na hello mui he c’havout.

Apocalyps 18:21 Referencias Cruzadas

Nehemia 9:11

Faoutet ec'h eus ar mor dirazo, hag ez int tremenet e-kreiz ar mor war ar sec'h. Taolet ec'h eus en donder ar re a rede war o lerc'h, evel ur maen en doureier meur.

Levr Job 20:8

Tec'hout a raio evel un huñvre, ne vo ken kavet, mont a raio da netra evel ur weledigezh en noz.

Salmoù 37:36

Met tremenet eo, ha setu n'emañ ken. E glasket em eus, n'en em gav ken.

Ermaeziadeg 15:5

An donderioù o deus o goloet, diskennet int e foñs an doureier evel ur maen.

Ezekiel 26:21

Ober a rin ur spont ac'hanout, ha ne vi ken. Klasket e vi, met ne vi ket kavet, biken, eme an Aotrou AOTROU.

Daniel 11:19

Goude e troio e zremm etrezek kreñvlec’hioù e vro, hag e vrañsello, e kouezho, ha ne vo ket kavet ken.

Apocalyps 10:1

Gwelout a ris un ael all galloudek a ziskenne eus an neñv, gwisket gant ur goabrenn. Bez’ e oa ur wareg-c’hlav a-us d’e benn, e zremm a oa evel an heol hag e dreid evel peulioù tan.

Apocalyps 12:8

met ne voent ket ar c’hreñvañ hag ne voe mui kavet a lec’h evito en neñv.

Apocalyps 16:20

An holl inizi a dec’has hag ar menezioù ne voent kavet ken.

Apocalyps 18:10

En em zerc’hel a raint pell gant aon rak hec’h estrenvan, hag e lavarint: Gwalleur! Gwalleur! Kêr vras Babilon, ar gêr c’halloudek-mañ! Rak da varnedigezh a zo deuet en un eur.

Apocalyps 18:22

Sonioù an delennerien, ar vuzikerien, ar fleüterien hag an drompilherien ne vint ken klevet e-barzh da greiz. Micherour ebet a bep seurt micher bennak a c’hell bezañ ne vo kavet ennout. Trouz ar maen-milin ne vo ken klevet ennout.

Apocalyps 20:11

Gwelout a ris un tron gwenn hag an hini a oa azezet warnañ. An douar hag an neñv a dec’has kuit a-zirak e zremm, ha lec’h ebet ne voe kavet ken evito.

Apocalyps 5:2

Gwelout a ris un ael galloudek a grie gant ur vouezh kreñv: Piv a zo dellezek da zigeriñ al levr ha da zieren ar sielloù?