Apocalyps 12:1 - Bibl Koad 21: Ar Bibl e Brezhoneg evit ar Vretoned

¹ Ur sin bras a voe gwelet en neñv: ur wreg gwisket gant an heol, hag al loar dindan he zreid, ha war he fenn ur gurunenn a zaouzek steredenn.

Testamant Nevez 1897 (Jenkins)

¹ Hogen, eur sin braz a oe gwelet en env, eur vreg gwisket gant an heol, hag al loar dindan he zreid, ha var he fen eur gurunen a zaouzec stereden.

Apocalyps 12:1 Referencias Cruzadas

2 Danevelloù 32:31

Ha pa gasas pennoù roue Babilon kannaded etrezek ennañ evit klevout diwar-benn ar burzhud a oa en em gavet er vro, Doue a zilezas anezhañ evit e amprouiñ, e-sell da c'houzout ar pezh a oa en e galon.

Salmoù 104:2

En em baket er sklêrijenn evel un dilhad, ec'h astenn an neñvoù evel un deltenn,

Salmoù 84:11

Rak un devezh ez leurioù a zo gwelloc'h eget mil e lec'h all. Gwelloc'h eo din en em zerc'hel war dreuzoù ti va Doue, eget bezañ o chom e teltennoù ar re zrouk,

Kanenn ar C’hanennoù 6:10

Piv eo an hini en em ziskouez evel gouloù-deiz, kaer evel al loar, glan evel an heol, spontus evel an armeoù a gerzh a vanniel displeget.

Izaia 61:10

Laouenaat kalz a rin en AOTROU, va ene a drido em Doue, rak va gwisket en deus gant dilhad ar silvidigezh, ha va goloet gant mantell ar reizhder, evel ma en em fich ur pried gant e gurunenn, hag en em gempenn ur plac'h nevez gant he bravigoù.

Izaia 62:3

Ur gurunenn hollgaer e vi e dorn an AOTROU, un tulban roueel e dorn da Zoue.

Zakaria 9:16

An AOTROU o Doue o saveteo en deiz-se evel tropell e bobl, rak evel mein ur gurunenn e vint, o skediñ war e zouar.

Malaki 4:2

Met evidoc'h, c'hwi hag a zouj va anv, e savo heol ar reizhder, hag ar yec'hed a vo en e vannoù. Mont a reot er-maez, hag e lammot evel leueoù ar c'hraou.

Mazhev 12:38

Neuze ur re bennak eus ar skribed hag eus ar farizianed a gemeras ar gomz hag a lavaras: Mestr, ni hor befe c’hoant da welout ur mirakl graet ganit.

Mazhev 24:30

Neuze sin Mab an den en em ziskouezo en neñv, holl bobloù an douar a glemmo, hag e welint Mab an den o tont war goabr an neñv gant galloud ha gant ur gloar bras.

Sant Marc 13:25

ar stered a gouezho eus an oabl, hag ar galloudoù a zo en neñv a vo brañsellet.

Sant Lucas 21:11

Hag e vo krenoù-douar bras e meur a lec’h, naonegezhioù ha bosennoù. Traoù spouronus en em ziskouezo ha sinoù bras eus an neñv.

Sant Lucas 21:25

Bez’ e vo sinoù en heol, el loar hag er stered. Ha war an douar, ar vroadoù a vo en nec’hamant, ha ne ouezint petra d’ober e-keñver ar mor hag e donnoù oc’h ober un trouz bras.

Sant Ian 3:29

An hini en deus ar wreg eo an ozhac’h. Met mignon an ozhac’h, a zo eno hag en selaou, a zo laouen bras pa glev mouezh an ozhac’h, hag al levenez-se a zo va hini ha peurvat eo.

Actou an Ebestel 2:19

Burzhudoù a ziskouezin d’an nec’h en neñv, ha mirakloù d’an traoñ war an douar, gwad, tan hag un aezhenn a voged.

Romaned 13:14

Ha gwiskit an Aotrou Jezuz-Krist, na selaouit ket ar c’hig en e zroukc’hoantoù.

Romaned 3:22

reizhder Doue dre ar feiz eus Jezuz-Krist, evit ar re holl ha war ar re holl a gred. Rak n’eus diforc’h ebet,

2 Korintiz 11:2

Rak me a zo gwarizius ac’hanoc’h, gant ur warizi eus Doue, abalamour ma em eus unanet ac’hanoc’h da ur pried hepken, evit ho kinnig da Grist evel ur werc’hez c’hlan.

Galated 3:27

c’hwi-holl hag a zo bet badezet e Krist, hoc’h eus gwisket Krist warnoc’h.

Galated 4:26

Met ar Jeruzalem d’an nec’h a zo frank, hi eo a zo mamm deomp holl,

Galated 6:14

Met pell diouzhin ar soñj da gavout gloar e netra all nemet e kroaz hon Aotrou Jezuz-Krist. Drezañ ar bed a zo bet kroazstaget evidon, evel ma’z on bet va-unan evit ar bed.

Efeziz 5:32

Ar mister-se a zo bras, henn lavarout a ran diwar-benn Krist hag an Iliz.

Apocalyps 1:20

mister ar seizh steredenn ac’h eus gwelet em dorn dehou hag ar seizh kantolor aour. Ar seizh steredenn a zo aeled ar seizh Iliz, ar seizh kantolor ac’h eus gwelet a zo ar seizh Iliz.

Apocalyps 11:19

Templ Doue a zigoras en neñv hag arc’h e emglev en em ziskouezas en e dempl. Bez’ e voe luc’hed, mouezhioù, kurunoù, ur c’hren-douar hag ur grizilh bras.

Apocalyps 12:3

Ur sin all a voe gwelet c’hoazh en neñv. Setu, un aerouant bras a liv tan o kaout seizh penn ha dek korn, ha war e bennoù seizh talgen.

Apocalyps 15:1

Gwelout a ris en neñv ur sin all bras ha souezhus: seizh ael a zalc’he ar seizh gouli diwezhañ, rak drezo eo kaset da benn kounnar Doue.

Apocalyps 21:14

Moger ar gêr he doa daouzek diazez, ha warno anvioù daouzek abostol an Oan.

Apocalyps 21:23

Ar gêr n’he deus ezhomm nag eus an heol nag eus al loar evit he sklêrijennañ, rak gloar Doue a sklêrijenn anezhi hag an Oan eo he goulaouenn.