Adlezenn 8:15 - Bibl Koad 21: Ar Bibl e Brezhoneg evit ar Vretoned

¹⁵ en deus lakaet ac'hanout da gerzhout er gouelec'h bras hag euzhus-se, leun a naered gwrezus hag a gruged, e lec'hioù sec'h hep dour, en deus lakaet dour da zont er-maez eus ar roc'h evidout, eus ar rec'hell,

Adlezenn 8:15 Referencias Cruzadas

Salmoù 105:41

Digeriñ a reas ar roc'h hag an doureier a redas, mont a rejont dre al lec'hioù sec'h evel ur stêr.

Salmoù 114:8

a dro ar roc'h en ur stank, ar maen kalet e mammennoù doureier.

Salmoù 136:16

An hini en deus renet e bobl er gouelec'h, rak e drugarez a bad da viken,

Izaia 30:6

Diougan diwar-benn loened ar c'hreisteiz. E douar an dristidigezh hag an enkrez, ma teu diouti al leonez hag al leon, an naer-wiber hag an naer loskus o nijal, e tougont war gein ezen o finvidigezhioù ha war dorgenn gañvaled o zeñzorioù, etrezek ur bobl na servijo dezho da netra.

Izaia 35:7

Al lec'h sec'h a vo troet en ul lenn, an douar disec'h e mammennoù-dour; en toulloù ma oa an aourgon o chom enno e vo ur park a gorz hag a vroen.

Izaia 43:19

Setu ez an d'ober un dra nevez, emañ bremañ o vleuniañ, ha n'anavezit ket? Lakaat a rin un hent er gouelec'h, ha stêrioù el lec'h didud.

Jeremiaz 2:6

N'o deus ket lavaret: Pelec'h emañ an AOTROU en deus graet deomp pignat kuit eus bro Ejipt, en deus hor renet dre ar gouelec'h, dre ur vro didud ha digompez, dre ur vro kras e skeud ar marv, dre ur vro na dremene den enni ha na oa den o chom e-barzh?

Ozea 13:5

Da anavezet em eus er gouelec'h, en un douar kras.

Niveroù 20:11

Moizez a savas e zorn hag a skoas war ar roc'h gant e wialenn div wech, hag e teuas dour e-leizh. Ar vodadenn a evas, hag o loened ivez.

Niveroù 21:6

An AOTROU a gasas e-touez ar bobl naered gwrezus a flemmas ar bobl, e doare ma varvas kalz a dud en Israel.

1 Korintiz 10:4

hag o deus evet holl eus an hevelep evaj speredel, rak evañ a raent eus ar roc’h speredel a heulie anezho, hag ar roc’h-se a oa Krist.

Adlezenn 1:19

Aet omp kuit eus Horeb ha kerzhet hon eus dre holl er gouelec'h bras hag euzhus-se, war-zu menez an Amoreaned, evel m'en doa gourc'hemennet an AOTROU hon Doue deomp, ha deuet omp betek Kadesh-Barnea.

Adlezenn 32:13

E lakaet en deus da varc'hekaat war lec'hioù uhel an douar ha da zebriñ frouezh ar parkeier, da chugal mel ar roc'h hag eoul ar reier kalet,