Adlezenn 7:5 - Bibl Koad 21: Ar Bibl e Brezhoneg evit ar Vretoned

⁵ Evel-se e reot: neuze e tiskarot o aoterioù, e torrot o delwennoù, e troc'hot o asheraoù, e tevot en tan o skeudennoù kizellet.

Adlezenn 7:5 Referencias Cruzadas

2 Rouned 10:26

Tennañ a rejont er-maez eus ti Baal ar peulioù, hag e tevjont anezho.

1 Danevelloù 14:12

Lezel a rejont eno o doueoù, ha David a urzhias deviñ anezho.

2 Danevelloù 14:3

Lemel a reas kuit an aoterioù estren hag an uhellec'hioù, hag e torras ar peulioù hag e tiskaras an Asheraoù.

Ermaeziadeg 23:24

Ne stoui ket dirak o doueoù ha ne serviji ket anezho, ne heuilhi ket o oberoù, met o distrujañ a ri holl hag e freuzi o delwennoù.

Ermaeziadeg 32:20

Kemer a reas al leue o doa graet, en devas en tan hag en freuzas ken na voe aet e poultr a skuilhas war an dour. Hag e roas anezhañ da evañ da vibien Israel.

Ermaeziadeg 34:13

Er c'hontrol e tiskarot o aoterioù, e torrot o delwennoù hag e troc'hot o Asheraoù.

Izaia 17:8

Ne sello ken ouzh an aoterioù, labour e zaouarn, ha ne droio ken e zaoulagad etrezek ar pezh o deus graet e vizied, an Asheraoù ha peulioù an heol.

Leviegezh 26:1

Ne reot deoc’h idol ebet, ne savot na skeudenn kizellet na delwenn, ne lakaiot ket a vaen gant tresadennoù livet en ho pro, evit en em stouiñ dirazo. Me eo an AOTROU ho Toue.

Niveroù 33:52

e kasot kuit dirazoc'h holl dud ar vro, e tistrujot o holl skeudennoù, e tistrujot o holl zelwennoù teuzet, e tismantrot o holl uhellec'hioù,

Adlezenn 16:21

Ne blanti ket a ashera e koad e-kichen an aoter a savi d'an AOTROU da Zoue.

Adlezenn 16:22

Ne savi skeudenn ebet, ar pezh a gasa an AOTROU da Zoue.

Adlezenn 7:25

Deviñ a reot en tan skeudennoù kizellet o doueoù. Ne c'hoantai ket ha ne gemeri ket evidout an arc'hant hag an aour a vo warno, gant aon na vefe kement-se ur stign, rak ez int un euzhusted d'an AOTROU da Zoue.

Adlezenn 9:21

Kemeret em eus ho pec'hed, al leue ho poa graet, hag em eus e zevet en tan, hag em eus e freuzet ken na voe aet e poultr. Taolet em eus ar poultr er froud a ziskenne eus ar menez.