Adlezenn 7:15 - Bibl Koad 21: Ar Bibl e Brezhoneg evit ar Vretoned

¹⁵ An AOTROU a lamo ar c'hleñved eus da greiz, hag an holl c'houlioù drouk ac'h eus anavezet en Ejipt, ne lakaio ket warnout, met o lakaat a raio war ar re holl a gasa ac'hanout.

Adlezenn 7:15 Referencias Cruzadas

Salmoù 91:10

Poan ebet ne dapo ac'hanout, gouli ebet ne dostaio ouzh da deltenn.

Ermaeziadeg 15:26

Lavarout a reas: Mar selaouez gant evezh mouezh an AOTROU da Zoue, mar rez ar pezh a zo reizh dirak e zaoulagad, mar roez skouarn d'e c'hourc'hemennoù ha mar mirez e holl lezennoù, ne roin ket dit hini ebet eus ar c'hleñvedoù am eus lakaet war an Ejipt, rak me eo an AOTROU a yac'ha ac'hanout.

Ermaeziadeg 23:25

Servijañ a reot an AOTROU ho Toue, hag e vennigo da vara ha da zoureier hag e lamin ar c'hleñved eus da greiz.

Ermaeziadeg 9:11

Ar strobinellerien ne c'helljont ket en em zerc'hel dirak Moizez en abeg d'ar goulioù. Rak ar goulioù a oa war ar strobinellerien evel war an holl Ejipsianed.

Adlezenn 28:27

An AOTROU a skoio warnout gant goulioù an Ejipt, ruzderioù, gal, tagn, na c'helli ket pareañ anezho.

Adlezenn 28:60

Degas a raio warnout holl gleñvedoù an Ejipt, ac'h eus bet aon razo, hag en em stagint ouzhit,

Adlezenn 30:7

An AOTROU da Zoue a lakaio an holl vallozhioù-se war da enebourien ha war ar re o devo da gasaaet ha da heskinet.