Adlezenn 6:2 - Bibl Koad 21: Ar Bibl e Brezhoneg evit ar Vretoned

² evit ma touji an AOTROU da Zoue, o virout e holl reolennoù hag e holl c'hourc'hemennoù a gemennan dit, te, da vab ha da vibien-vihan, en holl zeizioù da vuhez, evit ma vo hiraet da zeizioù.

Adlezenn 6:2 Referencias Cruzadas

Geneliezh 18:19

E anavezet em eus evit ma c'hourc'hemenno d'e vibien ha d'e diegezh war e lerc'h mirout hent an AOTROU, en ur ober kement a zo reizh hag eeun, evit ma lakaio an AOTROU da zont war Abraham ar pezh en deus lavaret anezhañ.

Geneliezh 22:12

Lavarout a reas: Na zoug ket da zorn war ar bugel ha na ra netra dezhañ. Rak bremañ ec'h anavezan penaos e toujez Doue, pa ne'c'h eus ket espernet da vab, da vab nemetañ.

1 Rouaned 8:40

Evel-se o devo doujañs ouzhit e-pad an holl amzer ma vevint war an douar ac'h eus roet d'hon tadoù.

Levr Job 28:28

Hag e lavaras d'an den: Setu, doujañs an Aotrou eo ar furnez, distreiñ diouzh an droug eo ar poell.

Salmoù 111:10

Penn-kentañ ar furnez eo doujañs an AOTROU. An holl re a heuilh e c'hourc'hemennoù a zo fur e gwirionez. E veuleudi a bad da viken.

Salmoù 128:1

Kanaouenn ar "Maalod". Eürus an den a zouj an AOTROU, hag a gerzh en e hentoù!

Salmoù 91:16

E leuniañ a rin a zeizioù hir, hag e tiskouezin dezhañ va dieubidigezh.

Ermaeziadeg 20:12

Enor da dad ha da vamm evit ma vo hiraet da zeizioù war an douar a ro dit an AOTROU da Zoue.

Ermaeziadeg 20:20

Moizez a lavaras d'ar bobl: N'ho pet ket aon, rak Doue a zo deuet evit amprouiñ ac'hanoc'h hag evit ma vo e zoujañs dirazoc'h, e doare na bec'hot ket.

Krennlavarioù 16:6

Dre an drugarez hag ar wirionez an direizhder a vo pardonet, ha dre zoujañs an AOTROU e tistroer diouzh an droug.

Krennlavarioù 3:16

Deizioù hir a zo en he zu dehou, pinvidigezhioù ha gloar en he zu kleiz.

Krennlavarioù 9:11

Rak drezon eo e vo da zeizioù liesaet, ha bloavezhioù da vuhez a vo kresket.

Ar Prezeger 12:13

Selaouomp kentel an holl brezegenn-mañ: Douj Doue ha mir e c'hourc'hemennoù, rak setu aze holl zlead an den.

Jeremiaz 32:39

Reiñ a rin dezho un hevelep kalon hag un hevelep hent, evit ma toujint da viken ac'hanon, evit o mad hag hini o mibien war o lerc'h.

Ezekiel 20:19

Me eo an AOTROU ho Toue, kerzhit em reolennoù, mirit va barnedigezhioù evit ober diouto.

Sant Lucas 12:5

Met me a ziskouezo deoc’h piv a dleit doujañ. Doujit an hini en deus ar galloud da gas d’ar gehenn, goude m’en deus lazhet. Ya, a lavaran deoc’h, hennezh eo an hini a dleit doujañ.

Adlezenn 10:20

Doujañ a ri an AOTROU da Zoue, hag e serviji anezhañ, hag en em stagi outañ, hag e toui dre e anv.

Adlezenn 11:9

hag evit ma vo hiraet ho teizioù war an douar en doa touet an AOTROU reiñ d'ho tadoù, dezho ha d'o lignez, ur vro a zever gant laezh ha mel.

Adlezenn 13:4

Mont a reot war-lerc'h an AOTROU ho Toue hag e toujot anezhañ. Mirout a reot e c'hourc'hemennoù hag e sentot ouzh e vouezh, servijañ a reot anezhañ hag en em stagot outañ.

Adlezenn 15:5

gant ma senti ouzh mouezh an AOTROU da Zoue, o virout an holl c'hourc'hemennoù a gemennan dit hiziv hag oc'h ober diouto.

Adlezenn 22:7

lezel a ri da vont ar vamm hag e kemeri ar re vihan evidout, evit ma vi eürus ha ma vo hiraet da zeizioù.

Adlezenn 30:19

Kemer a ran hiziv an neñvoù hag an douar da dest en hoc'h enep, penaos em eus lakaet dirazout ar vuhez hag ar marv, ar vennozh hag ar vallozh. Dibab ar vuhez evit ma vevot, te ha da lignez,

Adlezenn 30:20

evit karout an AOTROU da Zoue, evit sentiñ ouzh e vouezh, evit en em stagañ outañ, rak eñ eo da vuhez, hag eñ a hiraio da zeizioù hag e c'helli chom er vro en deus touet an AOTROU reiñ d'ho tadoù, da Abraham, da Izaak ha da Jakob.

Adlezenn 4:10

Az pez soñj eus an deiz ma en em zalc'hjout dirak an AOTROU da Zoue en Horeb, pa lavaras an AOTROU din: Dastum din ar bobl, hag e rin dezho klevout va c'homzoù evit ma teskint doujañ ac'hanon e-pad an holl zeizioù ma vevint war an douar hag evit ma henn kelennint d'o mibien.

Adlezenn 4:40

mir e reolennoù hag e c'hourc'hemennoù a gemennan dit hiziv, evit ma vi eürus, te ha da vibien war da lerc'h, evit ma vo hiraet da zeizioù war an douar a ro dit an AOTROU da Zoue.

Adlezenn 4:9

Koulskoude, en em ziwall ha taol evezh gant pled ouzh da ene, gant aon n'ankounac'hafes an traoù o deus gwelet da zaoulagad, ha gant aon na'z afent er-maez eus da galon deiz ebet eus da vuhez. O c'helenn a ri da'z mibien ha da'z mibien-vihan.

Adlezenn 5:16

Enor da dad ha da vamm, evel m'en deus gourc'hemennet dit an AOTROU da Zoue, evit ma vo hiraet da zeizioù ha ma vi eürus war an douar a ro dit an AOTROU da Zoue.

Adlezenn 5:33

Kerzhout a reot en holl hent en deus gourc'hemennet an AOTROU ho Toue, evit ma vevot, ma vint eürus ha ma vo hiraet ho teizioù war an douar a berc'hennot.

Adlezenn 6:1

Setu ar gourc'hemennoù, ar reolennoù hag ar barnedigezhioù en deus gourc'hemennet an AOTROU ho Toue deskiñ deoc'h, evit ma reot diouto er vro ma'z eot e-barzh d'he ferc'hennañ,

Adlezenn 6:24

An AOTROU en deus gourc'hemennet deomp ober diouzh ar reolennoù-mañ, o toujañ an AOTROU hon Doue, evit ma vimp atav eürus ha ma tiwallo hor buhez evel hiziv.

Adlezenn 6:7

o c'helenn a ri da'z mibien hag e komzi diouto pa vi ez ti ha pa gerzhi war an hent, pa c'hourvezi ha pa savi,

Jozue 4:24

evit ma ouezo holl bobloù an douar penaos eo kreñv dorn an AOTROU , hag evit ma toujot dalc'hmat an AOTROU ho Toue.

1 Pêr 1:17

Ha mar galvit Tad an hini a varn pep unan hervez e oberoù hep ober van eus den, en em renit eta gant doujañs e-pad an amzer hoc’h eus da dremen amañ,