Adlezenn 5:24 - Bibl Koad 21: Ar Bibl e Brezhoneg evit ar Vretoned

²⁴ o lavarout: Setu, an AOTROU hon Doue en deus diskouezet deomp e c'hloar hag e vraster, klevet hon eus e vouezh a-greiz an tan, gwelet hon eus hiziv penaos e c'hell Doue komz ouzh un den, hag e chom bev an den-se.

Adlezenn 5:24 Referencias Cruzadas

Geneliezh 32:30

Jakob a c'halvas al lec'h-se Peniel, rak lavarout a reas: Gwelet em eus Doue dremm ouzh dremm ha va ene a zo bet saveteet.

Geneliezh 32:31

Pa voe tremenet gantañ Peniel, an heol a savas warnañ, hag e kamme diouzh e vorzhed.

Ermaeziadeg 19:19

Son ar shofar a yae en ur greskiñ muioc'h-mui. Moizez a gomze ha Doue a responte dezhañ dre ur vouezh.

Ermaeziadeg 20:22

An AOTROU a lavaras da Voizez: Kement-se a lavari da vibien Israel: Gwelet hoc'h eus em eus komzet ouzhoc’h eus an neñvoù.

Ermaeziadeg 33:20

Hag e lavaras: Ne c'helli ket gwelout va dremm, rak an den ne c'hell ket gwelout ac'hanon ha bevañ.

Niveroù 14:14

hag e lavarint-se da annezidi ar vro-mañ. Klevet o deus lavarout penaos out, o AOTROU, e-kreiz ar bobl-mañ, penaos en em ziskouezez lagad ouzh lagad, o AOTROU, penaos da goabrenn en em zalc'h a-us dezho, penaos e kerzhez a-raok dezho en ur golonenn a goabrenn e-pad an deiz hag en ur golonenn a dan e-pad an noz.

Adlezenn 32:3

Rak ec'h embannin anv an AOTROU. Meulit braster hon Doue!

Adlezenn 4:33

Hag-eñ ez eus bet ur bobl o klevout mouezh Doue o komz a-greiz an tan evel ma ec'h eus klevet, hag a vefe chomet bev?

Adlezenn 5:23

Pa hoc'h eus klevet ar vouezh a-greiz an dic'houloù, ar menez o teviñ gant tantezioù, tostaet oc'h ouzhin gant ho pennoù a veuriadoù hag hoc'h henaourien,

Adlezenn 5:25

Ha bremañ, perak e varvfemp? Rak an tan bras-se a guzumo ac'hanomp! Mar klevomp c'hoazh mouezh an AOTROU hon Doue, e varvimp.

Ar Varnerien 13:22

Manoak a lavaras d'e wreg: A-dra-sur emaomp o vont da vervel, rak gwelet hon eus Doue.