Adlezenn 5:12 - Bibl Koad 21: Ar Bibl e Brezhoneg evit ar Vretoned

¹² Mir deiz ar sabad evit e santelaat, evel m'en deus gourc'hemennet dit an AOTROU da Zoue;

Adlezenn 5:12 Referencias Cruzadas

Nehemia 13:15

En deizioù-se e welis e Juda tud a jaodre er waskerell d'ar sabad, ha reoù all a zegase herdin, a samme o ezen gant gwin, rezin, fiez ha traoù all, hag o degase da Jeruzalem e deiz ar sabad. Ober a ris rebechoù dezho, diwar-benn an deiz ma werzhent o zraoù.

Ermaeziadeg 16:23

Hag eñ a respontas: Kement-se eo en deus lavaret an AOTROU: Warc’hoazh emañ diskuizh ar sabad santelaet evit an AOTROU . Lakait da boazhañ ar pezh hoc'h eus da lakaat da boazhañ, lakait da virviñ ar pezh hoc'h eus da lakaat da virviñ, ha dastumit an nemorant evit e virout betek ar beure.

Ermaeziadeg 16:30

Ar bobl eta a ziskuizhas er seizhvet devezh.

Ermaeziadeg 31:13

Komz da vibien Israel ha lavar: Mirout a reot va deizioù sabad. Rak un arouez a vo etrezon-me ha c'hwi a rummadoù da rummadoù, ma vo gouezet ez eo me, an AOTROU a santela ac'hanoc'h.

Ermaeziadeg 31:15

Al labour a vo graet e-pad c'hwec'h devezh, met er seizhvet devezh e vo ar sabad-diskuizh santelaet evit an AOTROU . Piv bennak a raio ul labour e deiz ar sabad a vo lakaet d'ar marv.

Izaia 56:6

Mibien an diavaeziad en em stag ouzh an AOTROU d'e servijout, ha da garout anv an AOTROU evit bezañ e servijerien, ar re holl a vir ar sabad hep e zisakrañ, hag en em stag ouzh va emglev,

Izaia 58:13

Mar dalc'hez da droad e-pad ar sabad, evit tremen hep ober ar pezh a fell dit em deiz santel, mar anvez ar sabad: Va flijadur, deiz santelaet evit an AOTROU, mar enorez anezhañ hep heuliañ da hentoù, hep ober ar pezh a blij dit, hep lavarout traoù aner,

Jeremiaz 17:22

na gasit bec'h ebet er-maez eus ho tiez da zeiz ar sabad, na rit labour ebet, met santelait deiz ar sabad, evel ma em eus gourc'hemennet d'ho tadoù.

Sant Marc 2:27

Hag e lavaras dezho: Ar sabad a zo bet graet evit an den ha nann an den evit ar sabad.

Adlezenn 5:13

labourat a ri c'hwec'h devezh hag e ri da holl oberoù,