Adlezenn 4:16 - Bibl Koad 21: Ar Bibl e Brezhoneg evit ar Vretoned

¹⁶ gant aon n'en em vreinfec'h en ur ober ur skeudenn gizellet, ur skeudenn eus un idol bennak, an taolennadur eus ur par pe ur barez,

Adlezenn 4:16 Referencias Cruzadas

Ermaeziadeg 32:7

Neuze an AOTROU a lavaras da Voizez: Kae, diskenn, rak da bobl ec'h eus lakaet da bignat eus bro Ejipt, a zo en em vreinet.

Izaia 40:18

Ouzh piv ec'h hañvalot Doue? Gant peseurt heñveledigezh e keñveriot anezhañ?

Izaia 44:13

Ar c'halvez a astenn ur gordenn. Tresañ a ra gant ur gleizenn, stummañ a ra gant ur gizell, merkañ a ra gant ur c'helc'hier, da reiñ evel dremm un den, e doare kaer a zen, evit ma vo o chom en ti.

Ezekiel 8:10

Mont a ris eta hag e sellis, ha setu ma oa a bep seurt stlejviled ha loened euzhus hag idoloù ti Israel livet war ar voger tro-dro.

Leviegezh 19:4

N’en em droit ket etrezek an idoloù ha ne rit ket deoc’h doueoù teuzet. Me eo an AOTROU ho Toue.

Leviegezh 26:1

Ne reot deoc’h idol ebet, ne savot na skeudenn kizellet na delwenn, ne lakaiot ket a vaen gant tresadennoù livet en ho pro, evit en em stouiñ dirazo. Me eo an AOTROU ho Toue.

Sant Ian 4:24

Doue a zo Spered, hag ret eo d’ar re a azeul anezhañ, e azeuliñ e spered hag e gwirionez.

Actou an Ebestel 17:29

O vezañ eta eus lignez Doue, ne dleomp ket krediñ ez eo an doueelezh heñvel ouzh aour pe ouzh arc’hant pe ouzh maen, kizellet gant arz hag ijin an den.

Adlezenn 16:22

Ne savi skeudenn ebet, ar pezh a gasa an AOTROU da Zoue.

Adlezenn 27:15

Milliget ra vo an den a ra ur skeudenn gizellet pe teuzet, a zo un euzhusted d'an AOTROU, labour daouarn ur micherour a laka anezhi en ul lec'h kuzh! Hag an holl bobl a responto o lavarout: Amen!

Adlezenn 31:29

Rak gouzout a ran penaos, goude va marv, en em vreinot hag e tistroiot diouzh an hent am eus gourc'hemennet deoc'h; hag e c'houzañvot poanioù en deizioù da zont, pa ho po graet ar pezh a zo fall dirak daoulagad an AOTROU, o fuloriñ anezhañ dre oberennoù ho taouarn.

Adlezenn 4:23

Taolit evezh gant aon na ankounac'hafec'h an emglev en deus graet an AOTROU ho Toue ganeoc'h ha na rafec'h ur skeudenn gizellet pe un taolennadur eus un dra bennak, ar pezh en deus difennet ouzhit an AOTROU da Zoue.

Adlezenn 4:25

Pa ez po mibien ha mibien-vihan, ha pa ho po chomet pell er vro, mar en em vreinit en ur ober ur skeudenn gizellet pe un taolennadur bennak, oc'h ober an droug dirak daoulagad an AOTROU da Zoue evit e fuloriñ,

Adlezenn 5:8

Ne ri ket dit na skeudenn gizellet, na taolennadur eus an traoù a zo d'an nec'h en neñvoù, a zo d'an traoñ war an douar, hag a zo en doureier dindan an douar;

Adlezenn 5:9

ne stoui ket dirazo ha ne serviji ket anezho, rak me eo an AOTROU da Zoue, un Doue gwarizius a gastiz direizhder an tadoù war ar vugale betek an trede hag ar pevare rumm eus ar re a gasa ac'hanon,

Adlezenn 9:12

An AOTROU a lavaras din: Sav, hast diskenn ac'hann, rak da bobl, an hini ac'h eus lakaet da vont kuit eus an Ejipt, a zo en em vreinet. Distroet int bet buan eus an hent am boa gourc'hemennet dezho, graet o deus ur skeudenn deuzet.

1 Timote 1:17

Da Roue ar c’hantvedoù, divarvel, diwelus, da Zoue fur hepken, ra vo enor ha gloar e kantvedoù ar c’hantvedoù! Amen.