Adlezenn 33:26 - Bibl Koad 21: Ar Bibl e Brezhoneg evit ar Vretoned

²⁶ N'eus hini hag a vefe heñvel ouzh Doue Jeshurun, a zeu da'z sikour douget war an neñvoù, ha war e goabrennoù en e veurdez.

Adlezenn 33:26 Referencias Cruzadas

Salmoù 104:3

sevel a ra e chomlec'h uhel war an doureier, eus ar goabrenn e ra e garr, emañ o pourmen war eskell an avel,

Salmoù 18:10

Izelaet e voe an neñvoù gantañ hag e tiskennas, un deñvalijenn dindan e dreid.

Salmoù 68:35

Roit an nerzh da Zoue! E veurded a zo war Israel hag e nerzh er c'hoabrennoù.

Salmoù 68:4

Met ar re reizh a laouenaio, trec'hiñ a raint dirak Doue, hag e tridint gant levenez.

Salmoù 86:8

Aotrou, nikun e-touez an doueoù n'eo eveldout, ha n'eus ket a oberennoù evel da re.

Ermaeziadeg 15:11

Piv a zo eveldout e-touez an doueoù, o AOTROU? Piv a zo eveldout meurdezus e santelezh, din a veuleudioù, oc'h ober burzhudoù?

Ermaeziadeg 15:7

Dre vraster da veurdez e tiskarez da enebourien. Kas a rez da gounnar, ez int pulluc'het evel plouz.

Ermaeziadeg 8:10

Eñ a respontas: A-benn warc'hoazh. Ha Moizez a lavaras: Graet e vo hervez da gomz, evit ma ouezi penaos n'eus hini ebet heñvel ouzh an AOTROU hon Doue.

Ermaeziadeg 8:6

Aaron a astennas e zorn war doureier an Ejipt, hag ar raned a bignas hag a c'holoas bro Ejipt.

Izaia 19:1

Diougan diwar-benn an Ejipt. Setu, emañ an AOTROU douget war ur goabrenn skañv, dont a ra en Ejipt, idoloù an Ejipt a gren dirazañ, ha kalon an Ejipsianed a deuz en he c'hreiz.

Izaia 40:18

Ouzh piv ec'h hañvalot Doue? Gant peseurt heñveledigezh e keñveriot anezhañ?

Izaia 40:25

Ouzh piv ec'h hañvalot ac'hanon, da biv e vin par? eme ar Sant.

Izaia 44:2

Evel-henn e komz an AOTROU, an hini en deus da graet ha stummet adalek kof da vamm, an hini a zo da sikour: Na'z pez ket aon, o Jakob va servijer, ha Jeshurun am eus dibabet!

Izaia 66:8

Piv en deus klevet un hevelep tra? Piv en deus gwelet traoù heñvel outo. Ur vro, ha gwilioudet eo en un devezh? Ur vroad, ha ganet eo en ur wech hepken, m'he defe ganet Sion he mibien kerkent ha ma oa bet er gwentloù.

Jeremiaz 10:6

Den n'eo heñvel ouzhit, AOTROU! Te a zo bras, ha da anv a zo bras e galloud.

Ozea 13:9

Kollet out, Israel, en ur vezañ a-enep din, a-enep an hini a zo da sikour.

Amoz 8:7

An AOTROU en deus touet dre c'hloar Jakob: Biken n'ankounac'hain o holl oberoù!

Habakuk 3:8

Hag a-enep ar stêrioù eo fulor an AOTROU? Da gounnar, ha bez' eo a-enep ar stêrioù, ha da fulor, a-enep ar mor, evit ma vefes pignet war da gezeg, war da girri trec'hus?

Adlezenn 10:14

D'an AOTROU da Zoue eo an neñvoù ha neñvoù an neñvoù, an douar ha kement a zo ennañ,

Adlezenn 32:15

Jeshurun a zo deuet da vezañ lart hag en deus rebarbet. Deuet out da vezañ lart, tev ha kuilh! Dilezet en deus an Doue en deus graet anezhañ, disprizet en deus roc'h e silvidigezh.

Adlezenn 33:5

Bez' eo bet roue e Jeshurun, pa en em zastume pennoù ar bobl, gant meuriadoù Israel.

Adlezenn 4:35

Diskouezet eo bet dit evit ma'c'h anavezi penaos eo Doue an AOTROU, ha n'eus hini all ebet nemetañ.