Adlezenn 32:39 - Bibl Koad 21: Ar Bibl e Brezhoneg evit ar Vretoned

³⁹ Gwelit bremañ penaos eo me va-unan eo me, ha penaos n'eus doue all ebet nemedon. Me a ra mervel ha bevañ, me a c'hloaz hag a yac'ha, ha n'eus den hag a c'hell dieubiñ eus va dorn.

Adlezenn 32:39 Referencias Cruzadas

2 Rouned 20:5

Distro, ha lavar da Ezekiaz rener va fobl: Evel-henn e komz an AOTROU, Doue David da dad: Klevet em eus da bedenn, gwelet da zaeroù, setu ez an da yac'haat ac'hanout. A-benn tri deiz e pigni da di an AOTROU,

2 Rouned 5:7

Adalek ma lennas roue Israel al lizher, e rogas e zilhad hag e lavaras: Hag ez on Doue evit ober mervel pe vevañ, evit ma tegas hemañ etrezek ennon da yac'haat un den eus e lorgnez? Dre-se, gouezit ha gwelit ne glask nemet un digarez a-enep din.

Nehemia 9:6

Te hepken eo an AOTROU! Graet ec'h eus an neñvoù, neñv an neñvoù hag o holl arme, an douar ha kement a zo warnañ, ar morioù ha kement a zo enno. Reiñ a rez buhez d'an holl draoù-se, hag arme an neñvoù a stou dirazout.

Levr Job 10:13

Ha setu amañ an traoù a vires din ez kalon! Gouzout a ran e oant ganit.

Levr Job 10:7

Gouzout a rez n'on ket kablus, ha den ne c'hell va lemel eus da zorn.

Levr Job 5:18

Rak eñ a ra ar gouli, hag a lien; gloazañ a ra hag e zaouarn a bare.

Salmoù 102:27

Da netra e teuint met e chomi, koshaat a raint holl evel ur gwiskamant, hag e cheñchi anezho evel ur vantell hag e vint cheñchet,

Salmoù 102:28

met te a zo bepred an hevelep hini, ha da vloavezhioù n'echuint ket.

Salmoù 18:31

Hent Doue a zo peurvat, ger an AOTROU a zo amprouet. Ur skoed eo evit an holl re a laka o fiziañs ennañ.

Salmoù 50:22

Komprenit eta kement-se, c'hwi ar re a ankounac'ha Doue, gant aon na rogfen ha na vefe den da zieubiñ.

Salmoù 51:8

Setu, e karez ar wirionez er galon, hag ec'h eus roet din da anavezout ar furnez e-barzh ennon.

Salmoù 68:20

Benniget ra vo an AOTROU, eñ hag a leugn ac'hanomp bemdez! Pa hor bec'hier, Doue eo hon dieubidigezh.  Ehan

Salmoù 86:10

dre ma'z out bras hag e rez traoù burzhudus. Te a zo Doue, te hepken.

Ermaeziadeg 15:26

Lavarout a reas: Mar selaouez gant evezh mouezh an AOTROU da Zoue, mar rez ar pezh a zo reizh dirak e zaoulagad, mar roez skouarn d'e c'hourc'hemennoù ha mar mirez e holl lezennoù, ne roin ket dit hini ebet eus ar c'hleñvedoù am eus lakaet war an Ejipt, rak me eo an AOTROU a yac'ha ac'hanout.

Ermaeziadeg 4:7

Hag e lavaras: Adlaka da zorn ez pruched. Adlakaat a reas e zorn en e vruched hag e tennas anezhañ er-maez, ha setu, e oa addeuet evel e gig.

Ar Prezeger 3:3

ur mare evit lazhañ hag ur mare evit yac'haat, ur mare evit diskar hag ur mare evit sevel,

Izaia 19:22

Evel-se an AOTROU a skoio gant an Ejipsianed, skeiñ ha yac'haat a raio, distreiñ a raint d'an AOTROU, aspedet e vo ganto hag e yac'haio anezho.

Izaia 30:26

Sklêrijenn al loar a vo evel sklêrijenn an heol, ha sklêrijenn an heol a vo seizh gwech vrasoc'h, evel sklêrijenn seizh deiz, pa lieno an AOTROU gouli e bobl, ha pa bareo ar gloazioù graet dre e daolioù.

Izaia 41:4

Piv en deus graet ha sevenet an traoù-se, ha galvet ar rummadoù adalek ar penn-kentañ? Me, an AOTROU, me a zo ar c'hentañ ha me a zo gant ar re ziwezhañ.

Izaia 43:10

C'hwi a zo va zestoù, eme an AOTROU, gant va servijer am eus dibabet, evit anavezout, krediñ ha kompren, ez on me an hini hag a zo. N'eus ket bet a zoue graet a-raok din, ha ne vo ket war va lerc'h.

Izaia 43:12

Me eo an hini en deus disklêriet, saveteet, roet da anavezout, ha n'eus ket bet en ho touez un doue estren. C'hwi a zo va zestoù, eme an AOTROU, penaos on-me Doue.

Izaia 43:13

A-raok ma voe un deiz, me a oa, ha den ne c'hell saveteiñ eus va dorn. Ober a ran, ha piv a c'hello dizober?

Izaia 45:18

Rak evel-henn e komz an AOTROU, an hini en deus graet an neñvoù, eñ an Doue en deus stummet an douar, hag e c'hraet hag e ziazezet, ha n'eo ket bet graet evit bezañ goullo met stummet evit kaout annezidi: Me eo an AOTROU, n'eus ket unan all.

Izaia 45:22

Troit ouzhin hag e viot salvet, c'hwi holl pennoù an douar, rak me a zo Doue ha n'eus ket unan all.

Izaia 45:5

Me eo an AOTROU, n'eus ket unan all, n'eus doue ebet estregedon. Da c'hourizet em eus pa n'anavezes ket ac'hanon,

Izaia 46:4

Betek ho kozhni e chomin an hevelep hini, betek ho kozhni gwenn e skoazellin ac'hanoc'h. Graet em eus kement-se dija, hag ho tougin c'hoazh, ho skoazellin hag ho tieubin.

Izaia 48:12

Selaou ouzhin, Jakob, ha te, Israel, am eus galvet! Me eo an hini a zo ar c'hentañ, ha me eo ivez an diwezhañ.

Ezekiel 37:12

Profediñ a ri hag e lavari dezho: Evel-henn e komz an Aotrou AOTROU: Setu e tigorin ho pezioù, hag e tennin ac'hanoc'h er-maez eus ho pezioù, va fobl, hag e tegasin ac'hanoc'h da zouar Israel.

Ezekiel 37:3

Hag e lavaras din: Mab an den, an eskern-se, hag e c'hellint advevañ? Hag e respontis: Aotrou AOTROU, te a oar.

Ozea 5:14

Rak me a vo evel ul leon evit Efraim, hag evel ul leonig evit ti Juda: Me, me a rogo! Hag ez in kuit. Dougen kuit a rin, hep na vo den da zieubiñ.

Ozea 6:1

Deuit, distroomp d'an AOTROU. Rak roget en deus, met yac'haat a raio ac'hanomp, skoet en deus, met lienañ a raio hor goulioù.

Mika 5:8

Ha nemorant Jakob a vo e-kreiz ar broadoù, e-touez pobloù niverus, evel ul leon e-touez loened ar goadeg, evel ul leon yaouank e-touez tropelloù deñved, a vac'h hag a ziframm pa dremen, ha den ne zieub.

Sant Ian 8:24

Setu perak em eus lavaret deoc’h e varvot en ho pec’hedoù, rak ma ne gredit ket emaon, e varvot en ho pec’hedoù.

Adlezenn 32:12

an AOTROU e-unan en deus renet anezhañ, ha n'eus ket bet doue estren gantañ.

Adlezenn 4:35

Diskouezet eo bet dit evit ma'c'h anavezi penaos eo Doue an AOTROU, ha n'eus hini all ebet nemetañ.

Adlezenn 7:9

Gouez eta penaos eo Doue an AOTROU da Zoue, un Doue feal a vir e emglev hag e drugarez betek ar milvet rumm d'ar re a gar anezhañ hag a vir e c'hourc'hemennoù,

Hebreed 1:12

te a rollo anezho evel ur vantell hag e vint cheñchet, met te eo an hevelep hini ha da vloavezhioù n’echuint ket.

Apocalyps 1:11

a lavare: Me eo an Alfa hag an Omega, ar c’hentañ hag an diwezhañ, ar pezh a welez, skriv eñ en ul levr ha kas anezhañ d’ar seizh Iliz a zo en Azia, da Efez, da Smirna, da Bergam, da Diatira, da Sardiz, da Filadelfia ha da Laodikea.

Apocalyps 2:8

Skriv da ael Iliz Smirna: Setu ar pezh a lavar ar c’hentañ hag an diwezhañ, an hini a zo bet marv hag a zo deuet adarre d’ar vuhez:

1 Samuel 2:6

An AOTROU a ra mervel hag a ra bevañ. Eñ a ra diskenn d'al lec'h ar marv hag a ra da zont er-maez.