Adlezenn 32:21 - Bibl Koad 21: Ar Bibl e Brezhoneg evit ar Vretoned

²¹ Lakaet o deus ac'hanon da vezañ gwarizius dre ar pezh n'eo ket Doue, lakaet o deus droug da sevel ennon dre o zraoù aner, me o lakaio da vezañ gwarizius dre ar pezh n'eo ket ur bobl, lakaat a rin droug da sevel enno dre ur vroad diskiant,

Adlezenn 32:21 Referencias Cruzadas

1 Rouaned 14:22

Juda a reas ar pezh a zo fall dirak daoulagad an AOTROU, hag ec'h atizjont e warizi en abeg d'ar pec'hedoù a rejont, muioc'h eget n'o doa graet biken o zadoù.

1 Rouaned 14:9

Graet ec'h eus muioc'h a zroug eget an holl re a zo bet a-raok dit, dre ma'z out aet d'ober dit doueoù all ha skeudennoù teuzet evit va c'hounnariñ, ha ma ec'h eus va zaolet a-drek da gein.

1 Rouaned 16:13

en abeg da holl bec'hedoù Baesha ha da bec'hedoù Ela e vab, o deus pec'het ha lakaet Israel da bec'hiñ, o kounnariñ an AOTROU Doue Israel dre o zraoù aner.

1 Rouaned 16:26

Kerzhout a reas en holl hentoù Jeroboam mab Nebad, hag er pec'hedoù en doa lakaet Israel da bec'hiñ drezo, o kounnariñ an AOTROU Doue Israel dre o zraoù aner.

2 Rouned 17:11

Lakaet o doa da vogediñ en holl uhellec'hioù, evel ar broadoù en doa kaset kuit an AOTROU dirazo. Graet o doa traoù fall evit kounnariñ an AOTROU.

2 Rouned 17:15

Disprizet o doa e reolennoù, hag e emglev en doa graet gant o zadoù, hag e destenioù en doa douget en o enep. Aet e oant war-lerc'h traoù a netra, o tont da vezañ netra o-unan, ha war-lerc'h ar broadoù a oa en-dro dezho, petra bennak m'en doa difennet an AOTROU dezho ober evelto.

2 Rouned 21:6

Lakaat a reas e vab da dremen dre an tan. Ober a rae hudsteredouriezh hag achanterezh, hag e c'houlennatae speredoù hag igromañserezed. Ober a reas ar pezh a zo fall-kenañ dirak daoulagad an AOTROU evit e gounnariñ.

2 Rouned 22:17

Dre m'o deus va dilezet ha m'o deus lakaet da vogediñ da zoueoù all, evit va c'hounnariñ gant holl oberoù o daouarn, va fulor a zo entanet a-enep al lec'h-mañ, ha ne vo ket mouget.

Salmoù 31:6

Lakaat a ran va spered etre da zaouarn, va dasprenet ec'h eus, o AOTROU, Doue a wirionez!

Salmoù 78:58

E hegasiñ a rejont gant o uhellec'hioù, hag ec'h atizjont e warizi gant o idoloù.

Izaia 65:3

etrezek ur bobl am hegas a-dal dibaouez, a aberzh el liorzhoù, a laka da vogediñ ezañs war ar brikennoù,

Jeremiaz 10:8

Holl int a-gevret fall ha diboell. Ar c'hoad ne gelenn nemet mogidelloù.

Jeremiaz 14:22

E-touez idoloù aner ar broadoù, hag ez eus unan a rofe glav? Hag e c'hellfe an neñvoù reiñ glav munut? Ha n'eo ket te, AOTROU hon Doue? Emaomp en gortoz ac'hanout, rak te eo a ra an holl draoù-se.

Jeremiaz 18:15

Met va fobl he deus va ankounac'haet, kinniget he deus ezañs d'an avel, derenet int bet da strebotiñ en o hentoù ha da guitaat ar gwenodennoù kozh, evit kerzhout war wenodennoù un hent diverk,

Jeremiaz 2:11

Hag ez eus ur vroad hag he defe kemmet he doueoù? Ha koulskoude n'int ket doueoù. Va fobl he deus eskemmet he gloar evit ar pezh a zo didalvez.

Jeremiaz 5:7

Perak e pardonin dit? Da vibien o deus va dilezet, hag e touont dre ar pezh n'eo ket doue. Me am eus roet dezho o gwalc'h, hag o deus graet avoultriezh, aet int a-vernioù da di ar c'hast.

Jeremiaz 7:18

Ar vibien a zastum koad, an tadoù a enaou an tan, ar maouezed a vez an toaz, evit ober gwestell da rouanez an neñvoù hag evadkinnigoù da zoueoù estren, hag evit va imoriñ.

Jeremiaz 8:19

Setu mouezh merc'h va fobl, o krial eus ur vro bell: Ha n'emañ ken an AOTROU e Sion? Ha n'emañ ken he roue en he c'hreiz? Perak o deus va imoret gant o skeudennoù kizellet, gant mogidelloù an diavaezidi?

Ezekiel 8:3

Hag ec'h astennas doare un dorn, a grogas ennon dre vlev va fenn. Ar Spered am savas etre an douar hag an neñv hag am degasas da Jeruzalem e gweledigezhioù doueel, ouzh toull dor an diabarzh troet etrezek an hanternoz, e-lec'h ma en em gave idol ar warizi, a atiz gwarizi.

Ozea 1:10

Koulskoude niver mibien Israel a vo evel traezh ar mor na c'heller na muzuliañ na kontañ. Hag e c'hoarvezo penaos el lec'h-se ma oa bet lavaret dezho: N'oc'h ket va fobl, e vo lavaret dezho: Mibien an Doue bev!

Jonaz 2:8

Pa zinerzhe va ene ennon, em eus bet soñj eus an AOTROU, ha va fedenn a zo deuet betek ennout, e templ da santelezh.

Actou an Ebestel 11:15

Evel ma en em lakais da gomz, ar Spered-Santel a ziskennas warno evel warnomp er penn-kentañ.

Actou an Ebestel 14:15

O tud, perak e rit kement-se? N’omp nemet tud dalc’het d’an hevelep poanioù eveldoc’h. Prezeg a reomp deoc’h an Aviel evit ma tistroot eus an traoù didalvez-se ha m’en em droot war-zu an Doue bev, an hini en deus graet an neñv, an douar, ar mor hag an holl draoù a zo enno.

Romaned 10:19

Met e lavaran: Ha n’en deus ket Israel anavezet? Da gentañ Moizez a lavar: Me ho lakaio da vezañ gwarizius dre ar pezh n’eo ket ur bobl, lakaat a rin droug da sevel ennoc’h dre ur vroad diskiant.

Romaned 9:25

Henn lavarout a ra en Ozea: Envel a rin va fobl an hini na oa ket va fobl, hag ar garet-mat an hini na oa ket ar garet-mat.

1 Korintiz 10:22

Ha fellout a ra deomp hegasiñ gwarizi an Aotrou? Ha kreñvoc’h ez omp egetañ?

Adlezenn 32:16

Heget o deus e warizi dre zoueoù estren, hegaset o deus anezhañ dre draoù euzhus:

Adlezenn 32:17

Aberzhet o deus da ziaouled ha n'int ket Doue, da zoueoù n'anavezent ket, nevez deuet abaoe nebeut ha ne oant ket bet doujet gant o zadoù.

1 Samuel 12:21

Na zistroit ket a-se, rak kement-se a vefe mont war-lerc'h traoù a netra, na rofent gounid ebet deoc'h, ha na zieubfent ket ac'hanoc'h, peogwir ez int traoù a netra.