Adlezenn 31:9 - Bibl Koad 21: Ar Bibl e Brezhoneg evit ar Vretoned

⁹ Moizez a skrivas al lezenn-mañ, a roas d'an aberzhourien mibien Levi, ar re a zouge arc'h emglev an AOTROU, ha da holl henaourien Israel.

Adlezenn 31:9 Referencias Cruzadas

1 Rouaned 8:3

Holl henaourien Israel a zeuas, hag an aberzhourien a zougas an arc'h.

2 Rouned 17:37

Ar reolennoù, ar barnedigezhioù, al lezenn hag ar gourc'hemennoù en deus skrivet evidoc'h, a virot, hag e reot diouto da viken, ha ne zoujot ket doueoù all.

1 Danevelloù 15:2

Lavarout a reas: Arc'h Doue ne zle bezañ douget nemet gant al Levited, rak an AOTROU en deus dibabet anezho evit ober he servij da viken.

Nehemia 8:2

D'an deiz kentañ eus ar seizhvet miz, Ezdra an aberzhour a zegasas al lezenn dirak ar vodadeg, gwazed ha maouezed, hag an holl re a oa gouest d'he c'hlevout.

Nehemia 8:3

Hag e lennas al levr war al leurenn a zo dirak dor an Doureier, adalek gouloù-deiz betek kreisteiz, dirak gwazed ha maouezed, hag an holl re a oa gouest d'e glevout. Divskouarn ar bobl a oa aketus ouzh lennadenn levr al lezenn.

Ermaeziadeg 24:4

Moizez a skrivas holl gomzoù an AOTROU , hag e tihunas beure-mat da sevel un aoter e traoñ ar menez ha daouzek peul evit daouzek meuriad Israel.

Daniel 9:13

An holl boan-se a zo deuet warnomp hervez ar pezh a zo skrivet e lezenn Voizez, ha n'hon eus ket pedet an AOTROU hon Doue, evit hon distreiñ diouzh hon direizhder hag hon lakaat evezhiek ouzh da wirionez.

Ozea 4:6

Va fobl a zo distrujet dre zianaoudegezh. Pa ec'h eus taolet kuit an anaoudegezh, me az taolo kuit ivez, ha ne vi ken aberzhour dirazon. Pa ec'h eus ankounac'haet lezenn da Zoue, me ivez a ankounac'haio da vibien.

Malaki 2:7

Rak muzelloù an aberzhour a zle mirout an anaoudegezh, hag eus e c'henoù e klasker al lezenn, rak kannad AOTROU an armeoù eo.

Malaki 4:4

Ho pet soñj eus lezenn Moizez va servijer, am eus roet dezhañ en Horeb evit Israel a-bezh, ar reolennoù hag ar barnedigezhioù

Niveroù 33:2

Moizez a skrivas o c'herzhadegoù, hervez o arsavioù, war urzh an AOTROU. Setu amañ o arsavioù, hervez o c'herzhadegoù.

Niveroù 4:15

Goude m'o devo echuet Aaron hag e vibien da c’holeiñ ar santual ha traoù ar santual, pa'z aio ar c'hamp kuit, mibien Kehad a zeuio evit o dougen. Met ne stokint ket ouzh an traoù santel gant aon na varvfent. Setu karg mibien Kehad e-keñver teltenn an engalv.

Niveroù 4:5

Pa yelo ar c'hamp kuit, Aaron hag e vibien a zeuio da ziskenn ar ouel-warez, hag e c'holoint ganti arc'h an Testeni;

Niveroù 4:6

warni e lakaint ur golo krec'hin a liv hiasint hag ec'h astennint dreist ul liñsel, en he fezh gant limestra, ha neuze e lakaint ar barrennoù.

Sant Marc 12:19

Mestr, Moizez en deus gourc’hemennet deomp ma teuje breur unan bennak da vervel ha da lezel e wreg hep bugale, e vreur a zimezo d’e intañvez evit sevel ul lignez d’e vreur.

Sant Lucas 20:28

Mestr, Moizez en deus gourc’hemennet deomp ma teuje breur unan bennak da vervel o kaout ur wreg hep bugale, e vreur a zimezo d’ar wreg evit sevel ul lignez d’e vreur.

Sant Ian 1:17

Rak al lezenn a zo bet roet dre Voizez, ar c’hras hag ar wirionez a zo deuet dre Jezuz-Krist.

Sant Ian 1:45

Filip a gavas Natanael hag a lavaras dezhañ: Kavet hon eus an hini a zo bet skrivet diwar e benn gant Moizez el lezenn ha gant ar brofeded: Jezuz mab Jozef, eus Nazared.

Sant Ian 5:46

Rak mar kredjec’h Moizez, e kredjec’h ivez ac’hanon, rak skrivet en deus diwar va fenn.

Adlezenn 10:8

En amzer-se an AOTROU a zispartias meuriad Levi evit dougen arc'h emglev an AOTROU, evit en em zerc'hel dirak an AOTROU, evit e servijañ hag evit bennigañ en e anv, betek hiziv.

Adlezenn 17:18

Adalek ma vo azezet war dron e rouantelezh, e skrivo evitañ e-unan en ul levr un eilad eus al lezenn-mañ, en devo digant an aberzhourien, al Levited.

Adlezenn 31:28

Dastumit davedon holl henaourien ho meuriadoù hag hoc'h ofiserien, hag e lavarin ouzh o divskouarn ar c'homzoù-mañ, hag e kemerin an neñvoù hag an douar da dest en o enep.

Adlezenn 33:10

Kelenn a raint da varnedigezhioù da Jakob, ha da lezenn da Israel. Lakaat a raint ar c'hwezh-vat dindan da zivfron, hag al loskaberzh war da aoter.

Jozue 3:3

hag e rojont urzhioù d'ar bobl o lavarout: Pa welot arc'h emglev an AOTROU ho Toue hag an aberzhourien, al Levited, o tougen anezhi, ez eot kuit eus ho lec'hioù hag e kerzhot war he lerc'h.

Jozue 6:12

Jozue a savas beure-mat, hag an aberzhourien a zougas arc'h an AOTROU .