Adlezenn 31:29 - Bibl Koad 21: Ar Bibl e Brezhoneg evit ar Vretoned

²⁹ Rak gouzout a ran penaos, goude va marv, en em vreinot hag e tistroiot diouzh an hent am eus gourc'hemennet deoc'h; hag e c'houzañvot poanioù en deizioù da zont, pa ho po graet ar pezh a zo fall dirak daoulagad an AOTROU, o fuloriñ anezhañ dre oberennoù ho taouarn.

Adlezenn 31:29 Referencias Cruzadas

Geneliezh 49:1

Jakob a c'halvas e vibien hag a lavaras: En em zastumit hag e tisklêrin deoc'h ar pezh a c'hoarvezo ganeoc'h en deizioù da zont.

Geneliezh 6:11

An douar a oa saotret dirak Doue, an douar a oa leun a fallagriezh.

2 Danevelloù 34:24

Evel-henn e komz an AOTROU: Setu ez an da gas ur gwalleur war al lec'h-mañ ha war e dud, an holl vallozhioù a zo skrivet el levr a zo bet lennet dirak roue Juda.

Levr Job 19:25

Gouzout a ran-me ez eo bev va dasprener, ha d'an diwezh e savo war an douar,

Ermaeziadeg 32:7

Neuze an AOTROU a lavaras da Voizez: Kae, diskenn, rak da bobl ec'h eus lakaet da bignat eus bro Ejipt, a zo en em vreinet.

Izaia 1:4

A! Broad pec'herez, pobl bec'hiet a zireizhder, gouenn drouk, mibien aet brein! Dilezet o deus an AOTROU, disprizet o deus Sant Israel, en em zistroet int war-dreñv.

Ezekiel 38:8

A-benn kalz a zeizioù e vi galvet, er bloavezhioù diwezhañ e teui d'ar vro dieubet eus ar c'hleze ha dastumet a-douez meur a bobl, war venezioù Israel, a vo bet gwastet pell. Neuze, distroet holl a-douez ar pobloù, e vint o chom eno e surentez.

Daniel 10:14

Dont a ran bremañ evit reiñ dit da anavezout ar pezh a c'hoarvezo gant da bobl en deizioù diwezhañ, rak ez a ar weledigezh betek an deizioù-se.

Ozea 9:9

En em huduraet int holl, evel da zeizioù Gibea. Soñj en devo eus o direizhder, hag e kastizo o fec'hedoù.

Sant Lucas 21:24

Kouezhañ a raint dindan troc’h ar c’hleze ha kaset e vint da sklaved e-touez an holl vroadoù. Jeruzalem a vo mac’het gant ar vroadoù betek ma vo peurleuniet amzerioù ar vroadoù.

Actou an Ebestel 20:30

ha penaos e savo en ho touez tud a brezego deoc’h kelennadurezhioù fall evit sachañ diskibien war o lerc’h.

Adlezenn 31:30

Moizez a lavaras ouzh divskouarn holl vodadenn Israel komzoù ar c'hantik-mañ, betek an diwezh:

Adlezenn 32:20

Lavaret en deus: Kuzhat a rin va dremm outo, hag e welin penaos e vo o diwezh, rak ur rummad fall ez int, mibien diskredik.

Adlezenn 32:29

Ma vijent fur, e komprenjent kement-mañ, hag e soñjjent er pezh a c'hoarvezo ganto d'an diwezh.

Adlezenn 32:5

Int a zo en em vreinet, ur vezh eo! E vibien a zo ur rummad diroll ha fall.

Adlezenn 4:16

gant aon n'en em vreinfec'h en ur ober ur skeudenn gizellet, ur skeudenn eus un idol bennak, an taolennadur eus ur par pe ur barez,

Adlezenn 4:30

Pa vi er glac'har ha ma vo erruet an holl draoù-se ganit, neuze, en deizioù war-lerc'h, e tistroi d'an AOTROU da Zoue hag e senti ouzh e vouezh,

1 Timote 4:1

Ar Spered a lavar start penaos, en amzerioù diwezhañ, hiniennoù en em zistroio diouzh ar feiz evit en em reiñ da speredoù touellus ha da gelennadurezhioù an diaouled,

Hebreed 1:2

en deus komzet ouzhimp en amzer diwezhañ-mañ dre e Vab, a zo bet lakaet gantañ da heritour war an holl draoù, drezañ ivez en deus krouet ar bed.

2 Pêr 3:3

Ret eo gouzout da gentañ penaos en devezhioù diwezhañ e teuio goapaerien en em gunduo hervez o droukc’hoantoù o-unan

Ar Varnerien 2:19

Ha pa varve ar barner, en em roent a-nevez d'an droug muioc'h eget o zadoù, o vont war-lerc'h doueoù all, evit o servijañ ha stouiñ dirazo. Ne vihanae tamm o oberoù nag o c'hundu pennek.