Adlezenn 31:16 - Bibl Koad 21: Ar Bibl e Brezhoneg evit ar Vretoned

¹⁶ An AOTROU a lavaras da Voizez: Setu, emaout o vont da gousket gant da dadoù. Ar bobl-mañ a savo hag en em roio d'ar gasterezh gant doueoù estren ar vro e-lec'h ma'z eont e-barzh, hag e tilezint ac'hanon hag e torrint va emglev am eus graet ganto.

Adlezenn 31:16 Referencias Cruzadas

Geneliezh 15:15

Te a yelo e peoc'h etrezek da dadoù, sebeliet e vi goude ur gozhni eürus.

Geneliezh 25:8

Abraham a zianalas hag a varvas en ur gozhni gaer, oadet ha gwalc’het a zeizioù, hag e voe dastumet etrezek e bobloù.

Geneliezh 47:29

Pa dostaas deiz marv Israel, e c'halvas e vab Jozef hag e lavaras: Mar em eus kavet trugarez dirak da zaoulagad, laka, me az ped, da zorn dindan va morzhed ha diskouez em c'heñver madelezh ha fealded: Da bediñ a ran, na sebeilh ket ac'hanon en Ejipt.

Geneliezh 47:30

Pa vin kousket gant va zadoù, kas ac'hanon eus an Ejipt ha sebeilh ac'hanon en o bez. Eñ a respontas: Me a raio hervez da gomz.

2 Samuel 7:12

Pa vo peurechu da zeizioù ha ma vi kousket gant da dadoù, e savin da lignez war da lerc'h, an hini a zeuio eus da gorf, ha me a startaio e ren.

1 Rouaned 1:21

Hag e c'hoarvezo, pa vo gourvezet gant e dadoù ar roue va aotrou, e vimp gwallgaset, me ha va mab Salomon, evel tud kablus.

1 Rouaned 18:18

Hag e respontas: Ne'm eus ket trubuilhet Israel, met te eo ha ti da dad, dre ma hoc'h eus dilezet gourc'hemennoù an AOTROU, ha ma'z out aet war-lerc'h ar Baaloù.

1 Rouaned 19:10

Hag e respontas: Gwall fromet on bet gant gwarizi evit an AOTROU, Doue an armeoù, rak mibien Israel o deus dilezet da emglev, diskaret o deus da aoterioù, lazhet o deus da brofeded dre ar c'hleze, me a zo chomet va-unan, hag e klaskont va buhez evit he lemel diganin.

2 Rouned 18:12

dre ma n'o doa ket selaouet ouzh mouezh an AOTROU o Doue, met m'o doa torret e emglev, ha dre ma n'o doa na selaouet na graet ar pezh en doa urzhiet Moizez servijer an AOTROU.

2 Rouned 20:1

En amzer-se e voe Ezekiaz klañv da vervel. Ar profed Izaia mab Amoz a zeuas d'e gavout hag a lavaras dezhañ: Evel-henn e komz an AOTROU: Laka urzh e-barzh da di, rak mont a rez da vervel ha ne vevi ken.

2 Danevelloù 21:11

Ober a reas ivez uhellec'hioù war menezioù Juda, hag e lakaas tud Jeruzalem da c'hastaouiñ, hag e vountas ivez re Juda da gement-se.

Levr Job 20:11

E eskern a zo leun a yaouankiz, met a zo gourvezet gantañ er poultr.

Salmoù 106:39

Hag en em saotrjont dre o oberoù, hag en em rojont d'ar gasterezh dre o doare.

Salmoù 73:27

Rak setu, ar re a bella diouzhit a varvo. Lemel a ri kuit an holl re a zistroio diouzhit.

Ermaeziadeg 32:6

Sevel a rejont eta abred an deiz war-lerc'h hag e kinnigjont loskaberzhoù hag aberzhoù a drugarekadennoù. Ar bobl a azezas da zebriñ ha da evañ, ha goude e savjont da laouenaat.

Ermaeziadeg 34:15

Ne ri ket a emglev gant tud ar vro, gant aon pa en em roint d'ar gasterezh gant o doueoù ha pa aberzhint d'o doueoù, na bedo unan bennak anezho ha na zebri eus o aberzhoù.

Izaia 48:8

Ne'c'h eus ket klevet, ne'c'h eus ket anavezet, n'eo ket bet digoret a-raok da skouarn, rak gouzout a raen na vankfes ket da vezañ disleal: Anvet out bet disent abaoe ar c'hof.

Jeremiaz 31:32

nann evel an emglev am eus diazezet gant o zadoù en deiz ma em eus kemeret anezho dre an dorn hag em eus tennet anezho eus bro Ejipt, an emglev o deus torret, petra bennak ma oan bet ur pried evito, eme an AOTROU.

Jeremiaz 36:7

Marteze o fedenn a vo degemeret gant an AOTROU, hag e tistroio pep hini diwar e hent fall, rak kounnar ha fulor en deus an AOTROU disklêriet a-enep ar bobl-mañ a zo bras.

Ezekiel 16:15

Met fiziet ec'h eus en da gaerded ha gastaouet en abeg da'z anv, ha koufonet ec'h eus da c'hastaouerezh da bep tremeniad oc'h en em reiñ dezhañ.

Ozea 1:2

Pa en em lakaas an AOTROU da gomz dre Ozea, an AOTROU a lavaras da Ozea: Kae, kemer evidout ur vaouez a c'hastaouerezh ha bugale a c'hastaouerezh, rak ar vro ne ra nemet gastaouiñ, pell diouzh an AOTROU.

Ozea 10:4

Lavaret o deus komzoù, touet o deus e gaou pa reont emglevioù. Setu perak e tiwano ar varn evel kegid war irvi ar parkeier.

Leviegezh 26:15

mar disprizit va reolennoù, mar en deus hoc’h ene euzh ouzh va barnedigezhioù, evit tremen hep heuliañ va gourc’hemennoù hag evit terriñ va emglev,

Niveroù 27:13

Sellout a ri outi. Ha neuze, te ivez a vo dastumet gant da bobl, evel m'eo bet dastumet Aaron da vreur,

Actou an Ebestel 13:36

Ha David, goude bezañ servijet en e amzer da ziviz Doue, a zo marv, a zo bet lakaet gant e dadoù hag en deus gwelet ar vreinadurezh.

Adlezenn 31:18

Hag e kuzhin va dremm an deiz-se, en abeg d'an holl zroug o devo graet o treiñ etrezek doueoù all.

Adlezenn 32:15

Jeshurun a zo deuet da vezañ lart hag en deus rebarbet. Deuet out da vezañ lart, tev ha kuilh! Dilezet en deus an Doue en deus graet anezhañ, disprizet en deus roc'h e silvidigezh.

Adlezenn 32:50

Mervel a ri war ar menez a vi pignet warnañ; hag e vi dastumet gant da bobl, evel ma varvas Aaron da vreur war venez Hor, hag e voe dastumet gant e bobl,

Adlezenn 34:5

Moizez, servijer an AOTROU, a varvas eno, e bro Voab, hervez ger an AOTROU.

Adlezenn 4:25

Pa ez po mibien ha mibien-vihan, ha pa ho po chomet pell er vro, mar en em vreinit en ur ober ur skeudenn gizellet pe un taolennadur bennak, oc'h ober an droug dirak daoulagad an AOTROU da Zoue evit e fuloriñ,

Apocalyps 19:2

rak e varnedigezhioù a zo gwirion ha reizh, rak barnet en deus ar c’hast vras a vreine an douar dre he loustoni, veñjet en deus gwad e servijerien he doa skuilhet gant he dorn.

Ar Varnerien 10:13

Met va dilezet hoc'h eus evit servijañ doueoù all, setu perak n'ho tieubin ken.

Ar Varnerien 10:6

Neuze mibien Israel a reas adarre an droug dirak daoulagad an AOTROU, hag e servijjont ar Baaloù hag Ashtarod, doueoù Siria, doueoù Sidon, doueoù Moab, doueoù mibien Ammon ha doueoù ar Filistined. Hag e tilezjont an AOTROU ha ne servijjont ken anezhañ.

Ar Varnerien 2:11

Mibien Israel a reas an droug dirak daoulagad an AOTROU, hag e servijjont ar Baaloù.

Ar Varnerien 2:12

Hag e tilezjont an AOTROU, Doue o zadoù en devoa tennet anezho eus bro Ejipt, hag ez ejont war-lerc'h doueoù all, a-douez doueoù ar pobloù a oa en-dro dezho, hag e stoujont dirazo. Evel-se e fulorjont an AOTROU.