Adlezenn 29:24 - Bibl Koad 21: Ar Bibl e Brezhoneg evit ar Vretoned

²⁴ hag an holl bobloù a lavaro: Perak en deus an AOTROU graet evel-se d'ar vro-mañ? Perak taerded ar fulor bras-se?

Adlezenn 29:24 Referencias Cruzadas

2 Rouned 17:15

Disprizet o doa e reolennoù, hag e emglev en doa graet gant o zadoù, hag e destenioù en doa douget en o enep. Aet e oant war-lerc'h traoù a netra, o tont da vezañ netra o-unan, ha war-lerc'h ar broadoù a oa en-dro dezho, petra bennak m'en doa difennet an AOTROU dezho ober evelto.

2 Rouned 18:12

dre ma n'o doa ket selaouet ouzh mouezh an AOTROU o Doue, met m'o doa torret e emglev, ha dre ma n'o doa na selaouet na graet ar pezh en doa urzhiet Moizez servijer an AOTROU.

Izaia 65:11

Met c'hwi hag a zilez an AOTROU, hag a ankounac'ha va menez santel, hag a gempenn un daol d'ar chañs vat, hag e leugn un hanaf evit ar blanedenn,

Jeremiaz 16:10

Pa ez po disklêriet d'ar bobl-mañ an holl draoù-se, e lavarint dit: Perak en deus an AOTROU embannet an holl zroug-se a-enep deomp? Peseurt direizhder eo hon hini? Peseurt pec'hed hon eus graet a-enep an AOTROU hon Doue?

Jeremiaz 31:32

nann evel an emglev am eus diazezet gant o zadoù en deiz ma em eus kemeret anezho dre an dorn hag em eus tennet anezho eus bro Ejipt, an emglev o deus torret, petra bennak ma oan bet ur pried evito, eme an AOTROU.

Jeremiaz 40:2

Penn ar warded a gemeras eta Jeremiaz hag a lavaras dezhañ: An AOTROU da Zoue en doa disklêriet an droug-mañ a-enep al lec'h-mañ,

Jeremiaz 5:19

Hag e lavarint: Perak en deus an AOTROU hon Doue graet an holl draoù-se deomp? Hag e lavari dezho: Evel ma hoc'h eus va dilezet ha ma hoc'h eus servijet doueoù estren en ho pro, evel-se e servijot diavaezidi en ur vro na vo ket deoc'h.

Klemmganoù 4:12

Rouaned an douar n'o dije kredet, nag hini eus tud ar bed, e teuje an argader hag an enebour e dorojoù Jeruzalem.

Ezekiel 14:23

Ho frealziñ a raint pa ho po gwelet o hent hag o oberennoù. Neuze ec'h anavezot n'em bo ket graet hep abeg an holl bezh am eus graet dezhi, eme an Aotrou AOTROU.

Ezekiel 16:59

Evel-henn e komz an Aotrou AOTROU: Ober a rin dit evel ma ec'h eus graet, pa ec'h eus disprizet al le en ur derriñ an emglev.

Leviegezh 26:32

dismantrañ a rin ar vro, kement ken e vo souezhet hoc’h enebourien a chomo enni,

Romaned 2:5

Met dre da galeted ha da galon dibened, e tastumez un teñzor a fulor evit deiz fulor ha diskuliadur barnedigezh reizh Doue,