Adlezenn 29:20 - Bibl Koad 21: Ar Bibl e Brezhoneg evit ar Vretoned

²⁰ an AOTROU ne fello ket dezhañ pardoniñ d'an den-se, met kounnar an AOTROU hag e warizi en em dano en e enep, an holl vallozhioù skrivet el levr-mañ a bouezo warnañ, hag an AOTROU a lamo e anv a-zindan an neñvoù.

Adlezenn 29:20 Referencias Cruzadas

Geneliezh 6:7

An AOTROU a lavaras: Lemel a rin diwar-c'horre an douar an den am eus krouet, adalek an den betek ar chatal, betek ar stlejviled ha betek laboused an neñvoù, rak keuz am eus da vezañ graet anezho.

2 Rouned 14:27

Hogen an AOTROU n'en doa ket divizet diverkañ anv Israel a-zindan an neñvoù, hag evel-se e tieubas anezho dre zaouarn Jeroboam mab Joaz.

Salmoù 18:8

Neuze an douar a voe brañsellet hag a grenas, diazezoù ar menezioù a fiñvas hag a voe brañsellet, dre ma oa droug ennañ.

Salmoù 69:28

Laka direizhder war o direizhderioù, ha ra n'o devo lod ebet en da reizhder.

Salmoù 74:1

"Maskil" Azaf. Perak, o Doue, ec'h eus hon distaolet da viken, perak e tivoged da gounnar a-enep tropell da beurvan?

Salmoù 78:50

Reiñ a reas lec'h d'e gounnar, ne viras ket o ene eus ar marv, reiñ a reas o buhez d'ar vosenn.

Salmoù 78:58

E hegasiñ a rejont gant o uhellec'hioù, hag ec'h atizjont e warizi gant o idoloù.

Salmoù 79:5

Betek pegoulz, o AOTROU, e vi fuloret hep distag, hag e vo da warizi flammet evel un tan?

Salmoù 80:4

O Doue, adsav ac'hanomp! Laka da zremm da lugerniñ, hag e vimp salvet.

Ermaeziadeg 20:5

ne stoui ket dirazo ha ne serviji ket anezho, rak me eo an AOTROU da Zoue, un Doue gwarizius a gastiz direizhder an tadoù war ar vugale betek an trede hag ar pevare rumm eus ar re a gasa ac'hanon,

Ermaeziadeg 34:14

Ne stoui ket dirak un doue all rak an AOTROU en em c'halv un Doue gwarizius; un Doue gwarizius eo.

Krennlavarioù 2:22

met ar re zrouk a vo lamet kuit eus an douar, hag an douellerien a vo diframmet diwarnañ.

Krennlavarioù 6:34

rak gwarizi ar pried a zo ur fulor, hag e vo didruez e deiz ar veñjañs,

Kanenn ar C’hanennoù 8:6

Laka ac'hanon evel ur siell war da galon, evel ur siell war da vrec'h. Rak ar garantez a zo nerzhus evel ar marv, ar warizi a zo kreñv evel lec'h ar marv. He luc'hed a zo luc'hed-tan, ur flamm taer.

Izaia 27:11

Pa vez sec'h ar skourroù, e vint torret, hag ar merc'hed a zeuio da enaouiñ un tan. Ar bobl-mañ n'he deus ket a skiant, en abeg da-se an hini en deus o c'hrouet n'en devo ket truez outo, an hini en deus o stummet ne raio ket trugarez dezho.

Jeremiaz 13:14

Hag e vruzunin anezho an eil war egile, an tadoù hag ar vibien a-unan, eme an AOTROU. N'espernin ket, ne'm bo na truez na trugarez, netra ne harzo ouzhin eus distrujañ anezho.

Ezekiel 23:25

Hag e lakain va gwarizi a-enep dit, hag e raint dit gant fulor. Troc'hañ a raint dit da fri ha da zivskouarn, hag ar pezh vano ac'hanout a gouezho dre ar c'hleze, tapout a raint da vibien ha da verc'hed, hag ar pezh a vano ac'hanout a vo pulluc'het gant an tan.

Ezekiel 24:14

Me an AOTROU am eus komzet, hag e c'hoarvezo, henn ober a rin. Ned in ket war-dreñv, ha ne'm bo na truez na keuz. Barnet e vi hervez da hentoù hag hervez da oberoù, eme an Aotrou AOTROU.

Ezekiel 36:5

en abeg da-se, evel-henn e komz an Aotrou AOTROU: A-dra-sur, e tan va gwarizi em eus komzet a-enep ar broadoù all hag a-enep Edom, o deus en em roet dezho o-unan va bro da berc'hennañ, gant levenez en o c'halon ha dismegañs en o ene, evit ober anezhi un douar digor d'ar preizh.

Ezekiel 5:11

Me a zo bev, eme an Aotrou AOTROU; saotret ac'h eus va santual gant da holl draoù kasonius ha da holl euzhusterioù, neuze me ivez en em denno, va lagad n'esperno ket ac'hanout, hag e vin didruez.

Ezekiel 7:4

Va lagad n'esperno ket ac'hanout, hag e vin didruez, hag e lakain warnout da hentoù, ha da euzhusterioù a vo en da greiz, hag e ouiot ez on me an AOTROU.

Ezekiel 7:9

Va lagad n'esperno ket ac'hanout, hag e vin didruez, hag e lakain warnout da hentoù, da euzhusterioù a vo en da greiz, hag e ouiot ez on me an AOTROU a sko.

Ezekiel 8:18

Ha me ivez a raio gant fulor, va lagad n'esperno ket, hag e vin didruez. Pa griint a vouezh uhel da'm divskouarn, ne selaouin ket outo.

Ezekiel 8:3

Hag ec'h astennas doare un dorn, a grogas ennon dre vlev va fenn. Ar Spered am savas etre an douar hag an neñv hag am degasas da Jeruzalem e gweledigezhioù doueel, ouzh toull dor an diabarzh troet etrezek an hanternoz, e-lec'h ma en em gave idol ar warizi, a atiz gwarizi.

Ezekiel 8:5

Hag e lavaras din: Mab an den, sav da zaoulagad etrezek hent an hanternoz. Neuze e savis va daoulagad etrezek hent an hanternoz, ha setu, etrezek an hanternoz, ouzh dor an aoter, en digor, e oa idol ar warizi-mañ.

Ezekiel 9:10

Ha me ivez, va lagad n'esperno ket, hag e vin didruez, hag e lakain o hentoù war o fenn.

Nahum 1:2

An AOTROU a zo un Doue gwarizius ha veñjer. En em veñjiñ a ra an AOTROU, hag ar fulor a zo e c'hourc'hemenn. En em veñjiñ a ra an AOTROU eus e enebourien, hag e vir e gounnar ouzh e eneberien.

Sofonia 1:18

Nag o arc'hant nag o aour ne c'hellint o dieubiñ en deiz kounnar an AOTROU, ha gant tan e warizi e vo kuzumet an douar holl. Rak dre un distruj leun ha trumm e skoio war holl dud an douar.

Romaned 11:21

rak ma n’en deus ket Doue espernet ar brankoù naturel, diwall na vefes ket espernet kennebeut.

Romaned 8:32

Eñ ha n’en deus ket espernet e Vab e-unan, met en deus e roet evidomp holl, penaos ne roio ket pep tra deomp gantañ?

1 Korintiz 10:22

Ha fellout a ra deomp hegasiñ gwarizi an Aotrou? Ha kreñvoc’h ez omp egetañ?

Adlezenn 25:19

P'en devo roet diskuizh an AOTROU da Zoue dit eus da holl enebourien tro-war-dro, er vro a ro dit an AOTROU da Zoue evel hêrezh evit he ferc'hennañ, e tiverki eñvor Amalek a-zindan an neñv. N'ankounac'ha ket!

Adlezenn 29:19

An hini a glevfe komzoù ar vallozh-se hag en em vennigfe en e galon o lavarout: Peoc'h am bo pa gerzhin e c'hoantadoù va c'halon, o stagañ ar vezventi ouzh ar sec'hed,

Adlezenn 9:14

Lez ac'hanon hag e tistrujin anezho hag e lamin o anv a-zindan an neñvoù, hag e rin ac'hanout ur bobl kreñvoc'h ha brasoc'h egeto.

Hebreed 12:29

rak hon Doue a zo ivez un tan loskus.

Apocalyps 3:5

An hini a drec’ho a vo gwisket gant dilhad gwenn, ne lamin ket e anv eus al levr a vuhez, hag ec’h anzavin e anv dirak va Zad ha dirak e aeled.