Adlezenn 28:64 - Bibl Koad 21: Ar Bibl e Brezhoneg evit ar Vretoned

⁶⁴ An AOTROU a stlabezo ac'hanout e-touez an holl bobloù, adalek penn an douar betek dibenn an douar, hag e serviji eno doueoù all na'z po ket anavezet, na te na da dadoù, koad ha maen.

Adlezenn 28:64 Referencias Cruzadas

Geneliezh 4:14

Setu, ec'h eus va argaset hiziv eus an douar-mañ hag e vin kuzhet pell diouzh da zremm. Bez' e vin ur c'hantreer hag un tec'her war an douar, hag en em gavo penaos piv bennak am c'havo am lazho.

2 Rouned 17:6

En navet bloaz eus Ozea, roue Asiria a dapas Samaria, hag e harluas an Israeliz da Asiria. O lakaat a reas e Kalak, war ribl ar C'habor, stêr Gozan, hag e kêrioù Media.

2 Rouned 25:21

Roue Babilon a skoas warno hag o lazhas e Ribla, e bro Hamad. Evel-se Juda a voe kaset er-maez eus e vro.

Nehemia 1:8

Az pez soñj, me az ped, eus ar gomz ac'h eus roet da Voizez da servijer o lavarout: Ober a reot pec'hedoù, ha me ho stlabezo e-touez ar broadoù,

Salmoù 44:11

Lakaet ec'h eus ac'hanomp da gilañ dirak an enebour, hag ar re hor c'hasa o deus tapet o freizh.

Izaia 6:12

betek m'en devo an AOTROU pellaet an dud, ha ma vo un digenvez bras e-kreiz ar vro.

Jeremiaz 15:14

Lakaat a rin ac'hanout da dremen gant da enebourien d'ur vro n'anavezez ket, rak enaouet eo tan va c'hounnar, hag e vo entanet a-enep deoc'h.

Jeremiaz 16:13

Neuze e tezougin ac'hanoc'h eus ar vro-mañ d'ur vro n'hoc'h eus ket anavezet, na c'hwi nag ho tadoù, hag eno e servijot doueoù all, deiz ha noz, rak ne rin ket trugarez deoc'h.

Jeremiaz 50:17

Israel a zo evel un dañvadez dianket argaset gant al leoned. Da gentañ roue Asiria en deus he debret, ha da ziwezhañ Nebukadnezar roue Babilon en deus torret hec'h eskern dezhi.

Jeremiaz 9:16

O stlabezañ a rin e-touez ar broadoù n'o deus ket anavezet, nag int nag o zadoù, hag e kasin war o lerc'h ar c'hleze, betek ma em bo kuzumet anezho.

Klemmganoù 1:3

Juda a zo bet harluet, er glac'har eo hag en ur sklavelezh bras. Emañ o chom e-touez ar broadoù ha ne gav diskuizh ebet. E holl heskinerien o deus e dapet en enkrez.

Ezekiel 20:23

Savet em eus va dorn dirazo er gouelec'h, evit o stlabezañ e-touez ar broadoù hag o strewiñ e meur a vro,

Ezekiel 36:19

O stlabezet em eus e-touez ar broadoù, hag int bet strewet e meur a vro. O barnet em eus hervez o hent hag hervez o oberoù.

Leviegezh 26:33

hag ho stlabezin e-touez ar broadoù hag e tennin ar c’hleze war ho lerc’h. Ho pro a vo dismantret hag ho kêrioù didud.

Amoz 9:9

Rak setu ez an da reiñ va urzhioù, hag e hejin e-touez an holl vroadoù ti Israel, evel ma vez hejet an ed er c'hrouer, hep na gouezh ur c'hreunenn d'an douar.

Zakaria 2:10

Laosk kriadennoù a levenez, ha bez laouen, merc'h Sion! Rak setu e teuan hag e chomin ez kreiz, eme an AOTROU.

Zakaria 7:14

O c'haset em eus kuit dre ar gorventenn etrezek an holl vroadoù n'anavezent ket, ha war o lerc'h eo bet gwastet ar vro, hep tremeniri ken, hag ar vro a zudi-se a zo deuet da vezañ ur glac'har.

Sant Lucas 21:24

Kouezhañ a raint dindan troc’h ar c’hleze ha kaset e vint da sklaved e-touez an holl vroadoù. Jeruzalem a vo mac’het gant ar vroadoù betek ma vo peurleuniet amzerioù ar vroadoù.

Adlezenn 13:8

n'asanti ket dezhañ ha ne selaoui ket anezhañ. Da lagad a vo didruez, n'esperno ket anezhañ, ne c'holoi ket anezhañ,

Adlezenn 28:36

An AOTROU a raio dit kerzhout, gant da roue az po lakaet warnout, etrezek ur bobl na'z po ket anavezet, na te na da dadoù, hag e serviji eno doueoù all, koad ha maen.

Adlezenn 29:26

ha ma'z int aet da servijañ doueoù all ha da stouiñ dirazo, doueoù n'anavezent ket ha n'en doa ket roet dezho da lodennañ.

Adlezenn 30:1

Pa c'hoarvezo an holl draoù-se am eus diskouezet dit, ar vennozh hag ar vallozh, ha pa soñji enno ez kalon e-touez an holl bobloù e-lec'h m'en devo kaset ac'hanout an AOTROU da Zoue,

Adlezenn 32:17

Aberzhet o deus da ziaouled ha n'int ket Doue, da zoueoù n'anavezent ket, nevez deuet abaoe nebeut ha ne oant ket bet doujet gant o zadoù.

Adlezenn 32:26

Me a lavarfe: O stlabezañ a rin, hag e tiverkin o eñvor a-douez an dud!

Adlezenn 4:32

Goulenn digant an deizioù tremenet a zo bet a-raok dit, adalek an deiz ma krouas Doue an den war an douar, hag adalek penn an neñvoù betek dibenn an neñvoù, hag-eñ ez eus bet un dra ken bras, hag-eñ ez eus bet klevet un dra heñvel?