Adlezenn 28:62 - Bibl Koad 21: Ar Bibl e Brezhoneg evit ar Vretoned

⁶² C'hwi a chomo e niver bihan, el lec'h ma oac'h niverus evel stered an neñv, dre ma ne'z po ket sentet ouzh mouezh an AOTROU da Zoue.

Adlezenn 28:62 Referencias Cruzadas

2 Rouned 13:7

petra bennak ma ne oa ket manet a soudarded da Joakaz, nemet hanter-kant marc'heger, dek karr ha dek mil den war-droad. Rak roue Siria en doa o distrujet, hag o lakaet evel ar boultrenn a vac'her gant an treid.

2 Rouned 24:14

Hag e harluas holl Jeruzalem, an holl bennoù hag an holl vrezelourien galonek, dek mil dalc'had, gant ar gilvizien hag an alc'houezerien. Ne vanas den a nemorant, nemet tud paour ar vro.

Nehemia 7:4

Kêr a oa frank ha bras, met nebeut a annezidi e oa, hag an tiez ne oant ket savet.

Nehemia 9:23

Kresket ec'h eus o mibien evel stered an neñvoù, hag o c'haset d'ar vro az poa lavaret d'o zadoù ez ajent enni d'he ferc'hennañ.

Izaia 1:9

Ma n'en dije ket AOTROU an armeoù lezet ganeomp un nemorant bihan, e vijemp deuet evel Sodom, heñvel ouzh Gomora.

Izaia 24:6

Abalamour da-se eo lonket an douar gant ar vallozh, e annezerien a zoug o foan, tud an douar a zo kuzumet, ne chom ken nemet nebeut a dud.

Izaia 6:11

Hag e lavaris: Betek pegeit, Aotrou? Hag e respontas: Betek ma vo ar c'hêrioù glac'haret ha diannez, an tiez didud, an douar glac'haret penn-da-benn,

Izaia 6:13

Ma chom c'hoazh un dekvedenn, e vint kuzumet d'o zro; met evel ma vir un dourmantinenn hag un dervenn o skosenn pa vezont diskaret, e teuio anezho ur skosenn, ul lignez santel.

Jeremiaz 42:2

hag a lavaras d'ar profed Jeremiaz: Degemer mat hon aspedenn, ha ped an AOTROU da Zoue evidomp, evit an nemorant a zo chomet amañ! Rak eus kalz, omp chomet nebeut, evel ma wel da zaoulagad.

Leviegezh 26:22

kas a rin a-enep deoc’h al loened gouez a skrapo ho pugale, a zistrujo ho chatal, a nebeutaio ac’hanoc’h, hag e vo didud ho hentoù.

Amoz 5:3

Evel-henn e komz an Aotrou AOTROU: Ar gêr a lakae en ergerzh-brezel mil den a viro kant ganti, hag an hini a lakae en ergerzh-brezel kant den a viro dek ganti, evit ti Israel.

Sant Marc 13:20

Ha ma n’en dije ket an Aotrou berraet an deizioù-se, den ebet ne vije salvet. Met abalamour d’ar re zibabet dilennet gantañ, en deus o berraet.

Adlezenn 1:10

An AOTROU ho Toue en deus ho kresket, ha setu-c'hwi, hiziv, niverus evel stered an neñv.

Adlezenn 1:11

Ra gresko ac'hanoc'h c'hoazh an AOTROU, Doue ho tadoù, mil gwech kement all, ha ra vennigo ac'hanoc'h evel m'en deus lavaret deoc'h!

Adlezenn 10:22

Da dadoù a ziskennas d'an Ejipt, bez' e oant dek ha tri-ugent, ha bremañ, an AOTROU da Zoue en deus lakaet ac'hanout da vezañ niverus evel stered an neñvoù.

Adlezenn 4:27

An AOTROU a stlabezo ac'hanoc'h e-touez ar broadoù, ha ne vanot nemet un niver bihan e-touez ar pobloù e-lec'h ma kaso an AOTROU ac’hanoc’h.