Adlezenn 28:36 - Bibl Koad 21: Ar Bibl e Brezhoneg evit ar Vretoned

³⁶ An AOTROU a raio dit kerzhout, gant da roue az po lakaet warnout, etrezek ur bobl na'z po ket anavezet, na te na da dadoù, hag e serviji eno doueoù all, koad ha maen.

Adlezenn 28:36 Referencias Cruzadas

2 Rouned 25:11

Nebuzaradan penn ar warded a harluas an nemorant eus an dud a oa chomet e kêr, ar re a oa en em rentet da roue Babilon, hag an nemorant eus an engroez.

2 Rouned 25:21

Roue Babilon a skoas warno hag o lazhas e Ribla, e bro Hamad. Evel-se Juda a voe kaset er-maez eus e vro.

2 Danevelloù 33:11

Neuze an AOTROU a gasas a-enep dezho pennoù arme roue Asiria, a dapas Manase evit e lakaat ouzh an hern, hag e voe ereet gant ur chadenn arem doubl, hag e voe kaset da Vabilon.

2 Danevelloù 36:1

Pobl ar vro a gemeras Joakaz mab Jozia hag a lakaas anezhañ da roue e lec'h e dad e Jeruzalem.

2 Danevelloù 36:17

Neuze e lakaas da bignat a-enep dezho roue ar Galdeiz, a lazhas o zud yaouank dre ar c'hleze e ti o santual. Ha n'en doe truez nag ouzh an den yaouank, nag ouzh ar werc'hez, nag ouzh ar c'hozhiad, nag ouzh ar blev gwenn, a lakaas holl etre e zaouarn.

2 Danevelloù 36:20

Nebukadnezar a zegasas da Vabilon an nemorant lezet gant ar c'hleze; hag e voent sklavourien dezhañ ha d'e vibien, betek aotrouniezh rouantelezh Persia,

2 Danevelloù 36:6

Nebukadnezar roue Babilon a bignas a-enep dezhañ, hag a ereas anezhañ gant ur chadenn arem doubl, evit e gas da Vabilon.

Izaia 39:7

Kemeret e vo zoken eus da vibien, eus ar re zeuet ac'hanout, bet ganet ac'hanout, evit bezañ spazhidi e palez roue Babilon.

Jeremiaz 15:14

Lakaat a rin ac'hanout da dremen gant da enebourien d'ur vro n'anavezez ket, rak enaouet eo tan va c'hounnar, hag e vo entanet a-enep deoc'h.

Jeremiaz 16:13

Neuze e tezougin ac'hanoc'h eus ar vro-mañ d'ur vro n'hoc'h eus ket anavezet, na c'hwi nag ho tadoù, hag eno e servijot doueoù all, deiz ha noz, rak ne rin ket trugarez deoc'h.

Jeremiaz 39:1

D'an navet bloaz eus Sedesia roue Juda, d'an dekvet miz, e teuas Nebukadnezar roue Babilon gant e holl arme a-enep Jeruzalem, hag e sezizjont anezhi.

Jeremiaz 9:15

Setu perak evel-henn e komz AOTROU an armeoù, Doue Israel: Setu e rin d'ar bobl-mañ debriñ huelenn hag evañ dour ampoezonet.

Klemmganoù 2:9

He dorojoù a zo sanket en douar, distrujet ha torret en deus ar prennoù. He roue hag he fennoù a zo e-touez ar broadoù, al lezenn n'emañ ken. Ar brofeded zoken n'o deus gweledigezh ebet a-berzh an AOTROU.

Klemmganoù 4:20

C'hwezh hor fri, olevad an AOTROU, a zo bet tapet en o foulloù, hag e lavaremp diwar e benn: En e skeud e vevimp e-touez ar broadoù.

Ezekiel 11:9

Lakaet e viot da vont e-maez eus he c'hreiz, ho lakain etre daouarn diavaezidi, hag e rin va barnedigezhioù a-enep deoc'h.

Ezekiel 20:39

Ha c'hwi, ti Israel, evel-henn e komz an Aotrou AOTROU: Kit, servijit pep hini e idoloù! Met goude-se e selaouot, ha ne zisakrot ken anv va santelez dre ho profoù ha dre hoc'h idoloù.

Adlezenn 28:64

An AOTROU a stlabezo ac'hanout e-touez an holl bobloù, adalek penn an douar betek dibenn an douar, hag e serviji eno doueoù all na'z po ket anavezet, na te na da dadoù, koad ha maen.

Adlezenn 29:17

Gwelet hoc'h eus o zraoù euzhus hag o doueoù, koad, maen, arc'hant, aour, a zo en o zouez.

Adlezenn 4:27

An AOTROU a stlabezo ac'hanoc'h e-touez ar broadoù, ha ne vanot nemet un niver bihan e-touez ar pobloù e-lec'h ma kaso an AOTROU ac’hanoc’h.

Adlezenn 4:28

Hag e servijot eno doueoù graet gant daouarn an den, koad pe maen, na welont ket, na glevont ket, na zebront ket, na c'hweshaont ket.

1 Samuel 12:25

Met mar grit an droug, e viot distrujet, c'hwi hag ho roue.