Adlezenn 28:32 - Bibl Koad 21: Ar Bibl e Brezhoneg evit ar Vretoned

³² Da vibien ha da verc'hed a vo roet d'ur bobl all, da zaoulagad a welo kement-se hag a guzumo war o lerc'h bemdez, ha da zorn a vo dinerzh.

Adlezenn 28:32 Referencias Cruzadas

2 Danevelloù 29:9

Setu, en abeg da-se hon tadoù a zo kouezhet dre ar c'hleze, hag hor mibien, hor merc'hed hag hor gwragez a zo lakaet da sklav.

Levr Job 11:20

Met daoulagad ar re zrouk a vo kuzumet, pep tec'h a vo kollet evito, rentañ o ene a vo o esperañs.

Levr Job 17:5

Un den a ro e vignoned d'an diwisk, ha daoulagad e vugale a vo kuzumet.

Levr Job 31:8

ra zebro unan all ar pezh am eus hadet, ra vo diwriziennet va eost!

Salmoù 119:123

Va daoulagad a bulluc'h war-lerc'h da silvidigezh ha ger da reizhder.

Salmoù 119:82

Va daoulagad a bulluc'h war-lerc'h da c'her, hag e lavaran: Pegoulz e frealzi ac'hanon?

Salmoù 69:3

Sankañ a ran en ur fankigell don, e-lec'h ma kollan sont. Aet on e donder an doureier hag an tonnoù o deus va goloet.

Izaia 38:14

Grozmolat a raen evel ar wennili, huanadiñ a raen evel ar goulm, va daoulagad a zo aet skuizh o sellout ouzh an nec'h. AOTROU, bec'hiet on, bez va surentez.

Klemmganoù 1:18

An AOTROU a zo reizh, rak ez on bet disent ouzh e c'henoù. Pobloù, selaouit holl, gwelit va glac'har. Va gwerc'hezed ha va zud yaouank a zo bet harluet.

Klemmganoù 2:11

Va daoulagad a zo faezh gant an daeroù, va c'hreizon a verv. Va avu en em stlabez war an douar en abeg da c'houli merc'h va fobl. Ar bugaligoù hag ar magadelloù a sempl war leurioù kêr.

Klemmganoù 4:17

Semplaet o deus hon daoulagad en gortoz aner eus ur skoazell. Eus hon tourioù hon eus sellet etrezek ur bobl na c'helle ket hor saveteiñ.

Klemmganoù 5:17

En abeg da-se eo klañv hor c'halon, en abeg da-se eo teñvalaet hon daoulagad,

Ezekiel 24:25

Ha te mab an den, en deiz ma lamin o nerzh diganto, levenez o gloar, plijadur o daoulagad, an dra a zo staget o eneoù outi, o mibien hag o merc'hed,

Joel 3:6

Gwerzhet hoc'h eus mibien Juda ha mibien Jeruzalem da vibien Javan, evit o fellaat diouzh o douar.

Amoz 5:27

Setu perak e harluin ac'hanoc'h en tu all da Zamask, eme an AOTROU, Doue an armeoù eo e anv.

Mika 2:1

Gwalleur d'ar re a raktres traoù direizh hag a ijin an droug war o gweleoù! Da c'houloù-deiz e sevenont an traoù-se, dre m'o deus ar galloud en o daouarn.

Mika 4:10

Gouzañv gwentloù ha kri, merc'h Sion, evel ar wreg o wilioudiñ! Rak bremañ ez i eus kêr hag e vi o chom er parkeier, hag ez i betek Babilon. Eno e vi dieubet, eno e vi dasprenet gant an AOTROU eus dorn da enebourien.

Niveroù 21:29

Gwalleur dit, Moab! Kollet out, pobl Kemosh! Lezet en deus e vibien da dec'hout, hag e verc'hed da vezañ tapet gant Sihon, roue an Amoreaned.

Adlezenn 28:18

Milliget e vo frouezh da gof, frouezh da zouar, klodadoù da saout ha da zeñved.

Adlezenn 28:31

da ejen a vo lazhet dirak da zaoulagad ha ne zebri ket dioutañ, da azen a vo laeret dirazout ha ne vo ket rentet dit, da zeñved a vo roet da'z enebourien ha ne vo den ebet da zieubiñ anezho.

Adlezenn 28:41

Mibien ha merc'hed a c'hani met ne vint ket dit, rak mont a raint e dalc’hidigezh.

Adlezenn 28:65

E-touez ar pobloù-se, ne vi ket sioul ha sol da droad n'en devo diskuizh ebet. An AOTROU a roio dit ur galon grenus, daoulagad enkrezet hag un ene trist.