Adlezenn 28:20 - Bibl Koad 21: Ar Bibl e Brezhoneg evit ar Vretoned

²⁰ An AOTROU a gaso ar vallozh, ar spont hag ar gourdrouz war gement tra a lakai da zaouarn d'ober, betek ma vi distrujet ha kollet buan, en abeg da fallentez da oberoù, ez po va dilezet evito.

Adlezenn 28:20 Referencias Cruzadas

Levr Job 24:18

Mont a reont kuit evel un dra skañv war-c'horre an dour, o lodenn a zo milliget war an douar, ne gemeront ket hent ar gwini.

Salmoù 7:11

Doue a zo va skoed! Eñ eo an hini a savete ar re eeun a galon.

Izaia 28:19

Kerkent ha ma tremeno e krogo ennoc'h, rak tremen a raio beure goude beure, en deiz hag en noz; hag ar spont hepken a vo he c'hemennadenn.

Izaia 30:17

Mil ac'hanoc'h a vo gourdrouzet gant un den, ha dirak gourdrouz pemp den e tec'hot, ken na chomo ac'hanoc'h nemet evel ur post war-lein ur menez, evel ur banniel war ur grec'hienn.

Izaia 51:20

Da vibien a zo semplet, gourvezet e korn pep straed, evel un antilopenn tapet en ur roued, bec'hiet gant kounnar an AOTROU, gant rebechoù da Zoue.

Izaia 66:15

Rak setu ma teuio an AOTROU en un tan, e girri a vo evel ur barr-avel, evit treiñ e imor e fulor hag e c'hourdrouz e flammoù tan.

Jeremiaz 1:16

Hag e tisklêrin va barnedigezhioù a-enep dezho, en abeg d'o holl zrougiezh, dre m'o deus va dilezet, hag o deus kinniget ezañs da zoueoù all, hag o deus stouet dirak oberennoù o daouarn.

Jeremiaz 19:4

Va dilezet o deus, diavaezet o deus al lec'h-mañ, kinniget o deus ennañ ezañs da zoueoù all n'anavezent ket, nag int nag o zadoù na rouaned Juda, leuniet o deus al lec'h-mañ a wad didamall,

Leviegezh 26:38

mont a reot da goll e-touez ar broadoù ha bro hoc’h enebourien a lonko ac’hanoc’h.

Malaki 2:2

Ma ne selaouit ket, ha ma ne lakait ket ho kalon da reiñ gloar da'm anv, eme AOTROU an armeoù, e kasin warnoc'h ar vallozh, hag e vallozhin ho pennozhioù. Ya, mallozhiñ a rin anezho dre ma ne lakait ket ho kalon da-se.

Sant Ian 3:36

An hini a gred er Mab en deus ar vuhez peurbadus, met an hini na sent ket ouzh ar Mab ne welo ket ar vuhez, met fulor Doue a chom warnañ.

Adlezenn 28:8

An AOTROU a c'hourc'hemenno d'ar vennozh bezañ warnout ez solieroù hag e kement a ri gant da zaouarn, hag e vennigo ac'hanout er vro a ro dit an AOTROU da Zoue.

Adlezenn 4:26

e kemeran an neñvoù hag an douar da dest en hoc'h enep, penaos e viot distrujet buan a-ziwar c'horre ar vro emaoc'h o vont da berc'hennañ en tu all d'ar Jordan, ne hiraiot ket ho teizioù eno, met mont a reot prim da goll.

1 Tesalonikiz 2:16

o virout ouzhimp da gomz d’ar baganed evit ma vint salvet, hag o leuniañ dre-se bepred muioc’h muzul o fec’hedoù. Met fulor Doue a zo deuet warno a-benn ar fin.

Jozue 23:16

Mar torrit emglev an AOTROU ho Toue, an hini en deus gourc'hemennet deoc'h, ma kit da servijañ doueoù all ha da stouiñ dirazo, fulor an AOTROU en em dano a-enep deoc'h, hag e varvot buan diwar ar vro vat en deus roet deoc'h.

Ar Varnerien 2:15

Dre holl ma'z aent, dorn an AOTROU a oa a-enep dezho evit o drougeur, evel m'en doa lavaret an AOTROU hag evel m'en doa touet an AOTROU dezho; hag e voent en un estrenvan vras.

1 Samuel 14:20

Saül hag an holl bobl a oa gantañ a voe dastumet, hag ez ejont betek lec'h an emgann, ha setu, ar Filistined o doa tennet ar c'hleze an eil a-enep egile, en ur spontadeg bras-meurbet.