Adlezenn 28:15 - Bibl Koad 21: Ar Bibl e Brezhoneg evit ar Vretoned

¹⁵ Ma ne sentez ket ouzh mouezh an AOTROU da Zoue, ma ne virez ket e holl c'hourc'hemennoù hag e holl reolennoù a gemennan dit hiziv ha ma ne rez ket diouto, setu an holl vallozhioù a zeuio warnout hag a c'hoarvezo ganit:

Adlezenn 28:15 Referencias Cruzadas

Geneliezh 3:14

An AOTROU Doue a lavaras d'an naer: Pa ec'h eus graet kement-se, milliget e vi e-touez an holl chatal hag e-touez holl anevaled ar parkeier, kerzhout a ri war da gof hag e tebri ar boultrenn holl zeizioù da vuhez.

Geneliezh 4:11

Bremañ e vi milliget gant an douar en deus digoret e c'henou evit degemer eus da zorn gwad da vreur.

Geneliezh 4:12

Pa labouri an douar, ne roio ken dit e frouezh. Ur c'hantreer hag un tec'her e vi war an douar.

2 Danevelloù 12:5

Neuze Shemaja ar profed a zeuas da gavout Roboam ha pennoù Juda a oa dastumet e Jeruzalem, dre ma tostae Shishak, hag e lavaras: Evel-henn e komz an AOTROU: Dilezet hoc'h eus ac'hanon, ha me ivez a zilez ac'hanoc'h etre daouarn Shishak.

2 Danevelloù 34:24

Evel-henn e komz an AOTROU: Setu ez an da gas ur gwalleur war al lec'h-mañ ha war e dud, an holl vallozhioù a zo skrivet el levr a zo bet lennet dirak roue Juda.

2 Danevelloù 7:19

Met mar distroit, mar dilezit va reolennoù ha va gourc'hemennoù am eus lakaet dirazoc'h, ha mard it da servijañ doueoù all ha da stouiñ dirazo,

Izaia 3:11

Gwalleur d'an hini fall! Gwalleur! Rak dastum a raio gopr e zaouarn.

Jeremiaz 11:8

Met n'o deus ket selaouet, n'o deus ket roet o skouarn, heuliet en deus pep hini kaleter e galon fall. Hag em eus degaset warno holl gomzoù an emglev am eus gourc'hemennet dezho mirout, ha n'o deus ket miret.

Jeremiaz 26:4

Lavarout a ri dezho: Evel-henn e komz an AOTROU: Ma ne selaouit ket ouzhin evit kerzhout hervez va lezenn am eus lakaet dirazoc'h,

Jeremiaz 32:23

Deuet int e-barzh hag o deus he ferc'hennet, met n'o deus ket sentet ouzh da vouezh, n'o deus ket kerzhet hervez da lezenn, n'o deus graet netra eus ar pezh az poa gourc'hemennet dezho ober. En abeg da-se ec'h eus graet d'an holl zroug-mañ dont warno.

Jeremiaz 36:31

Hag e kastizin anezhañ, e lignez hag e servijerien, en abeg d'o direizhder. Hag e lakain da zont warno ha war holl dud Jeruzalem ha war holl dud Juda, an holl zroug am eus lavaret a-enep dezho, ha n'o deus ket selaouet.

Jeremiaz 36:7

Marteze o fedenn a vo degemeret gant an AOTROU, hag e tistroio pep hini diwar e hent fall, rak kounnar ha fulor en deus an AOTROU disklêriet a-enep ar bobl-mañ a zo bras.

Jeremiaz 40:2

Penn ar warded a gemeras eta Jeremiaz hag a lavaras dezhañ: An AOTROU da Zoue en doa disklêriet an droug-mañ a-enep al lec'h-mañ,

Klemmganoù 2:17

An AOTROU en deus graet hervez e vennozh, sevenet en deus ar gomz divizet abaoe pell. Distrujet en deus didruez. Laouenaet en deus an enebour diwar da benn, savet en deus nerzh da waskerien.

Ozea 7:12

Pa'z aint, ec'h astennin warno va roued, o lakaat a rin da gouezhañ evel laboused an neñvoù, o c'hastizañ a rin, evel m'o deus klevet en o bodadeg.

Malaki 2:2

Ma ne selaouit ket, ha ma ne lakait ket ho kalon da reiñ gloar da'm anv, eme AOTROU an armeoù, e kasin warnoc'h ar vallozh, hag e vallozhin ho pennozhioù. Ya, mallozhiñ a rin anezho dre ma ne lakait ket ho kalon da-se.

Galated 3:10

Met ar re holl en em stag ouzh oberoù al lezenn a zo dindan ar vallozh, rak skrivet eo: Milliget eo kement den ha na gendalc’h ket en holl draoù a zo skrivet e levr al lezenn evit ober anezho.

Adlezenn 11:28

ar vallozh ma ne sentit ket ouzh gourc'hemennoù an AOTROU ho Toue ha ma tistroit eus an hent a gemennan deoc'h hiziv, evit mont war-lerc'h doueoù all n'hoc'h eus ket anavezet.

Adlezenn 28:2

Setu an holl vennozhioù a zeuio warnout hag a c'hoarvezo ganit mar sentez ouzh mouezh an AOTROU da Zoue:

Adlezenn 28:45

An holl vallozhioù-se a zeuio warnout hag a vo war da lerc'h hag a c'hoarvezo ganit betek ma vi distrujet, dre ma ne'z po ket sentet ouzh mouezh an AOTROU da Zoue ha ne'z po ket miret e c'hourc'hemennoù hag e reolennoù en deus kemennet dit.

Adlezenn 29:19

An hini a glevfe komzoù ar vallozh-se hag en em vennigfe en e galon o lavarout: Peoc'h am bo pa gerzhin e c'hoantadoù va c'halon, o stagañ ar vezventi ouzh ar sec'hed,

Adlezenn 29:20

an AOTROU ne fello ket dezhañ pardoniñ d'an den-se, met kounnar an AOTROU hag e warizi en em dano en e enep, an holl vallozhioù skrivet el levr-mañ a bouezo warnañ, hag an AOTROU a lamo e anv a-zindan an neñvoù.

Adlezenn 5:1

Moizez a zastumas holl Israel hag a lavaras: Selaou, Israel, ar reolennoù hag ar barnedigezhioù a zisklêrian hiziv d'ho tivskouarn. O deskit, o mirit ha grit diouto.

Jozue 23:15

Hag evel ma'z eo c'hoarvezet ganeoc'h an holl gomzoù mat en deus lavaret an AOTROU ho Toue, evel-se e lakaio da zont warnoc'h an AOTROU an holl gomzoù fall, betek ma'z eot da get a-ziwar c'horre ar vro vat-mañ en deus roet deoc'h an AOTROU ho Toue.

Jozue 23:16

Mar torrit emglev an AOTROU ho Toue, an hini en deus gourc'hemennet deoc'h, ma kit da servijañ doueoù all ha da stouiñ dirazo, fulor an AOTROU en em dano a-enep deoc'h, hag e varvot buan diwar ar vro vat en deus roet deoc'h.

Ar Varnerien 2:15

Dre holl ma'z aent, dorn an AOTROU a oa a-enep dezho evit o drougeur, evel m'en doa lavaret an AOTROU hag evel m'en doa touet an AOTROU dezho; hag e voent en un estrenvan vras.

1 Samuel 4:10

Ar Filistined a vrezelas eta, hag Israel a voe pilet, ha pep hini a dec'has d'e deltenn. Al lazhadeg a voe bras, tregont mil den war droad eus Israel a gouezhas.