Adlezenn 27:26 - Bibl Koad 21: Ar Bibl e Brezhoneg evit ar Vretoned

²⁶ Milliget ra vo an hini na beurc'hraio ket komzoù al lezenn-mañ ha na raio ket diouto! Hag an holl bobl a lavaro: Amen!

Adlezenn 27:26 Referencias Cruzadas

2 Rouned 22:13

Kit, goulennatait an AOTROU evidon, evit ar bobl hag evit Juda a-bezh, diwar-benn komzoù al levr a zo bet kavet. Rak bras eo kounnar an AOTROU a zo entanet a-enep deomp, dre ma n'o deus ket sentet hon tadoù ouzh komzoù al levr-mañ, evit ober hervez kement a zo skrivet evidomp.

Ezdra 7:26

An holl re na virint ket lezenn da Zoue ha lezenn ar roue, ra vint barnet diouzhtu, pe d'ar marv pe d'ar forbannerezh pe d'un dell-gastiz war ar madoù pe d'an toull-bac'h.

Salmoù 119:21

Gourdrouz a rez ar re lorc'hus milliget, a bella eus da c'hourc'hemennoù.

Ezekiel 18:24

Ha mar distro an hini reizh diouzh e reizhder ha ma ra an droug, hervez an holl euzhusterioù en deus an den fall ar c'hiz d'ober, hag e vevo? Ne vo ket meneget e zireizhder en deus graet, hag en abeg d'e zrougoberoù ha d'e bec'hed en deus graet e varvo.

Mazhev 25:41

Neuze e lavaro d’ar re a vo a-gleiz dezhañ: Tec’hit diouzhin, tud villiget, it en tan peurbadus a zo bet kempennet evit an diaoul hag e aeled.

Romaned 10:5

Moizez a skriv diwar-benn ar reizhder a zeu eus al lezenn: An den a raio an traoù-mañ a vevo drezo.

1 Korintiz 16:22

Ma ez eus unan bennak na gar ket an Aotrou Jezuz-Krist, ra vo milliget! Maranata!

2 Korintiz 3:9

Mar d-eo bet ministrerezh ar gondaonidigezh glorius, ministrerezh ar reizhder a fonn kalz muioc’h e gloar.

Galated 3:10

Met ar re holl en em stag ouzh oberoù al lezenn a zo dindan ar vallozh, rak skrivet eo: Milliget eo kement den ha na gendalc’h ket en holl draoù a zo skrivet e levr al lezenn evit ober anezho.

Adlezenn 27:15

Milliget ra vo an den a ra ur skeudenn gizellet pe teuzet, a zo un euzhusted d'an AOTROU, labour daouarn ur micherour a laka anezhi en ul lec'h kuzh! Hag an holl bobl a responto o lavarout: Amen!